Unicode
" အဲ့တာက အရသာရှိလား " ယန်ဟွမ် ဇွန်းအပြည့်နဲ့ တစ်လုတ်စားလိုက်တော့ သူမက မေးလိုက်တယ်။
" နင်ခုနလေးကမှ ဒါကို စားထားတာ မဟုတ်ဘူးလား။ "
ယန်ဟွမ်က တစ်ခုစားလိုက်တော့ ရီလင်းက သနားစရာကောင်းတဲ့ အကြည့်လေးနဲ့ သရေတွေကျနေသေးတာကို မြင်လိုက်ရတယ်။
" ထားလိုက်တော့ ထားလိုက်တော့ "
သူမက သူမပန်းကန်လုံးကို အရှေ့ကို တိုးပေးလိုက်တယ်။ " နင်ပဲစားလိုက်တော့ "
" နင်ကရော? " ရီလင်းက ပန်းကန်လုံးကိုယူလိုက်ပြီး စစားတော့တယ်။
" ငါလား? " ယန်ဟွမ်က ဘာမှမလုပ်နိုင်တော့ဘူး။ " ငါဒီတိုင်း ရေပဲ သောက်လိုက်တော့မယ်။ "
တစ်ချိန်ထဲမှာပဲ လုရိအိမ်မှာ ဖန်းကျူက စားပွဲပေါ်က ပန်းကန်လုံးကို တွေ့သွားတော့ သူမက အဲ့ကို လျှောက်လာပြီး ထိုင်လိုက်တယ်။
" ရှင်ဝယ်ထားတာလား " သူမက တူကိုကောက်ကိုင်လိုက်ပြီး တစ်ခုစားလိုက်တယ်။ ဒါပေမဲ့ အရသာရှိတာကြောင့် သူမက ဆက်စားလိုက်တယ်။
လုရိက ဘေးမှာရပ်ပြီး သူမစားနေတာကို ဘာစကားတစ်ခွန်းမှ မပြောဘဲ ကြည့်နေခဲ့တယ်။
ခဏကြာတော့ ဖန်းကျူက ပန်းကန်လုံးထဲက ဖက်ထုပ်တွေအကုန်လုံးကို စားပစ်လိုက်တယ်။ ပြီးတော့မှ အခုထိလုရိက မစားရသေးဘူးဆိုတာကို သူမ သတိထားမိသွားတယ်။
" ကျွန်မတောင်းပန်ပါတယ် " သူမက တစ်ရှူးနဲ့ ပါးစပ်ကိုသုတ်လိုက်တယ်။ " ရှင်နောက်တစ်ပွဲလောက် ထပ်မှာချင်သေးလား။ "
" မလိုဘူး။ ရတယ်။ " လုရိက ကော်ဖီဖျော်စက်ဘက်ကို လျှောက်သွားလိုက်ပြီး ရေတစ်ခွက်ပဲ ငဲှ့လိုက်တယ်။
" ရှင် မစားတော့ဘူးလား " ဖန်းကျူက နေရာမှာ ထိုင်နေတုန်းပဲ။ ဖင်ကို တစ်ချက်ကလေးတောင် ရွေ့မလာခဲ့ဘူး။
" အင်း " လုရိက ခြောက်ကပ်ကပ်နဲ့ ပြောလိုက်တယ်။ သူ ဘာမှမလုပ်နိုင်ဘူးလေ။ " ဒီတိုင်း ရေပဲ သောက်လိုက်တော့မယ်။ "
ပုစွန်ဖက်ထုပ်အနံ့က လေထဲမှာ အများကြီးပျံ့နေတယ်။ အဲ့တာက သူ့ကိုဗိုက်ဆာစေတယ်။ သူစားလို့မရတာတော့ နှမြောစရာပဲ။ နောက်တစ်ခုမှာရမယ်?? ဘယ်ကနေမှာရမှာလဲ?? ပိုက်ဆံနဲ့ ဝယ်လို့မရတဲ့ အရာတွေအများကြီးပဲရှိတယ်။ တစ်ကယ်လို့ ပိုက်ဆံရှိတယ်ဆိုရင်တောင် ဘယ်သူကမှ ရောင်းပေးမှာ မဟုတ်ဘူး။
YOU ARE READING
ရင်ခွင်ထဲမှ ချစ်ရသူ(ဘာသာပြန်)
Romanceသူ့ရဲ့ အကျိုးအတွက် သူမကသူမရဲ့ ဘဝဖြစ်တဲ့ အကောင်းဆုံးမငိးသမီးဆိုတာကို လိုလိုလားလား လက်လျှော့ပြီး သူ့ဇနီးဖြစ်ဖို့အတွက်ဆန္ဒရှိခဲ့တယ်။ သူမရဲ့ အဆက်အသွယ်တွေ ပိုက်ဆံတွေ ထောင်ပေါင်းများစွာသောနည်းလမ်းတွေနဲ့ သူ့ကို လောကရဲ့ ထိပ်ဆုံးနေရာရောက်အောင်ပံ့ပိုးခဲ့တယ်။...
