Unicode
" ဟက်ချိုး " သူမနှာချေလိုက်တယ်။ နှာခေါင်းတွေယားနေတာပဲ။ သူမ အအေးမိသွားမှာကြောက်တယ်။
သူမ ရေချိုးခန်းထဲကထွက်လာပြီးတော့ အဖျားပျောက်ဆေးလေးကိုရှာပြီး ရေနွေးလေးနဲ့ သောက်လိုက်တယ်။ သူမ ရေခွက်လေးကို ကိုင်ထားရင် ဆုတောင်းနေမိတယ်။ အအေးမိတာ သိပ်မဆိုးပါစေနဲ့၊ ဒီဆေးသောက်လိုက်ပြီးရင် ပျောက်ပါစေလို့ပေါ့။
ဧည့်ခန်းထဲမှာတော့ ရီလင်းက ကြောင်ပေါက်လေးကို သန့်ရှင်းရေးလုပ်ပြီးလို့ သူ့အတွက် နေစရာတောင်ပြင်ပေးပြီးသွားပြီ။ သူမ နွားနို့လေးကျွေးတော့ အဲ့ကြောင်လေးက ဖြေးဖြေးချင်းလျက်နေတယ်။ ပြီးတော့ ယန်ဟွမ်ကို မြင်တော့ 'မြောင်' ဆိုပြီး အသံပေးလိုက်တယ်။
" ဟွမ်ဟွမ် ကြည့် ပဲစေ့လေးက မလိမ္မာဘူးလား " ရီလင်းက ကြောင်ပေါက်လေးရဲ့ ခေါင်းကို တို့လိုက်ပြီး နာမည်ပေးလိုက်တယ်။
" ပဲစေ့လေး! " ယန်ဟွမ်က နာမည်ကို စိတ်ထဲမထားပါဘူး။ တအားကြီးလဲ ကောင်းတာလဲ မဟုတ်ဘူး ဆိုးနေတာလဲ မဟုတ်ဘူးလေ။ ဒါပေမဲ့ ရီလင်း ပေးတက်တဲ့ နာမည်တွေအရဆိုရင် ဒါလေးကတော့ မဆိုးပါဘူး။ ဘာလို့ဆို သူမ ခွေးလေးလို့တော့ မမှည့်ဘူးလေ။ ကြောင်ကြီးမှန်းသိသာနေတာကိုး။
" အင်း ပဲစေ့လေး မဆိုးဘူးမလား ဟင် ပဲစေ့လေးရေ... " ရီလင်းက ကြောင်ရဲ့အမြီးကိုဆော့လိုက်တယ်။ " ကြည့်ဦးလေ သူက ပဲစေ့လေးကျနေတာပဲ သေးသေးလေးကို။ ပဲစေ့လေးဆိုတဲ့ နာမည်လေးက အမှတ်တရဖြစ်ပါတယ်ဟ။ "
" ဒါပေမဲ့ ပဲစေ့လေးကြည့်ရတာ အဆင်မပြေသလိုပဲ။ သူအသက်ရှင်မှာပါနော်.... "
ယန်ဟွမ် နောက်ထပ်ရေတစ်ခွက် ထပ်သောက်လိုက်တယ်။ ဒီကြောင်လေးကို အသက်ရှင်အောင် ဘယ်လိုထားရမလဲ ဆိုတာ သူမတို့ တစ်ကယ်မသိဘူး။ ဒါပေမဲ့ အစွမ်းကုန် ကြိုးစားသွားမှာပါ။
နောက်တစ်နေ့မနက် နိုးလာတော့ ယန်ဟွမ်က ဧည့်ခန်းထဲက ပဲစေ့လေးကို အရင်သွားကြည့်တယ်။ အဲ့ကောင်သေးသေးလေးက ငြိမ်ငြိမ်လေးအိပ်နေတုန်းပဲ။ သူ့ရဲ့ နှာခေါင်းလေးရော ခြေဖဝါးလေးတွေရောက အပန်းရောင်လေး။ သူမ အဲ့ဒီ့ အပန်းရောင်သန်းပြီး နူးညံ့ပြီး ချစ်စရာကောင်းတဲ့ ခြေဖဝါးလေးကို ကိုင်လိုက်တယ်။ ခြေသည်းလေးတွေက အခုထိ မချွန်သေးဘူးဆိုတော့ သူမကို နာအောင်မလုပ်နိုင်ပါဘူး။
YOU ARE READING
ရင်ခွင်ထဲမှ ချစ်ရသူ(ဘာသာပြန်)
Romanceသူ့ရဲ့ အကျိုးအတွက် သူမကသူမရဲ့ ဘဝဖြစ်တဲ့ အကောင်းဆုံးမငိးသမီးဆိုတာကို လိုလိုလားလား လက်လျှော့ပြီး သူ့ဇနီးဖြစ်ဖို့အတွက်ဆန္ဒရှိခဲ့တယ်။ သူမရဲ့ အဆက်အသွယ်တွေ ပိုက်ဆံတွေ ထောင်ပေါင်းများစွာသောနည်းလမ်းတွေနဲ့ သူ့ကို လောကရဲ့ ထိပ်ဆုံးနေရာရောက်အောင်ပံ့ပိုးခဲ့တယ်။...
