"ဟေး ဟေး ယောင်းမင်းနား.....အရမ်းမဆော့နဲ့လေ"
"တကယ်ပျော်လို့ပါ .... Hyung ရဲ့။ အခန်းက အကျယ်ကြီးပဲ"
"ဆော့ပါစေ အစ်ကိုရာ"
သည်နေ့က ညီညီ့အတွက်အထူးခြားဆုံးနေ့လို့ပြောနိုင်သည်။ ညီညီတို့အိမ်မှာ Private Party တစ်ခုပြုလုပ်နေ၍ ညီညီ့အတွက်ထူးခြားသည့်သူများ တစ်စုတစ်ဝေးတည်းရောက်နေကြ၏။
သည်နေ့က Melody Moon Entertainment CEO ဒေါ်မေရည်ချို၏မွေးနေ့ပင်ဖြစ်ပါသည်။
ဖေဖေဆိုလည်းနှစ်ရက်လောက်စောပြီးရောက်လာသည်။ အစ်ကိုတို့မောင်နှမက မနေ့ကရောက်သည်။ အိမ်မှာတော့မတည်း။ ဟော်တယ်သွားတည်းသည်မို့ ညီညီတို့ကအကုန်ကျခံလိုက်သည်။
ညီညီ့အမေမွေးနေ့ဆိုတော့ Artist-K ကပါအလိုလိုပါလာသည်။ သည်နေ့ WhiteNet လည်းလာမှာအသေအချာပင်။ အပြင်မှာတစ်ခုမှလူချင်မတွေ့ဖူးသေးသည့် အကြိုက်ဆုံးစီနီယာတွေဆိုတော့ တွေ့ရမှာရင်ခုန်မိသား။
WhiteNet တင်မဟုတ်။ မေမေ့ကုမ္ပဏီက အဖွဲ့တွေအကုန်လာမည်ထင်သည်။ အောက်မှာ ပါတီမစသေးပေမယ့် သတင်းထောက်တွေရှိနေ၍ မန်ဘာတွေကိုညီညီ့အခန်းသို့ခေါ်ထားခြင်းပင်။ ကျန်တဲ့သူတွေငြိမ်ငြိမ်နေနေကြပေမယ့် ယောင်းမင်းကတော့တစ်ခန်းလုံးကို စုံစိအောင်လှည့်ပတ်ကြည့်လေသည်။ သူတို့တစ်ခါမှမှမရောက်ဖူးကြတာ။
ဇေဆို ခုနကခဏလေးတွေ့လိုက်ရပြီး အရိပ်အယောင်တောင်မမြင်ရဘူး။ အလုပ်တွေများနေတာလည်းပါပြီး ဧည့်သည်တွေကအခန်းထဲရောက်နေတော့သူရှောင်ပေးတာလည်းဖြစ်မည်။
"Hyung .... ကိုဇေနဲ့တစ်ခန်းတည်းနေတာလား"
"အင်း"
"ကျွန်တော့်ကိုပါ ခေါ် ....ကျွန်တော်လာနေမယ်"
"ငါတို့ ယောင်းမင်းကိုအလိုလိုက်လို့မဖြစ်တော့ဘူး။ခုတလောသိပ်ဆိုးနေတယ် သတိထားမိတယ်မလား Hyung "
ကုတင်ပေါ်ကနေ ထယ်ဆော့ကလှမ်းစသည်။ ချောင်ဟီးနဲ့ဆိုးချန်ကလည်းခေါင်းတငြိမ့်ငြိမ့်။
"အင်း"
အစ်ကိုဒယ်ဟိုကပါ ထောက်ခံလေတော့
ယောင်မင်းမျက်နှာမဲ့သွားသည်။ အစ်ကိုတွေမျက်နှာညိုးတာကိုမခံတာ။
