ငါက သူရဲကောင်းဖြစ်ချင်ရုံပါ
V8 Chapter 1 - ဒုတိယနှစ်ဝက်အစ
"အီဗန်၊ မင်္ဂလာပါ။" ကျောင်းဂိတ်ဝကိုရောက်တော့ အီဗန်ကို သူနဲ့အတန်းတူကျောင်းနေဖက် ဘယ်လာက နှုတ်ဆက်တယ်။ အီဗန်လည်း ခပ်ရွံရွံအနေအထားနဲ့
ပြန်နှုတ်ဆက်လိုက်ပါတယ်။
"ဟိုင်း၊ ဘယ်လာ။" ဒါပေမဲ့ သူပြန်နှုတ်ဆက်ပြီး မကြာသေးခင်မှာပဲ ဂိုးလ်လည်းရောက်လာပြီး သူ့ကိုပခုံးလာပုတ်တယ်။
"စိတ်ချမ်းသာဖို့ကောင်းတဲ့ နှစ်ဝက်အစပဲနော် အီဗန်။ ရေးဖြေစာမေးပွဲမှာ မင်းဒုတိယရတယ်လို့ကြားတယ်။ ဘယ်သူပထမရသွားတာလဲ။"
"အဟားဟား၊ ခါတိုင်းလို နျူရေပဲပေါ့။" အီဗန်က ခေါင်းကုတ်ရင်း ပြန်ဖြေလိုက်တယ်။ ဟီးရိုးလက်တွေ့တာဝန်မှာ သူအမှတ်အများဆုံးရခဲ့တာဖြစ်ပေမဲ့ နျူရေရဲ့ရေးဖြေစာမေးပွဲရလဒ်ကိုတော့ သူလိုက်မမီသေးဘူး။
ဂိုးလ်ကိုပြန်ဖြေလိုက်ပြီးတဲ့နောက် အီဗန်ရဲ့မျက်လုံးအကြည့်က ကျောင်းဂိတ်ဝဘေးက ကင်းတဲမှာထိုင်နေတဲ့ မိန်းကလေးတစ်ယောက်ဆီကိုရောက်သွားတယ်။ သူတို့ထက်ကြီးပေမဲ့ နှစ်ဆယ်စွန်းစွန်းပဲရှိသေးပုံပေါ်ပြီး ကျောင်းရဲ့လုံခြုံရေးဝတ်စုံကို ကြယ်သီးမတပ်ဘဲ လူမိုက်လိုခြုံရုံခြုံထားတာ။ အထဲမှာတော့ အနက်ရောင်စွယ်တာဝတ်ထားပြီး ဘောင်းဘီရှည်နဲ့ပါ။ ဆံပင်တွေက အဖြူရောင်လုံးဝဖြစ်နေပြီး သူ့အသားအရေကလည်း ဖြူနေတာမှ သူတို့ကျောင်းအုပ်ထက်တောင် ပိုဆိုးနေသေးတယ်။
"ကျောင်းစောင့်အသစ်လား၊ ငါသူ့ကို တစ်ခါမှမမြင်ဖူးသလိုပဲ။" အီဗန်က ဘဏ္ဍာစိုးဝတ်စုံဝတ်ထားတဲ့ အစောင့်သုံးယောက်နဲ့ ရင်းနှီးပေမဲ့ ဒီမိန်းကလေးကိုတော့ ရင်းနှီးမနေပါဘူး။ ဒါပေမဲ့ အရေးမကြီးတဲ့ကိစ္စမလို့ စိတ်ကိုရှင်းရှင်းထားပြီး သူတို့အခန်းဆီ ခပ်သွက်သွက်လျှောက်သွားလိုက်တယ်။
YOU ARE READING
I just Wanna be Hero, not Heroine (Season 2)
Science FictionSeason 2 ဖြစ်လို့ Season 1 ဖတ်ထားပြီးမှ ဖတ်လို့ရပါမယ်။ S1ရဲ့အဆုံးသတ်မှာ မက်ဒါနာဒဏ်ရာအပြင်းအထန်ရပြီး ကိုမာဝင်သွားတာနဲ့ အဆုံးသတ်ထားခဲ့ပါတယ်။ မက်ဒါနာရဲ့အချိန်တွေက ရပ်တန့်သွားပေမဲ့ လောကကြီးကတော့ ဆက်သွားနေဆဲပါ။ မြူတန့်သိပ္ပံပျက်စီးသွားပေမဲ့ ဗီလိန်အဖွဲ့...
