စကားဆိုပြီးပြီးချင်းမှာပင် ရွှီကျစ်က ဆတ်ခနဲခေါင်းထောင်လာလေပြီး လက်မလျော့တမ်းနှင့် မယုံကြည်နိုင်ခြင်းများစွာဖြင့် ချန်လုကျိုးထံ မကျေမချမ်းဆိုလာတော့သည်။
"ဒါပေမယ့် စိတ်ဆိုးလွန်းလို့ပြောရဦးမယ် ၊ ဆရာမက ငါ့ကိုများ ဗိသုကာဒီဇိုင်းဆွဲနိုင်တဲ့စိတ်ကူးအရောင်အဝါမျိုးမရှိဘူးတဲ့"
ရွှီကျစ်ဟာ သူမ တကယ်မတတ်နိုင်စွမ်းလေမှန်း ၊ စိတ်ကူးစိတ်သန်းအရောင်အဝါများပြည့်နှက်နေသည့်ဗိသုကာပညာရှင်တစ်ယောက်မဟုတ်မှန်း ယခုချိန်ထိနားမလည်နိုင်သေးပါပေ။
အနှီအချက်လေးမှာ သူမထံ၌ရှိနေသည့်အရာများထဲမှ ချစ်စရာအကောင်းဆုံးအချက်တစ်ချက်လိုပင်ဖြစ်နေပြီး သူမသည် ဤနယ်ပယ်၌ ထူးထူးချွန်ချွန်ပြောင်မြောက်နေသည့်စွမ်းရည်မျိုးမရှိသေးမှန်း မသိသည့်တိုင်အောင် 'ငါက စိတ်ကူးစိတ်သန်းအပြည့်အဝကောင်းတဲ့ဗိသုကာပညာရှင်'ဟူ၍ ၊ 'ငါ မလုပ်တတ်တာမဟုတ်ဘူး မလုပ်ပြချင်သေးတာ'ဟူ၍ ကိုယ့်ကိုယ်ကိုယ်ယုံကြည်ချက်အပြည့်ရှိနေပြီဖြစ်သည်။
ပြောင်းပြန်ဖြစ်နေသည့်လူမှာတော့ သူ - ချန်လုကျိုး ၊ သူမဟာ ဤနေရာတွင် အချိန်အကြာကြီးရှိနေခဲ့ပြီးကတည်းက တစ်ဖက်သားအပေါ်နားလည်နှင့်နေပြီဟုဆိုရမည်။ သူမ၏တည့်တိုးဆန်ခြင်းဆိုသောအရာများအားလုံး ၊ သိသိသာသာဖော်ပြတတ်သောချစ်ခြင်းမေတ္တာများအားလုံး၏ တစ်ခုတည်းသောအကြောင်းပြချက်မှာ သူမ တကယ်ကိုရေလာမြောင်းပေးလုပ်မနေတတ်ခြင်းကြောင့်။ သူမဟာ ဟိုးအရင်ကတည်းကကို တည့်တိုးလုပ်တတ်သည့်လူစားမျိုးဖြစ်ပြီး သူမ ပေးလာသမျှအရာတိုင်း ၊ ပေးခဲ့ဖူးသည့်ကတိစကားအတိုင်းအတွက်လည်းအတူတူပင်။ ပြောလျှင်ပြောခဲ့ဖူးသည့်အတိုင်း ဖြစ်မြောက်အောင်ပြုလုပ်တတ်သည့်လူ။ ယခင်က သူ့အားပြောသွားခဲ့ဖူးသော 'ငါတို့တွေရဲ့အနာဂတ်ကို တစ်ဖက်လူပေါ်အချင်းချက်းမချည်နှောင်ထားသင့်ဘူး ၊ ငါတို့အတွက် အကောင်းဆုံးတွေကိုပဲ အရင်ဆုံးဖြတ်ချက်ချရမှာ' စကားမှစ၍ ယခုအချိန် 'ငါတို့ကိုယ်တိုင် ငါတို့ရဲ့အိမ်တစ်လုံးဆောက်မယ်' ဆိုသည်အထိ.....
YOU ARE READING
Lets Fall In Love [ ဘာသာပြန် ]
Romanceလမင်းကြီးဝိုင်းသည်ဖြစ်စေ မဝိုင်းတော့ဘူးဖြစ်စေ ဘာဟာကမှ အရေးမကြီးဘူး ကိုယ်တစ်ယောက်လုံး မင်းဘေးနားမှာရှိနေပေးမယ်~~~~