ရင်ခွင်ထဲမှ ချစ်ရသူ(ဘာသာပြန်)

အပိုင်း(၁၀၇)ပထမအကြိမ်လူထုရှေ့ထွက်ခြင်း

Unicode
" ဒါတွေက Love and tribulationက promotion events တွေရဲ့ အသေးစိတ်အချက်တွေ။ ငါဒါတွေကို ဒါရိုက်တာကျငဆီကနေ ရခဲ့တာ။ နင်က ဒီဒရမ်မာအတွက် ပရိသတ်ရှေ့နှစ်ခါထွက်ရမယ်။ ကျန်တဲ့ promotion event တွေကတော့ ငါတို့မပါဘူး။ Love and tribulation က လာမဲ့ March မှာ ထုတ်လွှင့်သွားမယ်လို့ စီစဥ္ထားတယ်။ ဒါပေမဲ့ ဒါရိုက်တာကျင်းက သူ့ရဲ့နောက်ဒရမ်မာအသစ် Journey to Fairyland အတွက် open audition ကို နောက်လမှာ ခေါ်ဖို့ လုပ်ထားတယ်။ တစ်ကယ်လို့ နင်သာအဲ့မှာ role တစ်ခုရခဲ့မယ်ဆိုရင် ငါတို့ အချိန်အတော်ကြာလောက်တော့ အလုပ်များနေမှာ။ "

ယန်ဟွမ်က စာရွက်စာတမ်းတွေကို ကောက်ယူလိုက်ပြီး တစ်ကြောင်းချင်းသေသေချာချာ ဖတ်လိုက်တယ်။ သူမ လူထုရှေ့ထွက်တဲ့အချိန်မှာ ဘာတွေလုပ်ဖို့ လိုသလဲဆိုတာတွေကို စာရွက်တမ်းထဲမှာ အသေးစိတ်ရှင်းရှင်းလင်းလင်းဖော်ပြထားတယ်။ သူမ ထွက်လာရမယ်၊ ဒီဒရမ်မာမှာ သရုပ်ဆောင်ရတာ ဘယ်လိုရှိတယ် ဆိုတဲ့ အကျဥ္းချုပ်လေးဖော်ပြရမယ်၊ ပြီးရင် သတင်းထောက်တွေနဲ့ သူမရဲ့ဓာတ်ပုံတစ်ချို့အရိုက်ခံရမယ်။ ဒါပဲ။

အဓိက သရုပ်ဆောင်တွေနဲ့ ပရိသတ်တွေ တွေ့ဆုံနှုတ်ဆက်တာ တစ်ချို့တော့ရှိတယ်။ ဒါပေမဲ့ အဲ့ဒီ့events တွေက ခေါင်းဆောင်မင်းသားနဲ့ ခေါင်းဆောင်မင်းသမီးအတွက်ပဲ ဆိုတာသေချာတယ်။ သူမက အရန်သရုပ်ဆောင်သေးသေးလေးပဲကို။ ရိုက်ကူးရေးအဖွဲ့က သူမကို အဲ့ဒါတွေမှာ ပါခိုင်းမယ်ဆိုတာ လုံးဝမဖြစ်နိုင်ဘူး။

ဒါပေမဲ့ သူမ ဒါတွေကို အတွန့်မတက်ပါဘူး။ သူမက သတင်းထောက်တွေရှေ့မှာ ထွက်ခွင့်ရတာကိုပဲ သူမပျော်နေပါပြီ။ သူမက အခုမှ တာစထွက်တဲ့ နာမည်မရှိသေးတဲ့မင်းသမီးတစ်ယောက်လေ။ ရနိုင်သမျှ အတွေ့အကြုံကို သူမရအောင်ယူရမယ်။

ယန်ဟွမ်က သူမရဲ့ ဗီဒိုကို ဖွင့်လိုက်ပြီး သူမရဲ့ တော်ရုံသင့်ရုံရှိတဲ့ အင်္ကျီတွေထဲကနေ ဒူးအထိဖုံးတဲ့ ဝတ်စုံလေးကိုယူလိုက်တယ်။ ဒီဝတ်စုံက နည်းနည်းတော့ ရိုးရှင်းတယ်။ ဒီလိုမျိုး ဝတ်စုံပြည့်တက်ရမဲ့ event တွေနဲ့တော့ သိပ်ပြီး မလိုက်ဖက်ဘူး။ ယန်ဟွမ်ကအခုအချိန်မှာ ပိုက်ဆံက တစ်အားကြီးပေါများနေတာတော့မဟုတသေးဘူး။ သူမက စားဖို့သောက်ဖို့တောင်အနိုင်နိုင်လေ။ ဈေးကြီးတဲ့ အဝတ်အစားတွေဝယ်ဖို့ဆိုတာ ဝေလာဝေးပေါ့။ သူမရဲ့ ဗီဒိုထဲက မဖြစ်စလောက်လေးပဲရှိတဲ့ အဝတ်တွေထဲကနေ ကြည့်လို့ကောင်းမဲ့ outfit လေးတွေကို အတူတူတွဲထားထားရတယ်။