Lets Fall In Love [ ဘာသာပြန် ]

Chapter 96 ( part 2 )

ရွှီကျစ် ဖုန်း​ခေါ်ဆိုမှုလက်ခံရသည့်အခိုက်မှာ ချန်လုကျိုးအိမ်ထဲတွင် စာအုပ်ဖတ်​နေသည့်အချိန်ဖြစ်ပြီး မကြာခင် ​ကျောင်းပြန်ဖွင့်​တော့မည်ဖြစ်၍လည်း နှစ်​ယောက်သားဟာ စိတ်​ရောကိုယ်ပါ တည်ငြိမ်​အောင်ကြိုးစားခဲ့ကြပြီးဖြစ်သည်။

ဖုန်းလက်ခံ​ဖြေဆိုပြီးလျှင်ပြီးချင်းမှာလည်း ချန်လုကျိုးကိုဆွဲ​ခေါ်၍ ​ဆေးရုံသို့အမြန်​ပြေး​တော့၏။ ​ဆေးရုံသို့​ရောက်ပြီး​နောက် ​စောင့်ကြို​နေ​လေသည့်မြင်ကွင်းမှာကား ​​​ခြေ​ထောက်ကိုယ်စီ ကျောက်ပတ်တီးစည်းထားကြသည့် ရွှီကွမ်းကျိနှင့်ဒါရိုက်​တာ​ဝေ၏သား ၊ ထိုနှစ်​ယောက်၏အလယ်တွင်ထိုင်ပြီး လိ​မ္မော်သီးနွှာ​​ပေးနေသည့် ဒါရိုက်တာ​ဝေ,တို့ပင် ဖြစ်၏။

​လောင်ရွှီတစ်​ယောက် ချန်လုကျိုးနှင့်ရွှီကျစ်တို့ကိုမြင်လိုက်သည့်အခါတွင်​တော့ ပြုံးဖြီးဖြီးနှင့် နှုတ်ဆက်လာသည်။

"​ရောက်လာကြပြီလား ၊ အ​တော်ပဲ လိ​​မ္မော်သီးစားကြဦး ၊ ​လက်​ထောက်​ဆေးရုံအုပ်ချိုက် ဝယ်လာ​ပေးသွားတာ ၊ ဗီယက်နမ်အသီး​တွေတဲ့"

​အေး​အေးလူလူဖြစ်​နေသည့်ပုံစံမှာ အ​ပျော်ခရီးထွက်လာသည့်အလား။

ရွှီကျစ်နှင့်ချန်လုကျိုးမှာ အချင်းချင်းလှမ်းကြည့်မိလိုက်ကြကုန်ပြီး ဒါရိုက်တာ​ဝေ,ကို နှုတ်ဆက်ရင်း အခန်းထဲ​လျှောက်ဝင်လာလိုက်သည်။ ရွှီကျစ်မှ ​လောင်ရွှီ၏တံ​တောင်ဆစ်ကို အသာ​လေးပင့်ယူကြည့်လိုက်ပြီး ​ခြေမျက်စိတစ်​နေရာမှလွဲ အခြားခန္ဓာကိုယ်အစိတ်အပိုင်းများ ထိခိုက််မှုမရှိမှန်း​တွေ့​တော့မှသာ စကားဆိုလိုက်မိသည်။

"​ဖေ​ဖေ ဘယ်လိုဖြစ်ပြီးချော်လဲရပြန်​တာလဲ ၊ ​ဖေ​ဖေ ဦး​​ခေါင်းပိုင်းဆေးစစ်တာတွေ​ရာ လုပ်ကြည့်မလား ၊ ခဏခဏ​ချော်လဲ​နေတာက ဦး​နှောက်မှာ ပြဿနာတစ်ခုခုရှိ​နေလို့များလား"

ရွှီကွမ်းကျိက လိ​မ္မော်သီးတစ်စိတ်ကို ပါးစပ်ထဲထည့်ကာ စကားပြန်​ပြောမည်အပြု ၊ ဒါရိုက်တာ​ဝေမှ အရင်စကားဖြတ်​ပြောလာခဲ့သည်။