ဤသို့တွေးကြည့်လိုက်မိပြီးသည်နှင့် ရွှီကျစ်သည် အောက်ထပ်ဆင်း၍ တစ်ဖက်သားကို ရှင်းရှင်းလင်းလင်းပြောတော့မည်အပြုတွင် စီနီယာအစ်မတုက ထိုကောင်လေးအား ဘေးတစ်ဖက်သို့ခေါ်သွား၍ စကားပြောဆိုနေသည့်မြင်ကွင်းအား မြင်လိုက်ရတော့၏။ သိပ်မကြာလိုက်ပါဘဲနှင့် ထိုကောင်လေးက ပစ္စည်းများသိမ်း၍ထွက်သွားလေတော့သည်။
စီနီယာအစ်မပြန်ရောက်လာသည့်အချိန်တွင်တော့ မျက်နှာmaskကပ်နေသည့် ရွှီကုန်းကျုက လက်ချောင်းနှင့်ရေတွက်ပြရင်းဖြင့် မနေနိုင်အောင်စကားဆိုလာ၏။
"ငါ ရေကြည့်ထားတာလေ ၊ ကျောင်းဖွင့်တဲ့အချိန်ကစပြီး အခုထိဆိုရင် နင့်ကိုလိုက်တဲ့သူ လေးငါးခြောက်ယောက်လောက်တောင်ရှိနေပြီ ၊ မိန်းမလှလေးရွှီ.....နင် တစ်ယောက်မှကို သဘောမကျမိသေးတာလား"
လက်ရှိအချိန်၌ ရွှီကျစ်သည် ဖုန်းအားသွင်းဖို့ရာအတွက် အားသွင်းကြိုးရှာနေခြင်းဖြစ်ပြီး တော်တော်ကြာကြာမွှေနှောက်ရှာပြီးသည့်အခါတွင်မှ စာရေးခုံအနောက်ဘက်ထဲ ညှပ်နေကြောင်းတွေ့သွားခဲ့သည်။ သို့နှင့် အားသွင်းကြိုးနှိုက်ယူရန်အတွက် ခန္ဓာကိုယ်ကိုင်းလိုက်ရာ ကောက်ကြောင်းအချိုးအစားတို့က သိသိသာသာထင်းသွားခဲ့ပြီး အရှေ့ပိုင်းတစ်နေရာနှင့်အနောက်ပိုင်းတစ်နေရာတို့ဟာလည်း တင်းရင်းလုံးဝန်းနေ၏။ လက်မောင်းတစ်ဖက်က စာရေးခုံကိုအားပြုထောက်ထားပြီး ကျန်တစ်ဖက်က စာရေးခုံအနောက်သို့လှမ်းနှိုက်ရင်း စကားဆိုလိုက်သည်။
"တကယ်မရှိဘူး ၊ ငါ ရည်းစားထားဖို့လည်း အစီအစဥ်မရှိဘူး"
ရွှီကုန်းကျုသည် Mask ကပ်နေရင်း အလှကြည့်မှန်မှတဆင့် အနှီအပြစ်တင်စရာမရှိသည့်ခန္ဓာကိုယ်အချိုးအစားကိုလှမ်းကြည့်ပြီး စကားဆို၏။
"ကျန်းယွီကိုရော နင် မျက်လုံးထဲမတိုးဘူးလား ၊ အရင်တစ်ခေါက်တုန်းက ကန်တင်းမှာထမင်းစားတဲ့အချိန် သူ နင့်မျက်နှာချင်းဆိုင်မှာလာထိုင်ဖူးတာကို မှတ်မိသေးတယ်မလား ၊ ငါ့အထင်တော့ စီနီယာအစ်မတုကသာ ကျန်းယွီကို ပုဂ္ဂိုလ်ရေးအရ မကြိုက်တာဖြစ်လိမ့်မယ် ၊ သူတို့မေဂျာမှာဖြင့် ကျန်းယွီက သေချာပေါက် မေဂျာ King မှန်းအသိသာကြီး ၊ ဗွီဒီယိုအတိုလေးတွေနဲ့ အရမ်းနာမည်ကြီးထားဖူးတုန်းကဆိုရင် ဟိုတစ်လောကမှပွဲဦးထွက်လာတဲ့သရုပ်ဆောင်မင်းသားနဲ့တောင် တူတယ်ပြောကြသေးတာလေ"
YOU ARE READING
Lets Fall In Love [ ဘာသာပြန် ]
Romanceလမင်းကြီးဝိုင်းသည်ဖြစ်စေ မဝိုင်းတော့ဘူးဖြစ်စေ ဘာဟာကမှ အရေးမကြီးဘူး ကိုယ်တစ်ယောက်လုံး မင်းဘေးနားမှာရှိနေပေးမယ်~~~~