ရဲ့ချန် ပိုင်ဆိုင်သော အိမ်ကြီး၏အပေါ်ဆုံးတွင်...
ထိုနေရာတွင် မိန်းကလေး တစ်ယောက်ချင်းစီတိုင်းက လေသာဆောင်ပေါ်တွင် မတ်တပ်ရပ်နေကြသည်။ ယင်းသည် ချောင်ယမ်ယမ်၊ လျှို့ယွဲ့နှင့် ဖူလန်လင်းတို့က ကောင်းကင်ကို မော့ကြည့်နေခြင်း ဖြစ်၏။
" မမလန်လင်း အဲ့ဒါ ဘာဖြစ်နေတာလဲ " ကောင်းကင်က ထူးဆန်းသောဖြစ်စဉ်ကို ကြည့်ရင်း ချောင်ယမ်ယမ်က မေးလိုက်သည်။
လျှို့ယွဲ့ကလည်း ချောင်ယမ်ယမ့်လို အင်မတန် အံ့အားသင့်နေသည်။ ကောင်းကင်ပေါ်က လျှပ်စီးတိမ်တိုက်များက လုံးဝ သာမန် မဟုတ်ပေ။ ထိုလျှပ်စီးများ ဝင်းထိန် လင်းလက်လာသောကြောင့် လျှို့ယွဲ့ပင် အနည်းငယ် တုန်ရီသွားရသည်။
" ဒါက ယောက်ျားလးနဲ့ အတော်လေး အားကောင်းတဲ့ လူတစ်ယောက် တိုက်ခိုက်နေတယ် ထင်တယ် " ဖူလန်လင်းသည် ဤဖြစ်စဉ်က ဘာမှန်း ခန့်မှန်းမိသည်။ အဖြစ်အပျက်သည် အလွန်တရာ အားကောင်းသော ကျင့်ကြံသူနှစ်ဦးတို့ တိုက်ခိုက်နေမှသာ ဖြစ်ပျက်နိုင်သည် မဟုတ်ပါလား။
" သူ အဆင်မှ ပြေပါ့မလား " ထိုအရာကို ကြားပြီး လျှို့ယွဲ့သည် ရဲ့ချန်၏အခြေအနေနှင့် ပတ်သတ်ပြီး စိုးရိမ်သွားသည်။
" မမလန်လင်း ညီမလေး ရဲ့ချန်ကို အရမ်းစိတ်ပူတယ်၊ အဲ့ဒီ့ကိုသွားပြီး သူ့ကို အကူညီ ပေးရအောင်လေ " ချောင်ယမ်ယမ်က စိုးရိမ်တကြီး ပြောလိုက်သည်။
" ညီမလေးတို့ ဘာမှ စိုးရိမ်စရာ မလိုပါဘူး၊ ရဲ့ချန်က အတော်လေး အားကောင်းတဲ့လူပါ၊ သူက သေချာပေါက် နိုင်မှာပါ " ဖူလန်လင်းက ရဲ့ချန်ကို ယုံကြည်ပေးရန် မိန်းကလေးနှစ်ယောက်ကို ပြောလိုက်၏။
ဖူလန်လင်းက ရဲ့ချန်ကို နက်ရှိုင်းစွာ ယုံကြည်နေပုံအား ကြည့်ရင်း ချောင်ယမ်ယမ်နှင့် လျှို့ယွဲ့သည် တစ်ဦးကိုတစ်ဦး ကြည့်ပြီး ခေါင်းညိတ်ပြလိုက်၏။ သူတို့နှစ်ယောက်စလုံးက ရဲ့ချန်ကို ယုံကြည်ပေးရန် ဆုံးဖြတ်ချက် ချလိုက်တော့သည်။
ချောင်ယမ်ယမ်နှင့် လျှို့ယွဲ့တို့ သတိမပြုမိခင် ဖူလန်လင်းက သူမ၏ငှက်ရုပ်ကို ရဲ့ချန်၏အခြေအနေအား စောင့်ကြည့်ရန် စေလွှတ်လိုက်သည်။ အကယ်၍ ရဲ့ချန်က တစ်စုံတစ်ခု ဆိုးဆိုးဝါးဝါး ဖြစ်သွားမည်ဆိုလျှင် သူမက ချက်ချင်း ကူညီနိုင်မည် မဟုတ်ပါလား။
YOU ARE READING
နတ်ဘုရားတို့ လျှောက်သောလမ်း Part-1
Fantasyသူက ရွာငယ်လေး တစ်ရွာမှာ အဘိုးဖြစ်သူနဲ့အတူ နေထိုင်တယ်။ သူ့ဘဝက သာမန် လူငယ်လေး တစ်ယောက်နဲ့ အတူတူပဲ။ ဒါပေမဲ့ သူ့အဘိုး ကွယ်လွန်သွားတော့ သူ့ဘဝက ရုတ်တရက် ပြောင်းလဲသွားတယ်။ သူ့ကို စောင့်ရှောက်မယ့်သူ ဘယ်သူမှ မရှိတော့တာကြောင့် ဘဝကို အမှီအခိုကင်းကင်းနဲ့ နေထိုင...
