Lets Fall In Love [ ဘာသာပြန် ]

Chapter 64

နှစ်ကြိမ်တိတိမိုးသည်းထန်စွာရွာပြီး​နောက်တွင် S ပြည်နယ်၌ ရာသီဥတုအပူချိန်​လျော့သွားသည်မှာ ယခင်နှစ်ထက်စော​နေခဲ့ပြီး စက်တင်ဘာလအစပိုင်းမှာတင် အ​အေးဘက်သို့ကူး​ပြောင်းလာခဲ့သည်။ ရွှီကျစ်သည် စက်တင်ဘာလအစပိုင်းတွင်ပင် 'ချင့်ယီ'မြို့မှထွက်ခွာခဲ့ပြီး ​လောင်ချိုက်ကိုယ်တိုင် ​လေဆိပ်အထိ ကားဖြင့်လိုက်ပို့​ပေးခဲ့၏။ ကားအ​နောက်ခန်းတွင် ချိုက်ယင်းယင်းနှင့်အတူထိုင်လာခဲ့ပြီး အ​ရှေ့ခန်းမှ​လောင်ရွှီတစ်​ယောက် စကားများလာခဲ့သည်မှာ တစ်လမ်းလုံး​ပေ။ လမ်းသွားလမ်းလာတစ်​လျှောက်၌ 'အ​နွေးဓါတ်ကိုမလိုအပ် လှပကြည့်​ကောင်းဖို့ရာသာလိုအပ်သည်'ဆို​သော​ဆောင်ပုဒ်ကို လက်ကိုင်စွဲပြီးဝတ်စားထားသည့်မိန်းက​လေးများကို​တွေ့တိုင်း အ​နောက်ဘက်သို့လှည့်၍ ;

"သမီး ဟို​ဒေသကို​ရောက်ရင် ဒီကမိန်းက​လေး​တွေလို ဝတ်လို့မရဘူး​နော် ၊ အဲ့ဒီ​ဒေသက ​​ဖေ​ဖေတို့ဆီမှာထက်​အေးတယ် ၊ ​ဆောင်းတွင်းဝင်တာနဲ့ ဂျင်း​ဘောင်းဘီအရှည်​တွေပဲဝတ်"

​လောင်ချိုက်သည်လည်း ဤအ​ခြေအ​နေကိုအခွင့်​ကောင်းယူ၍ ချိုက်ယင်းယင်းထံသို့ စကားဆိုလိုက်သည်။

"သမီးလည်းသတိထား ၊ စာသင်ချိန်အတန်း​တွေကို​ ​ကောင်း​ကောင်းသွားတက် ၊ တစ်​နေကုန်တစ်​နေခမ်း မိတ်ကပ်​ဘယ်လိုပြင်ရမလဲဆိုတာချည်း စမ်းမ​နေနဲ့"

ချိုက်ယင်းယင်းက ချက်ချင်းကိုလက်မခံ​ချေဘဲ ရွှီကျစ်၏လက်​မောင်းကိုဖက်၍ စကားဆိုသည်။

"မဟုတ်​သေးပါဘူး​နော် ၊ ဒါက​တော့ ​ဖေ​ဖေ့ကိုအပြစ်တင်ရမှာပဲ ၊ ​ဖေ​ဖေသာ သမီးကို​ လှလှ​လေး​မွေး​ပေးလာရင် မိတ်ကပ်​တွေစမ်း​နေစရာလိုပါ့မလား ၊ သမီးလည်း ရွှီကျစ်လိုမျိုးဆိုရင် ​​နေ့တိုင်းမိတ်ကပ်မလိမ်းဘဲ ​အပြင်ထွက်ရင်​တောင် လိုက်ကြိုက်မယ့်​ကောင်​လေး​တွေအများကြီးရှိမှာ​ပေါ့"

"ဘာဖြစ်တယ် ၊ အများကြီးဟုတ်လား"

​လောင်ရွှီမှာ လှုပ်လှုပ်ရှားရှားဖြစ်သွားရ၍ ;

"ဟိုတစ်​ယောက်ပဲရှိတာ မဟုတ်ဘူးလား"

ချိုက်ယင်းယင်းက ခပ်ယိုင်ယိုင်တိုးသွားလိုက်ပြီး အသံတိုးတိုး​လေးနှင့် ;