ချန်လုကျိုးမှာ ရုတ်ချည်းဆွံ့အကြောင်အမ်းသွားရတော့၏။ ဆိုဖာပေါ်ဖိ၍ အနမ်းခံနေရသည့်လူမှာ မည်သို့မှမတုံ့ပြန်နိုင်တော့ဘဲ အန္တရာယ်ကိုသတိမထားမိခြင်းကြောင့်ပဲလား သို့မှမဟုတ် ကြားလိုက်ရသည်ကိုမယုံကြည်ရဲခြင်းကြောင့်လား မသိ ၊ မနေနိုင်အောင် မေးလိုက်မိသည်။
"ဘာဖြစ်တယ် ၊ မင်းက ဘာကိုကြည့်ချင်တာလဲ"
ရွှီကျစ်သည် ခန္ဓာကိုယ်ကောက်ကြောင်းအပေါ်လွင်ဆုံးအနေအထားဖြင့် ချန်လုကျိုးပေါ်သို့ တစ်ကိုယ်လုံးမှီထားလျက်ရှိပြီး ကောင်မလေး၏အချိုးအစားတို့မှာ ဖူးပွင့်စပြုနေသည့်ပန်းတစ်ပွင့်နှယ် အနူးညံ့ဆုံး၊အထင်းသားဆုံးရှိနေသည်။ လက်နှစ်ဖက်လုံးက ဆိုဖာအနောက်မှီပေါ်လှမ်းထောက်ပြီး တည့်တိုးဆန်လွန်းသည့်အကြည့်တို့မှာ သူ့အောက်ပိုင်းဆီရောက်နေလျက်သား။
ချန်လုကျိုးမှာ ဤအနေအထားအတိုင်း ဆိုဖာထက်၌ဖိခံထားရလေပြီး တစ်ခါမှမမြင်ခဲ့ဖူးသည့်ကောင်မလေး၏နောက်ကျောကောက်ကြောင်းတို့အား မြင်ဖူးလိုက်ရသလို သူမ၏ခန္ဓာကိုယ်အချိုးအစားက ဤမျှထိကြည့်ကောင်းနေမည်ဟုလည်း တစ်ခါမှမတွေးမိခဲ့ဖူး။ သို့သည့်တိုင်အောင် သူဟာ ပြောစရာစကားမဲ့၍ဆွံအနေဆဲ ;
"......"
ဒါက ငိုး အထက်တန်းကျောင်းသူကြည့်ရမယ့်ဟာမလို့လား။
"မင်း အထက်တန်းကျောင်းသူဆိုတာရော သေချာရဲ့လား"
ချန်လုကျိုးတစ်ယောက် သူမအား ကောက်ပွေ့၍ပစ်ထုတ်မိလုနီးနီး။
ရွှီကျစ်သည်လည်း ချန်လုကျိုး ဆတ်ဆတ်ထိမခံနိုင်သည့်အချက်ကိုမှ သွားဆွချေ၏။
"စိတ်ဝင်စားဖို့ကိုမကောင်းဘူး"
အသက်ရှူငွေ့တို့တိုးဖျငြိမ်ကျသွားသည်နှင့်အတူ နှစ်ယောက်သားက အနည်းနှင့်အများ အသိကပ်လာကြ၏။ ချန်လုကျိုးမှာ ရွှီကျစ်အား ဆွဲမ၍ဘေးဖယ်လိုက်ပြီး အနမ်းလည်းမခံတော့သလို ပေါင်ပေါ်ထိုင်ခွင့်လည်းမပေးတော့ ၊ ထို့အစား အေးတိအေးစက်အသံတို့ဖြင့် 'အင်း'တစ်ခွန်းဆိုလာသည်။
YOU ARE READING
Lets Fall In Love [ ဘာသာပြန် ]
Romanceလမင်းကြီးဝိုင်းသည်ဖြစ်စေ မဝိုင်းတော့ဘူးဖြစ်စေ ဘာဟာကမှ အရေးမကြီးဘူး ကိုယ်တစ်ယောက်လုံး မင်းဘေးနားမှာရှိနေပေးမယ်~~~~