ငါက သူရဲကောင်းဖြစ်ချင်ရုံပါ
V8 Chapter 21 - ဇာတ်သိမ်းဆိုတာ တကယ်မရှိဘူး
ပြိုင်ပွဲ တတိယနေ့။
အုပ်စုပွဲစဥ်တွေ ပြီးသွားပြီးမကြာခင်မှာပဲ ရှူံးထွက်အဆင့်ပွဲစဥ်တွေကို စပြီးကျင်းပတယ်။ နယူးယောက်ဟီးရိုးကျောင်းက ကျောင်းသားတော်တော်များများ အုပ်စုအဆင့်ကို ဖြတ်ကျော်နိုင်ကြတယ်။ တိုက်ပွဲချန်ပီယံတစ်ယောက်နဲ့ တစ်အုပ်စုထဲကျတယ့် ဂရေဟမ်တောင်မှ အုပ်စုဒုတိယနဲ့အဆင့်တက်လာသေးတယ်။
၃၂ ယောက်မြောက်အဆင့်ရဲ့ပထမဆုံးပွဲစဥ်မှာ နျူရေက စူပါအမေရိကတိုက်ပွဲချန်ပီယံ ရေခဲစွမ်းအားပိုင်ရှင်မိန်းကလေးကို ရှုံးသွားခဲ့တယ်။ သေချာကြိုးစားတိုက်ခဲ့ပြီး ပွဲချိန်ငါးမိနစ်ပြည့်ခါနီးအထိ ခုခံခဲ့ပေမဲ့ ပြိုင်ပွဲကွင်းတစ်ခုလုံးကို အရိုးကွဲမတတ်အေးတဲ့ ဆောင်းရာသီက ဖုံးလွှမ်းထားပြီး အဆင့်ကွာခြားမှုကြောင့် ဘာမှဆက်မလုပ်နိုင်တော့တဲ့အတွက် အရှုံးပေးခဲ့ရတာပါ။
ပြိုင်ပွဲဝင်တွေအတွက်နေရာကိုပြန်ရောက်တော့ နျူရေက အီဗန့်ရင်ဘတ်ပေါ်ကို အချိုရည်ဘူးနဲ့တည့်တည့်ပစ်ပေးလိုက်ပြီး နှာမှုတ်တယ်။ နောက်တော့ အီဗန့်ဘေးမှာဝင်ထိုင်ပြီး သူ့အတွက်အချိုရည်ဘူးကိုဖွင့်သောက်တယ်။ အတော်လေးအမောပြေပြီးသွားတော့မှ။
"ချန်ပီယံဖြစ်အောင်လုပ်ဖို့က နင့်တာဝန်ဖြစ်သွားပြီနော်။"လို့ပြောလိုက်တယ်။
အီဗန်ကတော့ ရှုံးပွဲတွေ့လာလို့ စိတ်ဆိုးနေပုံပေါ်တဲ့ နျူရေဘေးမှာ တိတ်တိတ်လေးထိုင်လို့ ဆက်ပြိုင်နေသေးတဲ့ ဂိုးလ်နဲ့ဘော့စတွန်က နည်းပညာဟီးရိုးတစ်ယောက်ရဲ့ပွဲကို ဆက်ကြည့်နေမိတယ်။ သုံးမိနစ်ကြာတော့ ဂိုးလ်နိုင်သွားပြီ။ အီဗန်လည်း သက်ပြင်းချလိုက်မိတော့တယ်။ သူ့အနေနဲ့ ချန်ပီယံဖြစ်ဖို့ဆိုရင် စူပါအမေရိကကျောင်းက ရေခဲစွမ်းအားရှင်အပြင် နယူးယောက်ကျောင်းက မိရိုင်ကိုပါ နိုင်မှရမှာပါ။ နောက်အဆင့်တွေမှာ ကျောင်းတူချင်းလည်းတွေ့နိုင်တယ်လေ။
YOU ARE READING
I just Wanna be Hero, not Heroine (Season 2)
Science FictionSeason 2 ဖြစ်လို့ Season 1 ဖတ်ထားပြီးမှ ဖတ်လို့ရပါမယ်။ S1ရဲ့အဆုံးသတ်မှာ မက်ဒါနာဒဏ်ရာအပြင်းအထန်ရပြီး ကိုမာဝင်သွားတာနဲ့ အဆုံးသတ်ထားခဲ့ပါတယ်။ မက်ဒါနာရဲ့အချိန်တွေက ရပ်တန့်သွားပေမဲ့ လောကကြီးကတော့ ဆက်သွားနေဆဲပါ။ မြူတန့်သိပ္ပံပျက်စီးသွားပေမဲ့ ဗီလိန်အဖွဲ့...
