ရဲ့ချန်နှင့် ချောင်ယမ်ယမ်တို့ ကျောင်းကန်တင်းမှ ထွက်လာကြသည်။ သို့သော် သူတို့ဟာ စာသင်ခန်းထဲသို့ ချက်ချင်း မပြန်ကြပေ။ ရဲ့ချန်က ချောင်ယမ်ယမ့်အား ကျောင်းနောက်ဘက် ပန်းခြံဆီသို့ ခေါ်လာတော့သည်။
ရဲ့ချန်က ချောင်ယမ်ယမ်နှင့်အတူ အချိန်များစွာကို ကုန်ဆုံးလိုသည်။
ရဲ့ချန်လည်း ချောင်ယမ်ယမ်၏မျက်နှာက အနည်းငယ်မှုန်ကုတ်ကုတ်ဖြစ်နေသည့်အတွက် မေးလိုက်တော့သည်။ " ယမ်ယမ်... ဘာဖြစ်လို့လဲ "
" ယွိထန်ဆိုတဲ့မိန်းမကို ငါ သိပ်အစာမကျေဘူး။ သူက နင့်ကို တွေ့တိုင်း စော်ကားနေတာ။ ယောက်ျား... နင်က ဘာဖြစ်လို့ ရေငုံနုတ်ပိတ် နေ,နေရတာလဲ " ရဲ့ချန်က ထိုမျှအထိ စော်ကားခံနေရသော်လည်း ပြန်လည် မချေပသောကြောင့် မေးလိုက်တော့သည်။
ရဲ့ချန် " မိန်းမ... အဲ့ဒီ့လူနှစ်ယောက်အတွက်နဲ့ ဘာဖြစ်လို့ စိတ်အနှောင့်အယှက် အဖြစ်ခံရမှာလဲ။ အစကတည်းက သူတို့က သွေးနားထင်ရောက်နေကြတာ။ ယွိထန် ငါ့ကို ပြဿနာရှာနေရတဲ့အကြောင်းရင်းက ငါက သူ့ထက် အစစအရာရာ သာတဲ့ မိန်းကလေးတစ်ယောက်ကို ရထားလို့ လက်မခံနိုင်ဖြစ်နေတာ "
" အဲ့လိုပေါ့... " ချောင်ယမ်ယမ်တစ်ယောက် ရဲ့ချန်၏ ချီးကျူးသံကို ကြားလိုက်ရပြီး အတော်လေး ကျေနပ်သွားရသည်။
" ငါ့ မိန်းမချောချောလေးကို ဘာကိစ္စ လိမ်နေရမှာလဲ။ ယမ်ယမ်က ဒီကမ္ဘာမှာ အလှဆုံးပဲ " ရဲ့ချန်က ချောင်ယမ်ယမ်၏ကိုယ်လုံသေးသေးလေးအား ထွေးဖက်လိုက်တော့သည်။
ချောင်ယမ်ယမ်လည်း သူမချစ်ရသောသူထံမှ ချီးကျူးသံများအား ကြားလိုက်ရသောအခါ နှလုံးသားထဲတွင် လှိုက်ခနဲ့ပင် ဖြစ်သွားရသည်။
ရဲ့ချန်လည်း ယွိထန်အား တကယ့်ကို ကျေးဇူးတင်မိပါသည်။ အဘယ်ကြောင့်ဆိုသော် သူ့ကြောင့်သာ ချောင်ယမ်ယမ်လို ချစ်သူမျိုးအား ရင်ခွင်ထဲ ထည့်ထားနိုင်သောကြောင့် ဖြစ်သည်။
သူတို့နှစ်ဦးဟာ တစ်ဦးကိုတစ်ဦး မျက်လုံးချင်း စကားပြောနေကြပြီး တဖြည်းဖြည်းနှင့် နုတ်ခမ်းအချင်းချင်း ဆုံစည်းရန် နီးကပ်လာကြသည်။ ထို့နောက် နုတ်ခမ်းတို့၏ဆုံချက်က ထိတွေ့သွားကြပြီး ရဲ့ချန်လည်း နုတ်ခမ်းကို ဖွင်ဟပြီး ချောင်ယမ်ယမ်၏ နွယ်ပင်လေးအား ရှာပုံတော် ဖွင့်လိုက်သည်။ ရဲ့ချန်၏နွယ်ပင်က ချောင်ယမ်ယမ်၏ ပါးစပ်ထဲသို့ ရောက်လာသည်နှင့် သူမ၏ညည်းညူသံလေးက တိုးလျလျ ထွက်ပေါ်လာပြီး နုညံ့သော အနမ်းတို့၏ ရေယဉ်ကြော၌ နစ်မြှပ် ပျော်ဝင်သွားတော့သည်။
YOU ARE READING
နတ်ဘုရားတို့ လျှောက်သောလမ်း Part-1
Fantasyသူက ရွာငယ်လေး တစ်ရွာမှာ အဘိုးဖြစ်သူနဲ့အတူ နေထိုင်တယ်။ သူ့ဘဝက သာမန် လူငယ်လေး တစ်ယောက်နဲ့ အတူတူပဲ။ ဒါပေမဲ့ သူ့အဘိုး ကွယ်လွန်သွားတော့ သူ့ဘဝက ရုတ်တရက် ပြောင်းလဲသွားတယ်။ သူ့ကို စောင့်ရှောက်မယ့်သူ ဘယ်သူမှ မရှိတော့တာကြောင့် ဘဝကို အမှီအခိုကင်းကင်းနဲ့ နေထိုင...