Lets Fall In Love [ ဘာသာပြန် ]

Chapter 79 ( part 2 )

မထင်မှတ်ထားသည့်အတိုင်း ယခုနှစ်တွင်​တော့ ကျန်းချန်က ​မွေး​နေ့လက်​ဆောင်ပို့​ပေးလာသည့်အပြင် အထက်တန်း​ကျောင်းတုန်းက သိပ်မရင်းနှီးခဲ့သည့်သူငယ်ချင်းများပင် Wechat မှတဆင့် ​မွေး​နေ့ဆု​တောင်းစကားများပို့လာကြသည်။

ချန်ရှင်းချီထံမှလည်း မက်​ဆေ့တစ်​စောင်​ရောက်လာခဲ့သည်။

[ အစ်ကို ​မွေး​နေ့မှာ​ပျော်ရွှင်ပါ​စေ​နော် ]

တရားရုံး၌ ချန်ရှင်းချီ၏အုပ်ထိန်းခွင့်အား ချန်ကျီရှန်းထံလွှဲအပ်လိုက်ပြီးသည့်အချိန်ကတည်းက သူတို့ညီအစ်ကိုနှစ်ဦးကြားတွင် အဆက်အသွယ်မရှိ​တော့။ အထုတ်အပိုးများပြင်ပြီး လျန်​ဟွေ့နှင့်အတူ ဗီလာထဲမှထွက်လာသည့်ညတွင် ချန်ရှင်းချီသည် သူ့လည်ပင်းအား ကိုအာလာတစ်​ကောင်လိုသိုင်းဖက်ထားခဲ့၍ ငိုယိုပြီးအ​မေးထုတ်ခဲ့​သေး၏ ; 'အစ်ကို ကျွန်​တော်​ရော အစ်ကိုနဲ့လိုက်ခဲ့လို့မရဘူးလား....ကျွန်​တော် သူတို့နှစ်​ယောက်နဲ့မ​နေချင်ဘူး'

ချန်လုကျိုး၏အ​ခြေအ​နေမှာ ထိုရက်ပိုင်းများတုန်းက အ​တော်​​လေးဆိုးရွား​ခဲ့ပြီး စကားသံကအစ အသံမထွက်​နိုင်လောက်​တော့သည်အထိအက်ကွဲ​နေ​ခဲ့၏။

"မရဘူး ၊ ငါကိုယ်တိုင်​တောင် အလုပ်လုပ်ရင်း​ကျောင်းတက်ရမှာ ၊ မင်းကို ဘယ်လို​ကျွေး​မွေးထားရမှာလဲ"

ချန်ရှင်းချီက မျက်လုံးများ​ဖောင်းအစ်​နေ​အောင်ငိုရင်း ​လေသံတိုးတိုးနှင့်စကားဆို​နေဆဲဖြစ်၏။

"ကျွန်​တော်က ​ကျွေး​မွေးထားလို့လွယ်ပါတယ် ၊ အစ်ကို ထမင်းပဲစားခိုင်းရင်​တောင်ရပါတယ်"

ထိုအချိန်တုန်းက ချန်လုကျိုး၏အင်္ကျီအဝတ်အစားသည်ပင် ချန်ရှင်းချီဆွဲထားခြင်း​ကြောင့် ပုံစံပျက်ယွင်းကုန်ခဲ့ပြီး လျန်​ဟွေ့ထံလှမ်းကြည့်လိုက်လျှင်လည်း လျန်​ဟွေ့က စကားတစ်ခွန်းမှဝင်မ​ပြောသဖြင့် ​နောက်​ဆုံး၌ ချန်ရှင်းချီကို ​အောက်ချ၍နှစ်သိမ့်​ပေးရ​တော့၏။

"အိမ်မှာ လိမ်လိမ်မာမာ​နေကြားလား ၊ အစ်ကိုအားတာနဲ့ မင်းဆီလာခဲ့မယ်"