Lets Fall In Love [ ဘာသာပြန် ]

Chapter 13 ( part 1 )

နှစ်ဦးသား စား​သောက်ပြီးစီးကြသည့်​နောက် ကားထဲသို့ပြန်​ရောက်လာသည်နှင့် ရွှီကျစ်သည် တစ်စက်​လေးမျှပင်အချိန်မဆွဲဘဲ လက်ကိုင်ဖုန်းကိုထုတ်ထားပြီး ချန်လုကျိုး၏ Wechat QR code အား Scan ဖတ်ဖို့ရာ အသင့်ဖြစ်​နေ​တော့သည်။ ချန်လုကျိုးမှာ စိတ်ထဲမှ​​နေ၍ 'ဘယ်​လောက်​တောင် စိတ်ထားထက်သန်​နေလဲဆိုတာကြည့်ပါဦး' ဟု တစ်ကိုယ်တည်း​တွေးမိရင်း QR code ကိုဖွင့်၍ ဖုန်းချ​ပေးထားလိုက်သည်။ အကြည့်များသည်​တော့ ​မြေ​အောက်ကားပါကင်အတွင်း၌ ​ကြေညာထားသည့်ရုပ်ရှင်ဇာတ်ကားပိုစတာများထံသို့ရောက်​နေပြီး ရင်တွင်းစကားများမှာလည်း နှုတ်ဖျားမှ လွှတ်ခနဲထွက်ကျ​တော့မ​ယောင်မျိုး​နှင့် : 'ဒီအဆင့်ထိ​​တောင် ရောက်​နေမှ​တော့ အရင်ဆုံး ရုပ်ရှင်သွားကြည့်ကြမလား'

"တစ်ချက်​လောက် မှတ်ထားချင်လို့...."

ရွှီကျစ်က Friend added လိုက်သည့်နှုတ်ဆက်စာတစ်​စောင်ပို့ရင်း ​သေချာ​အောင်အတည်ပြုလိုက်​သေး၏။

"နာမည်သုံးလုံး,လုံးက မျိုးရိုးနာမည်စကားလုံး​တွေ ဟုတ်တယ်​မလား"

( T/N ; တရုတ်မှာက မျိုးရိုးနာမည်အတွက် စာလုံး​တွေက သူ့ဟာသူရှိပြီးသား ၊ ဥပမာ - 'ချန်' ဆိုရင်လည်း 'ချန်'လို့အသံထွက်တူတဲ့စာလုံးတိုင်းကို မျိုးရိုးနာမည်အဖြစ် ယူဆလို့မရပါဘူး ၊ မျိုးရိုးအတွက်အသုံးပြုကြတဲ့စာလုံး​တွေ ရှိပြီးသားပါ။ ကိုယ်​တွေ မြန်မာနာမည်မှာဆိုရင်လည်း အသံထွက်တူရင်​တောင် နာမည်အဖြစ်မသုံးကြတဲ့စာလုံး​တွေရှိတယ်​လေဟုတ်။ ဒီမှာ ရွှီကျစ်​ပြောတဲ့စကား 'နာမည်သုံးလုံး,လုံးက မျိုးရိုးနာမည်စကားလုံး​တွေ ဟုတ်လား' ဆိုတဲ့အဓိပ္ပါယ်က​တော့ 'ချန်' 'လု' 'ကျိုး' သုံးလုံး,လုံးက မျိုးရိုးနာမည်​​တွေမှာ​တွေ့ရတတ်တဲ့စကားလုံး​တွေ ဟုတ်မဟုတ် ​မေးခြင်းဖြစ်ပါတယ် )

ပထမဆုံး​တွေ့ဆုံကြသည့်အချိန် ကျူးယန်ချီ မိတ်ဆက်​ပေးဖူးလာခဲ့သည်မှာလည်း နာမည်သုံးလုံး,လုံးက မျိုးရိုးစကားလုံးအမည်များဟူ၍ဖြစ်သည်။ ထိုအချိန်က သူကိုယ်တိုင်ပင် 'အင်း'ဟု ဆိုခဲ့​သေး၏။ ရွှီကျစ်က 'ချန်လုကျိုး' ဟုပင် တိုက်ရိုက်​ရေးမှလိုက်ပြီး စကားတစ်ခွန်းကိုပါ သက်ပြင်းချ၍ဆိုလာ၏။