ရဲ့ချန် စာသင်ခန်းထဲသို့ လှည့်ပတ်ကြည့်လိုက်သောအခါ နောက်ဆုံးတန်းမှာ ထိုင်ခုံအလွတ်တစ်ခုံကို တွေ့လိုက်ရသည်။ ထို့ကြောင့် ရဲ့ချန် ထိုနေရာတွင် ထိုင်ဖို့ ဆုံးဖြတ်လိုက်သည်။ ရဲ့ချန် နောက်ဆုံးတန်းသို့ လျှောက်လာပြီး ထိုင်ခုံကိုဆွဲယူကာ ထိုင်ချလိုက်သည်။
ရဲ့ချန် သရေမျက်နှာဖုံးကို ဝတ်ဆင်ထားတဲ့အတွက်ကြောင့် လူအများအပြား၏အာရုံစိုက်မှုကို မခံရတော့ချေ။
" ဟေး အတန်းဖော်...မင်းက ဒီကိုပြောင်းလာတာလား..." ရဲ့ချန်၏ရှေ့မှလူက နောက်သို့လှည့်လာပြီး မေးလိုက်သည်။
" ဟုတ်တယ်...ဒီနေ့မှ စပြောင်းလာတာ...ငါဒီမှာပဲ နေရမှာ..." ရဲ့ချန် ပြန်ဖြေလိုက်သည်။
" အိုး..ဒါကြောင့်ကိုး..ငါ့နာမည်က ကျန်းချောင်ပါ...မင်းငါ့ကို ကျန်းချောင်လို့ ခေါ်လို့ရတယ်..." ကျန်းချောင်က သူ့ရဲ့လက်ကို ရှေ့သို့ ထုတ်လိုက်ပြီး ရဲ့ချန်နဲ့ လက်ဆွဲနူတ်ဆက်ဖို့ ကမ်းလှမ်းလိုက်သည်။
ရဲ့ချန် " ငါ့နာမည်က ရဲ့ချန်ပါ...တွေ့ရတာဝမ်းသာပါတယ်..." ရဲ့ချန်ကလည်း ကျန်းချောင်၏လက်ကို ဆွဲပြီး နူတ်ဆက်လိုက်သည်။
ကျန်းချောင် " ဟေး ရဲ့ချန်...မင်းနေရာပြောင်းချင်တယ်ဆိုရင် ငါ့ထိုင်ခုံကနေ အခုချက်ချင်း ဖယ်ပေးမယ်..."
" ဘာ့ကြောင့်လဲ..." ရဲ့ချန် နားမလည်နိူင်စွာ မေးလိုက်သည်။
" အဲ့ဒါကြောင့်ပဲ..." ကျန်းချောင်၏စကားမဆုံးသေးခင်မှာပင် အခန်းတံခါးက တဖန် ပွင့်လာပြန်သည်။
အခန်းတံခါးက ပွင့်လာသောအခါ အသက် ၁၇၊ ၁၈ နှစ်လောက်ရှိသော လှပလွန်းသည့် ကောင်မလေးတစ်ယောက်က အခန်းထဲဝင်လာသည်။ သူမ၏ မျက်နှာလှလှလေးက မြင်မြင်သမျှယောက်ျားအားလုံးကို ဆွဲဆောင်နိူင်စွမ်းရှိသည်။ သူမ၏အရပ်က ၁၆၅ စင်တီမီတာလောက်ရှိပြီး အဖုအထစ်မရှိဘဲ ညီညာချောမွေ့နေသော ခြေတံများကိုလည်း သန့်ရှင်းသပ်ရပ်စွာ မြင်နိူင်သည်။ ထိုမိန်းကလေးတွင် ရှည်လျားပြီး ဖြောင့်စင်းသော ဆံပင်များလည်းရှိပြီး ညာဘက်တွင် လေးကိုင်းသဏ္ဌာန်လိပ်ပြာပုံလေးကို တွယ်ထားသည်။ လောလောဆယ် ဖွံ့ဖြိုးလာသော ခန္ဓာကိုယ်မှာတော့ သန့်စင်သောအဖြူရောင် တီရှပ်တစ်ထည်ကို ဝတ်ဆင်ထားသည်။ မိန်းမချောလေး လမ်းလျှောက်လာသောအခါ အခန်းထဲရှိ ယောက်ျားလေးတိုင်း၏ အမြင်အားလုံးက သူမအပေါ်တွင်သာ ဦးတည်နေကြသည်။
YOU ARE READING
နတ်ဘုရားတို့ လျှောက်သောလမ်း Part-1
Fantasyသူက ရွာငယ်လေး တစ်ရွာမှာ အဘိုးဖြစ်သူနဲ့အတူ နေထိုင်တယ်။ သူ့ဘဝက သာမန် လူငယ်လေး တစ်ယောက်နဲ့ အတူတူပဲ။ ဒါပေမဲ့ သူ့အဘိုး ကွယ်လွန်သွားတော့ သူ့ဘဝက ရုတ်တရက် ပြောင်းလဲသွားတယ်။ သူ့ကို စောင့်ရှောက်မယ့်သူ ဘယ်သူမှ မရှိတော့တာကြောင့် ဘဝကို အမှီအခိုကင်းကင်းနဲ့ နေထိုင...