၁၅၅၂ သရဲခြောက်သောအိမ်ကြီး (၄)
UNICODE
တံခါးခေါက်သံထွက်လာသည်။ ရှဲ့ချီနှင့် လုဝမ် စကားပြောနေသည်ကို ချက်ချင်းရပ်လိုက်ကြသည်။ ရှဲ့ချီ သွားပြီး တံခါးဖွင့်လိုက်သည်။ တံခါးအပြင်တွင် ခပ်ဝဝစားဖိုမှူး ရပ်နေသည်။ "အချိန်ကျပြီ။ ဆင်းမလာကြသေးလို့ ညစာစားဖို့အချိန်ရောက်ပြီဆိုတာ လာပြောတာ။"
ရှဲ့ချီ သူ့လက်ပတ်နာရီကို လှမ်းကြည့်လိုက်သောအခါ ခြောက်နာရီခွဲနေပြီ ဖြစ်ကြောင်း တွေ့လိုက်ရသည်။
"အဲ့ဒါဆို ဆင်းကြရအောင်။" ရှဲ့ချီက သူ့ပစ္စည်းတွေကို သိမ်းနေသည့်လုဝမ်ကိုလှမ်းကြည့်လိုက်ပြီး လိုက်သွားသည်။
သူအောက်ထပ်ဆင်းနေစဥ် ရှဲ့ချီက စားဖိုမှူးဘေးမှဖြတ်သွားကာ မေးလိုက်သည်။ "ဒီအိမ်ရဲ့ အရင်ပိုင်ရှင်အကြောင်းကို မေးလို့ရလား။"
စားဖိုမှူးက သူ့ကိုကြည့်ပြီး ဇဝေဇဝါဖြစ်သွားသည်။ "ဘာဖြစ်လို့လဲ။"
"ဘာမှမဖြစ်ပါဘူး။ အခန်းထဲမှာ အလှဆင်ထားတာတွေက တော်တော်စိတ်ဝင်စားစရာကောင်းလို့ သိချင်သွားလို့ပါ။" ရှဲ့ချီက မနှစ်မြို့ဟန်အပြုံးနှင့် လှေကားအောက်ဆင်းသွားသည်။ "အမှန်တိုင်းပြောရရင် ကျွန်တော့်အခန်းထဲမှာ မျောက်ခေါင်းပန်းအိုးကြီးရှိနေတာ။ တွေ့တုန်းကဆို လန့်သွားတာပဲ။"
စားဖိုမှူးက ပြုံးပြလိုက်ပြီး သူ၏ မျက်လုံးများကို အစင်းကြောင်းဖြစ်သွားသည်အထိမှေးကျဥ်းသွားသည်။ "မင်းက အရမ်းကြောက်တတ်တာပဲ။"
"ဘယ်သူက ထင်ထားမှာလဲ။" ရှဲ့ချီ မျက်နှာပူသွားရသည်။
စားဖိုမှူးက ရှင်းပြသည်။ "တကယ်တော့ ကျွန်တော်လည်း သိပ်မသိဘူးဗျ။ ဇိမ်ခံအိမ်ကြီးမှာ ခြောက်ရက်နေဖို့ မဲပေါက်ခဲ့တာမင်းတို့မလား။ ကျွန်တော့်ကို မင်းတို့ ဝေယာဝစ္စတွေကူပေးဖို့ ခဏငှားထားတာ။ ဒီအိမ်မှာ လူတွေမနေတာကြာပြီဆိုတာတော့ တိုးတိုးလေးပြောပြမယ်။ ဒီကို ရောက်လာစတုန်းကလေ ဖုန်တွေထူနေပြီး စားစရာလည်းမရှိဘူး။ ကျွန်တော့်ဖာသာ နှစ်ရက်နဲ့ တစ်ညတောင် သန့်ရှင်းရေးလုပ်ခဲ့ရတယ်။ ပြီးတော့ အိပ်ရာခင်းတွေ စောင်တွေလည်း အကုန် လျှော်လိုက်သေးတယ်။ မင်းတို့က ဒီကို လာနေကြမှာကိုး..."
YOU ARE READING
ကိုယ်တူစိတ်ခွဲ ချစ်သူ(灵异片演员app)[COMPLETED]
HorrorMinervaLance အရင် acc က ဝင်မရလို့ အခု Acc အသစ်မှာ အဆက်ကို ဆက်တင်ပေးနေတာပါ။ ပထမအုပ်ကို My Works Reading List ထဲမှာ ရှာလို့ရပါတယ်။ ဟုတ်ကဲ့... အရင်က Minerva ပါပဲ \(><)/