Unicode
အဲ့ဒါက ဘာကိုဆိုလိုတာလဲ။
ယဲ့ရှုယွမ်ကတော့ သူပြောတဲ့အဓိပ္ပာယ်ကို
" သူမက အဆင်ပြေတယ် " ဆိုပြီး မှတ်ယူလိုက်တယ်။
" တစ်ကယ်လို့ သားသူမကိုကြိုက်ရင် သားသူမနဲ့ အချိန်များများဖြုန်းပေးသင့်တယ်။ ပြီးရင် ဒီနှစ်မကုန်ခင် လက်ထပ်ဖြစ်အောင် ကြိုစားတော့လေ။ "
" ကျွန်တော်...... " လုရိက တစ်ခုခုကို ပြောမလို့ပဲ ဒါပေမဲ့ နောက်ဆုံး စက္ကန့်မှာပဲ အဲ့တာကိုမပြောဖို့ ဆုံးဖြတ်လိုက်တယ်။ အဲ့အစား သူက မေးလိုက်တယ်။ " အမေ ဖန်းကျူကို သဘောကျတာလား။ "
" သဘောကျတာပေါ့ " ယဲ့ရှုယွမ်က ခေါင်းငြိမ့်လိုက်တယ်။ " ရှောင်ကျူက မိန်းမကောင်းလေးပါ။ သူမက ပြိုင်ဆိုင်တက်တဲ့စိတ်ကြီးတယ်ဆိုပေမဲ့ အမေကတော့ အဲ့တာက ဟိုလို စိတ်ယုတ်မာပြီး အခွင့်အရေးယူတက်တဲ့မိန်းမတွေထက်တော့ ပိုကောင်းတယ်လို့တွေးတယ်။ သူမက တစ်ကယ့်ကို ဇနီးကောင်းတစ်ယောက်ဖြစ်လာမှာပါ။ " ယဲ့ရှုယွမ်က ခဏရပ်လိုက်တယ်။ ပြီးတော့ သူမမျက်လုံးတွေကို မှေးကျဥ္းလိုက်ပြီး ထပ်ပြောလိုက်တယ်။ " အမေ မင်းကို သတိပေးထားမယ်နော်။ မင်း ဟိုလို ကိုယ်ကျင့်တရားမရှိတဲ့ မိန်းမမျိုးတွေကို အိမ်ခေါ်လာရဲခေါ်လာကြည့်။ လုချင်းကိုပဲ ကြည့်။ မော်ဒယ်တွေ ဆယ်လီတွေ တစ်ယောက်ပြီးတစ်ယောက်နဲ့ တွဲချင်တိုင်းတွဲနေလိုက်တာ။ အဲ့လိုမိန်းမမျိုးတွေက ဘယ်တော့မှ ဇနီးကောင်းတစ်ယောက်ဖြစ်လာမှာ မဟုတ်ဘူး။ မင်းအဲ့လို မိန်းမမျိုးနဲ့ တွဲမယ်ဆိုရင်တော့.. " ယဲ့ရှုယွမ်ရဲ့ မျက်နှာအမူအရာက မဲမှောင်လာတယ်။ " အမေမင်းကို အမွေဖြတ်စွန့်လွှတ်ရလိမ့်မယ်။ နားလည်တယ်နော်။ "
လုရိက ပြန်မဖြေဘူး။ သူက အခန်းတံခါးကို ဖွင့်မလို့ အနောက်ကိုလှည့်လိုက်တယ်။ ရုတ်တရက် သူ့အမေရဲ့ ကျယ်လောင်တဲ့အော်သံကိုကြားလိုက်ရတယ်။
" အိုးးးး ငါ ဘယ်လိုလုပ် အဲ့တာကို ကြည့်ဖို့ မေ့သွားရတာလဲ။ ဒီနေ့ ငါ့ရဲ့ ချစ်ချစ်ယန်ဟွမ်လေးက ပုံအသစ်လေးတွေ တင်သလားဆိုတာ ကြည့်ရဦးမှာကို။ "
လုရိရဲ့ လက်ချောင်းတွေက တံခါးဘုမှာပဲ ရှိနေသေးတယ်။ ခဏလောက်ကြာတော့ သူက ဘာမှမဖြစ်သလိုပဲ တံခါးကိုဖွင့်ပြီး အခန်းထဲကို ဝင်သွားလိုက်တယ်။ သူ့ရဲ့ နေ့စဥ္ လုပ်နေကျ အလုပ်တွေကိုပဲ လုပ်လိုက်တယ်။ ရေချိုးပြီးတော့ အိပ်ရာဝင်ဖို့ အသင့်ပြင်လိုက်တယ်။
YOU ARE READING
ရင်ခွင်ထဲမှ ချစ်ရသူ(ဘာသာပြန်)
Romanceသူ့ရဲ့ အကျိုးအတွက် သူမကသူမရဲ့ ဘဝဖြစ်တဲ့ အကောင်းဆုံးမငိးသမီးဆိုတာကို လိုလိုလားလား လက်လျှော့ပြီး သူ့ဇနီးဖြစ်ဖို့အတွက်ဆန္ဒရှိခဲ့တယ်။ သူမရဲ့ အဆက်အသွယ်တွေ ပိုက်ဆံတွေ ထောင်ပေါင်းများစွာသောနည်းလမ်းတွေနဲ့ သူ့ကို လောကရဲ့ ထိပ်ဆုံးနေရာရောက်အောင်ပံ့ပိုးခဲ့တယ်။...
