[Song Recommend - Just give me a reason Cover by Sam Tsui & Kylee]
Pink - Just give me a reason ft. Nate Ruess
နောက်ဆုံး အစ်ကိုရွေးလိုက်တဲ့သီချင်း။ အစ်ကိုရွေးထားတာဆိုပေမယ့် ညီညီ့ရဲ့သဘောထားကို အရင်ဆုံးမေးတာပါ။
"ဘာသီချင်းရွေးမလဲ။ ဘယ်လိုသီချင်းမျိုးကိုပိုပိုင်လဲ။ ဘာသီချင်းတွေရလဲ။ ဘယ်အားထစ်(Artist) ကိုပိုခရေဇီဖြစ်လဲ" စသဖြင့်ပေါ့။ အဲ့လိုဦးစားပေးမေးပေးတော့လည်း ဘာပြန်ဖြေရမှန်းမသိအောင်ကို ပျော်ရတာပါပဲ။
ကိုယ့်သဘောထားကို လိုလိုလားလားမေးနေစဥ်ကဆို ပရော်ဖက်ရှင်နယ်ပီသတဲ့ အစ်ကို့ကိုပိုပိုပြီးလေးစားလာမိတာ။ ပြီးတော့ ပိုအံ့သြဖို့ကောင်းသေးတာက ညီညီ့အကြောင်းတွေပါ အစ်ကိုကသိနေတာပဲ။ သက်နှင်းပြောပြထားတာတဲ့။
ညီညီ့ကိုဆို အတန်းသူအတန်းသားတွေက အထင်သေးတဲ့အကြောင်း၊ ညီညီက ကိုယ့်နောက်ကြောင်းကိုဘယ်သူ့ကိုမှမပြောခိုင်းတဲ့အကြောင်း၊ တစ်ယောက်ယောက်နဲ့ယှဥ်လာရင် အမြဲအပယ်ခံပြီးအနှိမ်ခံရကြောင်းတွေပေါ့။
ဟိုနေ့ကလည်း ရန်ပွဲကြောင့်နဲ့ ညီညီ့အစွမ်းအစတွေထုတ်မပြလိုက်ရတာကို ဒေါင်းယောင်ဆောင်တဲ့ကျီးဆိုပြီးဝိုင်းကဲ့ရဲ့ကြတာကမှအစ အစ်ကိုကပြောပြတော့ ညီညီ့မှာအင်တင်တင်လေးသာလုပ်နိုင်တော့သည်။ အစ်ကိုပြောတဲ့စကားတစ်ခွန်းဆိုရင် ညီညီ့နားထဲ ခုထိပဲ့တင်သံထပ်နေတုန်း။
"ဒီပွဲက ညီညီ့ပွဲပဲ၊ အစ်ကိုကူညီမယ် "တဲ့။
ဟုတ်ပါတယ်။ ဒါကြောင့်လည်းသီချင်းရွေးတာတောင် တီးလုံးမှာလည်း အောက်ကပရိတ်သတ်အထင်ကြီးလောက်မယ့် ကော့ဒ်တွေပါရမယ်။ နှစ်ယောက်ဆိုမှာဖြစ်တဲ့အတွက် ယောက်ျားလေးနှစ်ယောက်အတွဲညီညီဆိုလို့ရတဲ့သီချင်းဖြစ်ရမယ်။
လူ့သဘောသဘာဝအရ အော်နိုင်လေအထင်ကြီးလေဖြစ်တဲ့အတွက် High Note ပါတဲ့သီချင်းမျိုးဖြစ်ရမယ်။ ကိုယ့်အတွက်လည်းအနည်းငယ်စွန့်စားမှုလုပ်ရတဲ့သီချင်းလည်းဖြစ်ရမယ်တဲ့လေ။
ကိုယ့်အတွက် တစ်ရေးနိုးထဆိုတောင် ကီးမပျက်ဆိုနိုင်အောင်ကျွမ်းတဲ့သီချင်းမျိုးဆို ကိုယ့်အရည်အချင်းကိုလည်းလျှိုထားရာရောက်သလို အောက်ကပရိတ်သတ်ရဲ့စိတ်မှာလည်း "သူကဒီလောက်လေးပဲလုပ်နိုင်တာလား။ သူ့လောက်ကတော့ငါတောင်လုပ်နိုင်တယ်" ဆိုပြီးထင်သွားကြမှာတဲ့။
ပါရမီရှင်တွေအဖို့ ပါရမီဆိုတာ အများသူငှာထက်ထူးခြားစွာပါလာတဲ့ တစ်ကိုယ်တည်းပိုင်အရည်အချင်းမို့ ကြွားဝါတာမဟုတ်ဘဲ ပြခွင့်ရှိလို့ပြရတာ ပြကိုပြရမယ်တဲ့။ အစ်ကိုက အဲ့လိုစကားတွေလည်းပြောတတ်သေးတာ။
ညီညီ့မှာတော့ အစ်ကို့ကိုလေးစားပြီးရင်းလေးစားပဲ။
