ကိုယ်တူစိတ်ခွဲ ချစ်သူ(灵异片演员app)[COMPLETED]

Arc 2 အပိုင်း {၄၂} (Z+U) Two

ဖုတ်သရဲ ချစ်သူ အပိုင်း (၂၅)

ဇာတ်သိမ်းပိုင်း ဒုတိယပိုင်း

ဟုတ်...အသိမ်းသွင်းခံလိုက်ရလို့ ချက်ချင်း တင်ပေးတာနော်။ 🤧🤧
ဟုတ္...အသိမ္းသြင္းခံလိုက္ရလို႔ ခ်က္ခ်င္း တင္ေပးတာေနာ္။ 🤧🤧

UNICODE

အမြဲတမ်း စိတ်သဘောထားကြီးသော သစ်သားသည် ရှဲ့ရှင်းလန်ကို အလျှော့မပေးခဲ့။ ရေ၊ မီးနှင့် ရွှေတို့လောက်သာ မမောက်မာခြင်းဖြစ်သည်။ သူ၏ အသက်ကိုဖြင့် စုပ်ယူနေသည်သာ။ ကောင်းကင်မှ ရွှေမိုးရွာသည်ဟူသည် မရှိ။ သူရခဲ့သည့် စွမ်းအားသည် သူ့ကိုယ်ပိုင်မဟုတ်သောကြောင့် တန်ဖိုးကြီးလေတော့သည်။

သူ့ခန္ဓာကိုယ်က မခံနိုင်တော့ပေ။ ရှဲ့ရှင်းလန်၏ လက်ပေါ်တွင် အက်ကွဲကြောင်းများပေါ်လာသည်။ ဓာတ်ကြီးငါးပါး၏ စွမ်းအားများက ထွက်ပေါက်ရှာနေကြသည်မှာ အသိသာပင်။ ခန္ဓာကိုယ်တွင်း မဖြန့်လာနိုင်သောအခါ ခန္ဓာကိုယ်မှ ဆန့်ထုတ်ပြီး အပြင်သို့ ထွက်လာတော့သည်။ ဤမျှ လေးပင်လှသော မိုးကောင်းကင် ဥပဒေသများနှင့် ယှဥ်ပါက လူ့ခန္ဓာကိုယ်သည် ပမွှားလေးသာ ဖြစ်ပုံပေါ်သည်။

ရှဲ့ရှင်းလန်၏ မျက်လုံးများ မဲမှောင်နေသည်။

"ကိုကို" ရှဲ့ချီ၏ အသံသည်လည်း တုန်ယင်နေသည်။

ရှဲ့ရှင်းလန် သူ့မျက်လုံးကို ဖွင့်လိုက်သောအခါ နောက်ထပ် သွေးအန်ထွက်လာပြီး ရှဲ့ချီကို နှစ်သိမ့်သည်။ "ရတယ်။"

ရတယ်ဟု ပြောသော်လည်း သူ၏ မျက်နှာထက်တွင် အက်ကွဲကြောင်းများ ပိုပိုပြီး ပေါ်လာသည်။ နဖူးပေါ်ရှိ အက်ကွဲကြောင်းသည် တဖြည်းဖြည်း နှခေါင်းရိုးပေါ်သို့ ကျယ်ပြန့်လာနေသည်။ သွေးနီနီပစ်ပစ်များ စီးဆင်းလာကာ သူ့ကို ရွှဲစိုပြီး မကောင်းဆိုးဝါးသဏ္ဌန်ပေါ်စေသည်။ မျက်လုံးများက မှင်သဖွယ်မည်းနက်နေသော်လည်း မျက်လုံးအတွင်း၌ စိတ်ဓာတ်ကျခြင်းအလျဥ်းရှိမနေ။