ဝမ်လောင်ရှစ်သင်ကြားပေးသည်မှာ အဆင့်မြင့်သင်္ချာသင်ခန်းစာများဖြစ်ပြီး အခြားသောမေဂျာဌာနများနှင့်ယှဥ်လျှင် Experimental humunities မေဂျာနှင့် ဗိသုကာမေဂျာတို့၏ အဆင့်မြင့်သင်္ချာသင်ရိုးက အနည်းငယ်လွယ်ကူသေးသည်ဟုဆိုရမည်။ သို့သော် အရိုးရှင်းဆုံးပုစ္ဆာကပင် အသစ်အဆန်းဖြစ်နေကြရသည်။ တစ်ချိန်တစ်ခါက သင်္ချာထူးချွန်ဆုရထားဖူးသည့် ချန်လုကျိုးအတွက်ပင်လျှင် 'မနေ့ကရဲ့အမျိုးမျိုးသောတွေက မနေ့ကရဲ့သေဆုံးခြင်းတွေသာ'ဟူသောစကားပုံအတိုင်း ဖြစ်ကောင်းဖြစ်နေနိုင်လောက်၏။ ထို့အပြင် တစ်လကျော်မက ကျောင်းနောက်ကျထားသေးသောကြောင့် 'ယနေ့ရဲ့အမျိုးမျိုးသောတွေအတွက် သူ မွေးဖွားချင်တိုင်း မွေးဖွားနိုင်မည်မဟုတ်'၏။
[ T/N ; မူရင်း - မနေ့ကရဲ့အမျိုးမျိုးသောတွေဟာ မနေ့ကရဲ့သေဆုံးခြင်းတွေသာဖြစ်ပြီး ၊ ယနေ့ရဲ့အမျိုးမျိုးသောတွေကတော့ ယနေ့ရဲ့မွေးဖွားလာခြင်းတွေပါပဲ ]
မနက်ခင်းအချိန်ဇယားတွင် အတန်းချိန်နှစ်ချိန်ရှိပြီး ဝမ်လောင်ရှစ်အတန်းက ဒုတိယတစ်ချိန်။ ရွှီကျစ်တစ်ယောက်ဟာ ဝမ်လောင်ရှစ်အတန်းချိန်ရောက်လာဖို့အရေးကို တစ်ခါမှ မျှော်လင့်တစားမဖြစ်ဖူးသောကြောင့် ယခုလက်ရှိစိတ်လှုပ်တရှားဖြစ်နေပုံအား ရွှီကုန်းကျုပင် သတိထားမိလေသည်။
"ဒါက ဘယ်လိုဖြစ်နေတာလဲဟင် ၊ စိတ်တက်ကြွဆေးတွေဘာတွေ စားတာတော့မဟုတ်ဘူးမလား"
ရွှီကျစ်က ခပ်ပြုံးပြုံးဖြစ်သွားသည့်တိုင် စကားပြန်မဆိုဘဲ အသံတိတ်ဖြင့် မှတ်စုချရေးနေ၏။ တစ်ခဏနေလျှင်တွေ့ရလောက်မည့် အူကြောင်ကြောင်ဖြစ်နေလောက်မည့်ချန်လုကျိုး၏အမူအရာကို ကြိုတင်တွေးကြည့်ရင်း စိတ်ထဲ၌မြူးထူးလာသည်မှာ ကွေးတက်နေသည့်နှုတ်ခမ်းထောင့်စွန်းတို့ကိုပင် မရပ်တန့်နိုင်။ ထိုစဥ် အိတ်ကပ်ထဲမှ ဖုန်းတုန်ခါသံတစ်ချက်မြည်လာခဲ့သည်။
Cr : [ သေသေချာချာစဥ်းစားကြည့်လိုက်တော့ ငါ ခုဏတုန်းက စိတ်လောပြီးသဘောတူမိသွားတာပဲ ၊ ခဏနေကျရင် သပ်သပ်စီပဲခွဲထိုင်ရအောင် ၊ ငါ အရှက်ကွဲမခံနိုင်ဘူး ]
YOU ARE READING
Lets Fall In Love [ ဘာသာပြန် ]
Romanceလမင်းကြီးဝိုင်းသည်ဖြစ်စေ မဝိုင်းတော့ဘူးဖြစ်စေ ဘာဟာကမှ အရေးမကြီးဘူး ကိုယ်တစ်ယောက်လုံး မင်းဘေးနားမှာရှိနေပေးမယ်~~~~