ငါက သူရဲကောင်းဖြစ်ချင်ရုံပါ
V5 Chapter 4 - ငါ့သမီးလေး သူများတွေကို ဒုက္ခပေးရအောင်သွားပြီ
နောက်တစ်နေ့မနက်ရောက်တော့ မက်ဒါနာက ခွေးကြီးစေဘာစတိန်းကို ပြင်ပြီးသွားပြီ။ တကယ်က ထွေထွေထူးထူး ဘာမှလုပ်ခဲ့တာတော့မဟုတ်ဘူး။ Core တစ်ခုအသစ်လုပ်ပြီး ပြန်တပ်ပေးခဲ့ရုံပဲ။ ဒါပေမဲ့ အခုစေဘာစတိန်းရဲ့Coreက BH 2 ဖြစ်သွားပြီမလို့ သူလည်းအလင်းဒြပ်စင်ကိုသုံးပြီး Force Shield ထုတ်နိုင်တယ်။ ဒါက သူ့ရဲ့ဒီဇိုင်းအဆင့်မှာပဲရှိနေသေးတဲ့ ဆုဗာနာနည်းပညာချပ်ဝတ်တွေမှာသုံးမယ့် Force Shield အောင်မြင်နိုင်ခြေရှိတယ်ဆိုတဲ့ သက်သေဖြစ်တယ်။
စေဘာစတိန်းက အဲဒီစွမ်းအင်ဒိုင်းကိုသုံးပြီး သူ့ကိုယ်သူရော သူ့အနားကလူတွေကိုပါ ကာကွယ်ပေးနိုင်တယ်။ ဒါပေမဲ့ အများဆုံးမှ A rank တိုက်ခိုက်မှုကို တစ်ချက်ခုခံပေးနိုင်ရုံပဲရှိသေးတယ်။
ပြီးတော့ မက်ဒါနာက စေဘာစတိန်းကို နောက်ထပ်ခေါင်းနှစ်ခေါင်း ထပ်တပ်ပေးထားတာမလို့ အခုခေါင်းသုံးလုံး ငရဲခွေးကြီးဖြစ်နေပြီ။ အပိုတပ်ထားတဲ့ ခေါင်းနှစ်လုံးက ဒဏ္ဍာရီထဲကနဲ့မတူဘဲ စဥ်းစားဉာဏ်မရှိဘူးဆိုပေမဲ့ အထူးလုပ်ဆောင်ချက်တွေတော့ရှိတယ်။
ဥပမာအနေနဲ့ အလင်းဒြပ်စင်တွေကိုသုံးပြီး လေဆာအလင်းတန်းသဖွယ် ပစ်ခတ်နိုင်တဲ့ Laser Brust လိုမျိုးပေါ့။ ဒီလေဆာတန်းက တင့်ကားတွေကိုတောင် ဖောက်ခွဲပစ်နိုင်လောက်တဲ့အထိ အားပြင်းပါတယ်။ အခုစေဘာစတိန်းက A rankကို တရားဝင်ရောက်သွားပြီ။
"ကောင်းပြီ၊ ဒီလိုဆိုရင် အနည်းဆုံးတော့ ငါ့ကိုယ်ငါ ကာကွယ်နိုင်သွားပြီ။" မက်ဒါနာက စေဘာစတိန်းရဲ့ခလုတ်ကို ဖွင့်လိုက်တယ်။ BH2က အလိုလိုစွမ်းအင်ပြန်ဖြည့်နိုင်လို့ အလွန်အကျူးသုံးမပစ်မချင်း စွမ်းအင်ကုန်မယ့်ကိစ္စကို စိတ်ပူစရာမလိုဘူး။ Silverknightဝတ်စုံမှာလည်း BH2 ထည့်ခဲ့ပေမဲ့ ဝတ်စုံက နောက်ပိုင်းထပ်ဖြည့်ထားတဲ့ ဖန်ရှင်တွေကြောင့် BH2ရဲ့စွမ်းအင်ပြန်ပြည့်နိုင်စွမ်းထက် များသွားပါတယ်။
အခုခွေးကြီးက ဝှီးချဲနဲ့မက်ဒါနာနားမှာ ပတ်ပြေးနေပြီး ပျော်ရွှင်စွာ ဟောင်ပြနေတယ်။
YOU ARE READING
I just Wanna be Hero, not Heroine (Season 2)
Science FictionSeason 2 ဖြစ်လို့ Season 1 ဖတ်ထားပြီးမှ ဖတ်လို့ရပါမယ်။ S1ရဲ့အဆုံးသတ်မှာ မက်ဒါနာဒဏ်ရာအပြင်းအထန်ရပြီး ကိုမာဝင်သွားတာနဲ့ အဆုံးသတ်ထားခဲ့ပါတယ်။ မက်ဒါနာရဲ့အချိန်တွေက ရပ်တန့်သွားပေမဲ့ လောကကြီးကတော့ ဆက်သွားနေဆဲပါ။ မြူတန့်သိပ္ပံပျက်စီးသွားပေမဲ့ ဗီလိန်အဖွဲ့...
