" ယောက်ျား... နာမည်ကျော် ကြယ်ပွင့် ဖန်းရွှယ်ကို နမ်းရတာ ဘယ်လိုနေလဲ " လျှို့ယွဲ့က မေးလိုက်သည်။
" ဘာအနမ်းလဲ၊ ဒါက အသက်ကယ်နည်းနဲ့ ကုသတာပဲ ဥစ္စာ " ရဲ့ချန်က ပြောလိုက်သည်။
" နင်က ခုထက်ထိ ငြင်းချင်သေးတယ်ပေါ့ ဟုတ်လား " ထို့နောက် လျှို့ယွဲ့က ရဲ့ချန်၏ နားရွက်အနားသို့ တိုးကပ်သွားပြီး " ယောက်ျား... ငါ့ကို အနမ်းပေးတုန်းကရော ဘယ်လို ခံစားရလဲ " ထိုသို့ ပြောပြီး လျှို့ယွဲ့က ရဲ့ချန်၏နားထဲသို့ လေတစ်ချက်ပင် မှုတ်လိုက်သေးသည်။
ဤမိန်းကလေးက ထိုကိစ္စကို တမင်သက်သက် လုပ်ခဲ့ခြင်းပင် ဖြစ်ချိမ့်မည်။ ရဲ့ချန်တစ်ယောက် အသည်းပင် ယားလာတော့သည်။ " နင်က ဒီလို ဘာလို့ မေးတာလဲ၊ နင်ကိုယ်တိုင်ရော အဲ့ဒီ့အဖြေကို သိလို့လား "
" ယောက်ျားကလဲ... ငါက နင့်ပါးစပ်က ထွက်တဲ့စကားကို ကြားချင်လို့ ဟာကို " လျှို့ယွဲ့က ရဲ့ချန်ဆီကစကားကို ကိုယ်တိုင် ကြားလိုသည့်ပုံ ပေါ်သည်။
ရဲ့ချန်၏လက်တစ်ဖက်က လျှို့ယွဲ့၏ဇတ်ပိုးပေါ်သို့ ချက်ချင်း ရောက်ရှိသွားသည်။ ထို့နောက် သူမကို အနီးသို့ ဆွဲခေါ်ပြီး အနမ်းပေးလိုက်တော့သည်။
လျှို့ယွဲ့တစ်ယောက် ရဲ့ချန်က ရုတ်တရက် နမ်းချလိုက်သောကြောင့် အံ့အားသင့်သွားတော့သည်။
ရဲ့ချန်က သူ၏နွယ်ပင်လေးကို လျှို့ယွဲ့၏ခံတွင်းထဲသို့ ထည့်လိုက်သည်။ လျှို့ယွဲ့သည် ရဲ့ချန်၏နွယ်ပင်က လာရောက် မိတ်ဖွဲ့သည်ကို ငြင်းဆန်ခြင်း မရှိပါချေ။ သူမကလည်း ရဲ့ချန်၏နွယ်ပင်ကို ကြိုဆို ထွေးပတ်လိုက်တော့သည်။
ရဲ့ချန်ကလည်း လျှို့ယွဲ့၏နွယ်ပင်လေးကို လုံးထွေး ရစ်ပတ်လိုက်ပြန်သည်။ အနမ်းပေးရခြင်း၏ အထိအတွေ့က လျှို့ယွဲ့အတွက် မယုံနိုင်စရာကောင်းအောင်ပင် ဖြစ်နေသေးသည်။
လျှို့ယွဲ့၏စိတ်ထဲတွင် ကောင်းကင်ဘုံသို့ ပျံသန်းနေသလို ခံစားလိုက်ရသည်။
" တီ... တီ... " သူတို့နှစ်ယောက် ရှေ့က ကုန်တင်ကားကြီးက ဟွန်းတီးလိုက်တော့သည်။
YOU ARE READING
နတ်ဘုရားတို့ လျှောက်သောလမ်း Part-1
Fantasyသူက ရွာငယ်လေး တစ်ရွာမှာ အဘိုးဖြစ်သူနဲ့အတူ နေထိုင်တယ်။ သူ့ဘဝက သာမန် လူငယ်လေး တစ်ယောက်နဲ့ အတူတူပဲ။ ဒါပေမဲ့ သူ့အဘိုး ကွယ်လွန်သွားတော့ သူ့ဘဝက ရုတ်တရက် ပြောင်းလဲသွားတယ်။ သူ့ကို စောင့်ရှောက်မယ့်သူ ဘယ်သူမှ မရှိတော့တာကြောင့် ဘဝကို အမှီအခိုကင်းကင်းနဲ့ နေထိုင...