ရင်ခွင်ထဲမှ ချစ်ရသူ(ဘာသာပြန်)

အပိုင်း(၆၅)ရင်သက်ရှုမောစရာကောင်းတဲ့ သရုပ်ဆောင်ချက်

Unicode
ထုတ်လုပ်ရေးအဖွဲ့က အဲ့နေ့ကျမှပဲ အရင်မှာနေကျထက်လျှော့ပြီးတော့ နေ့လည်စာဘူးတွေကိုမှာလိုက်တယ်။ ပုံမှန်အရဆိုရင် သရုပ်ဆောင်တွေပဲဖြစ်ဖြစ်၊ stuff တွေပဲဖြစ်ဖြစ် နေ့လည်စာဘူးတွေကို ကြိုက်သလောက်ယူလို့ရတယ်။ ဒါပေမဲ့ အခုတော့ တစ်ယောက်ကိုတစ်ဘူးဘဲ ယူခွင့်ရှိတော့တယ်။ အရမ်းကို လိုအပ်နေတဲ့လူတွေနဲ့ အထူးတလည်သွားတောင်းတဲ့လူတွေမှပဲ နေ့လည်စာ နှစ်ဘူးရတယ်။

ယန်ဟွမ်နဲ့ ရီလင်း ရောက်တော့နောက်ကျနေပြီ။ အဲ့တော့ တစ်ယောက်ကို တစ်ဘူးပဲရတယ်။ ယန်ဟွမ်က သူမဘူးထဲက တစ်ချို့ကို ရီလင်းကိုပေးလိုက်တယ်။

" နင်ကဗိုက် မဆာဘူးလား " ရီလင်းက သူမပါးစပ်ထဲကို စားစရာတွေနဲ့ သွပ်ထည့်နေရင်းမေးလိုက်တယ်။ သူမက အရမ်းဆာနေတာ။ သူမက ဘာအလုပ်မှမလုပ်သလောက်ဘဲဆိုပေမဲ့ ဗိုက်ဆာလွန်းလို့ မျက်ရည်တောင်ကျတော့မယ်။ ယန်ဟွမ့်လို တစ်မနက်ခင်းလုံး သရုပ်ဆောင်နေရတဲ့လူဆိုရင်တော့ ဘယ်လိုခံစားရမလဲဆိုတာ သူမတွေ့တောင်မတွေးရဲဘူး။

" စားမှာသာစားစမ်းပါ " ယန်ဟွမ် သူမနေ့လည်စာဘူးထဲကနေ စားစရာတွေကို ထပ်ပြီးပေးလိုက်တယ်။ " ငါအများကြီးစားလို့မရဘူး။ မဟုတ်ရင် ငါ့ဝတ်စုံနဲ့မတော်ဘဲနေလိမ့်မယ်ဟ။ "

သူမလိမ်နေတာမဟုတ်ပါဘူး။ ဒီအပြာရောင် cheongsam က သာမန်မိန်းကလေးတစ်ယောက်ဝတ်ဖို့အတွက် အရမ်းသေးလွန်းတယ်။ ယန်ဟွမ် ဝတ်လို့ရတာကဘာလို့လဲဆိုရင် သူမခါးကအရမ်းကိုသေးလွန်းလို့။ သူမခါးလေးက ၆၀စင်တီမီတာပဲရှိတယ်။ သူမရဲ့ ခါးသာ ဒီထက်နဲနဲလောက်ပိုတုတ်မယ်ဆိုရင် ဒီအင်္ကျီထဲကို လျှိုလို့တောင်ရမှာမဟုတ်ဘူး ဆိုတာ သူမသေချာသိတယ်။ အများကြီးစားတာထက် နဲနဲပဲစားတာကောင်းပါတယ်။ ဒီဝတ်စုံသေးသေးလေးကို သူမဝတ်နေရင်းတန်းလန်းကြီး ပြဲထွက်သွားတာကိုတော့ သူမ မဖြစ်စေချင်ပါဘူးနော်။

" အဲ့ဒါဆိုလဲ ငါ နင့်နေ့လည်စာကို ကူစားပေးမယ်လေ။ "

ရီလင်းက ယန်ဟွမ့်ရဲ့ နေ့လည်စာဘူးကို အမြန် သူမရှေ့ကို ဆွဲယူလိုက်တယ်။ ယန်ဟွမ်စိတ်ပြောင်းသွားပြီး ကျန်တဲ့ နေ့လည်စားတွေအကုန်စားလိုက်လို့ ခဏနေတော့ အဲ့ဝတ်စုံနဲ့မတော်တော့ဘူးဆိုရင် ဘယ်လိုလုပ်မှာတုန်း။ ယန်ဟွမ့်ကို အဲ့လိုမဖြစ်စေချင်ဘူး။ အဲ့ဒီ့ ဝတ်စုံတစ်ခုလေးက သူမရဲ့ လှပတဲ့ ဟွမ်ဟွမ်လေးကို ဖျက်စီးမှာကို သူမ လက်မခံနိုင်ပါဘူးနော်။