ကိုယ်တူစိတ်ခွဲ ချစ်သူ(灵异片演员app)[COMPLETED]
Table of contents

    YOU ARE READING

    ကိုယ်တူစိတ်ခွဲ ချစ်သူ(灵异片演员app)[COMPLETED]

    Horror

    MinervaLance အရင် acc က ဝင်မရလို့ အခု Acc အသစ်မှာ အဆက်ကို ဆက်တင်ပေးနေတာပါ။ ပထမအုပ်ကို My Works Reading List ထဲမှာ ရှာလို့ရပါတယ်။ ဟုတ်ကဲ့... အရင်က Minerva ပါပဲ \(><)/

    #actors #boyslove #chinesebl #ghosts #horror #movies #myanmartranslation #shounenai #smartcouple #strongcouple #supernatural #translation #unconditionallove #zombies

    Arc 7 အပိုင်း {၁၅၈} (Z+U)

    4.7K 1K 121 
                                        
    
                                              
        တားရော့ ဂိမ်း (၈)
    UNICODE
        သရုပ်ဆောင်များအားလုံး တတ်နိုင်သလောက် အလျင်အမြန်ပင် ရှဲ့ချိုးယင်၏ အခန်းအပြင်ဘက်တွင် စုသွားကြသည်။ ထိုမျှကြီးမားသော မိုးကြိုးကြီး ပစ်သွားသည့်တိုင် ရဲတိုက်၏ အပြင်ဘက်တွင် မိုးရွာမနေခဲ့ပေ။ လေသည်ကား အပြင်းအထန်ကို တိုက်ခတ်နေသောကြောင့် လူတွေမှာ မနည်းမတ်တပ်ရပ်နေကြရသည်။
            "အရင်ဆုံးသေသွားတာက တကယ်ကြီး လျောင်းဝမ်ဖြစ်နေတာပဲ။"
            "ရှဲ့ချိုးယင်က သူ့အပေါ်ကောင်းရှာတယ်။ သူလဲ သေသွားပြီနေမှာ။"
            သရုပ်ဆောင်များမှာ အချင်းချင်းကြား ရေရွတ်နေကြပြီး စိတ်ကောင်းမထားခဲ့မိကြသည့်အတွက် ကျေးဇူးတင်နေကြသည်။ ကူယွီသည် သူ့အရှေ့ရှိ မည်းနက်မီးကျွမ်းသွားသော အခန်းကိုစိုက်ကြည့်နေပြီး ကျန်းရှော့ထံ တီးတိုးပြောလိုက်သည်။ "တကယ်ပဲ မျှော်စင်များလား။"
            ကျန်းရှော့ ပြန်မဖြေပေ။ တစ်ဖက်သို့သာ လှည့်လိုက်ပြီး မျက်မှောင်ကြုတ်လိုက်သည်။ "မင်းတို့ထဲက ဘယ်သူက လျောင်းဝမ်ကို တခြားတစ်ယောက်အခန်းထဲ သွားနေဖို့ ပြောလိုက်တာလဲ။"
            ရှိနေကြသည့်လူများ ထိတ်လန့်သွားကြသည်။ ဇာတ်ကားဧကရာဇ်က မေးလိုက်သည့် မေးခွန်း၏ အဓိပ္ပါယ်ကို နားမလည်ကြသောကြောင့် အားလုံးခေါင်းခါလိုက်ကြသည်။
            "ဘာဖြစ်လို့လဲ။" ကူယွီမေးလိုက်သည်။
            ကျန်းရှော့ လှောင်သံပြုလိုက်ကာ သူ၏မျက်လုံးများကတော့ မှုန်ကုတ်နေသည်။ "တစ်ယောက်ယောက်ရဲ့ အမြန်နှုန်းက ငါနဲ့တူနေတာမဟုတ်ရင် ငါ့ထက်တောင်သာနေတယ်။"
            ကူယွီ အံ့ဩတကြီးဖြစ်သွားရသည်။ သူ၏ရှေ့တွင် ရှိနေသည်က အလုံးစုံသိကျွမ်းသည့် ကျန်းရှော့ဖြစ်သော်လည်း တစ်ယောက်ယောက်က သူ့ထက် မြန်နေသည်တဲ့။
            အ​မြော်မြင်ရှိစွာပင် သူတိတ်တိတ်နေလိုက်သည်။ ခဏကြာသော် အသံကို တိုးကာ မေးလိုက်ပြန်သည်။ "အစ်ကို ကျန်း၊ မိုးကြိုးက တကယ်ပဲ လူတွေကို မှတ်ထားတာလား။ အခန်းကို မှတ်ထားတာ မဟုတ်ဘူးပေါ့။ အဲ့ဒါဆို အစေခံမိန်းကလေးက ဘာလို့ အခန်းတွေမပြောင်းဖို့ပြောခဲ့တာလဲ။"
    ကိုယ်တူစိတ်ခွဲ ချစ်သူ(灵异片演员app)[COMPLETED]Where stories live. Discover now