ကိုယ်တူစိတ်ခွဲ ချစ်သူ(灵异片演员app)[COMPLETED]

Arc 5 အပိုင်း {၁၀၄} (Z+U)

ရှင်လျက်နှင့် ငရဲကျခြင်း (၆)

{မပူပါနဲ့။ ခွေးစာပါတယ်။😎}

UNICODE

ရှဲ့ရှင်းလန်သည် ၁၀ မီတာခန့်ရှည်သည့် ကြိုးမှ  အပေါ်မှ ကျလာနေသည့်လူအား မြင်လိုက်ရစဥ်တွင် ကျိရှင်းချန်မှာ အပေါ်သို့တက်ရန်သာ အာရုံစိုက်နေခဲ့ပြီး သူ၏ နှလုံး​ဆောင့်ခုန်သွားရသည်။ ထိုသူက သူအပေါ်တက်လာမည်ကို တားရန်လာနေသည်ဟုတွေးမိကာ သူ၏ ဓားကိုထုတ်ပြီး ထိုသူ့အားလှမ်းထိုးလိုက်သည်။

ထိုသူက သရုပ်ဆောင်ဖြစ်ဖြစ်၊ NPC ဖြစ်နေနေ အရေးမကြီး။ သရုပ်ဆောင်ဆိုပါက သတ်လိုက်မည်။ နောက်တစ်ဆင့်ဆီကိုသာ ကျသွားမည်ဖြစ်ပြီး တကယ်သေမည်လည်းမဟုတ်ပေ။ NPC ဆိုပါက စိတ်ထဲလေးနေစရာအကြောင်းကိုမရှိပေ။

ကျိရှင်းချန် ထိုသို့တွေးလိုက်ပြီး ထိုးစိုက်လိုက်သောဓားက လျင်မြန်ပြီး ပြင်းထန်သည်။ ဓားက လေကိုဆန်လာသည့်အသံထွက်လာသည်။ ရှဲ့ရှင်းလန် လှောင်သံပြုလိုက်၏။ ဘေးတစ်ဖက်ကိုရွှေ့ကာ ရှောင်လိုက်ပြီးနောက် ကျိရှင်းချန်၏ လက်ကောက်ဝတ်ကို ဆုပ်ကိုင်လိုက်ပြီး အားနှင့်ညှစ်လိုက်သည်။

ကျိရှင်းချန်၏ လက်ကောက်ဝတ်မှာ အလွန်အမင်းနာကျင်သွားရပြီး အားများစွာကုန်သွားသဖြင့် ဓားကိုပင်မကိုင်နိုင်တော့။ ဓားက တည့်တည့်ပြုတ်ကျသွားပြီး မြေကြီးမှာ သွားစိုက်နေသည်။ သူသည် လက်နက်ရှည်ကို အသုံးပြုပြီး အနီးကပ်တိုက်ခိုက်ရန်မှာ သူအားသာသည့်နေရာမဟုတ်။ ထိုသူက ဒီလောက်မြန်မြန် တုံ့ပြန်လာလိမ့်မည်ဟု သူ မထင်ထားမိခဲ့ခြင်းဖြစ်သည်။

အောက်ဆင်းနေတုန်းပင် ရှဲ့ရှင်းလန်သည် တစ်ခါတည်း သူ့ခြေထောက်ကို ​မြှောက်​ကာ ကျိရှင်းချန်ကို ကန်ပစ်လိုက်သည်။ ထို့နောက် အောက်သို့ ကြိုးနှင့် ရှောရှောရှူရှူပင် ဆင်းသွားပြီး အသာ ရောက်သွားသည်။ ကျိရှင်းချန်မှာ နည်းနည်းပြုတ်ကျသွားပြီးမှ ကြိုးကိုတစ်ခါပြန်ကိုင်လိုက်မိပြီး မြေပေါ်ပြန်ပြုတ်ကျပြီး အရှက်ကွဲမည်ကို ရှောင်လိုက်နိုင်သည်။ လေထဲတွင် တန်းလန်းဖြစ်နေပြီး သူ့မျက်နှာမှာ ခဏတာ ဖြူဖပ်သွားသည်။