ရဲ့ချန်နှင့် လျှို့ယွဲ့တို့ ထိုင်ခုံများဆီသို့ ပြန်လာသောအခါ ချောင်ယမ်ယမ်က ဆီး၍ ကြိုသည်။ " အမယွဲ့ရဲ့ပုံစံက သေအောင်မိုက်တာပဲ " ချောင်ယမ်ယမ်က လျှို့ယွဲ့၏အသံကို ချီးကျူးသည်။
" ညီမလေး ယမ်ယမ် ကျေးဇူးအများကြီး တင်ပါတယ် " လျှို့ယွဲ့သည် ချောင်ယမ်ယမ်က နှစ်သိမ့်ပေးသောကြောင့် အနည်းငယ် ပျော်ရွှင်သွားသည်။ လျှို့ယွဲ့သည်လည်း သူမ၏အသံက အလွန်တရာ ဆိုးဝါးကြောင်း သိပါသည်။
ထို့နောက် လျှို့ယွဲ့နှင့် ချောင်ယမ်ယမ်တို့က ပြိုင်တူ ရယ်မောလိုက်ကြသည်။ ရဲ့ချန်သည် သူ၏မိန်းမနှစ်ယောက်က တစ်ဦး၏အားနည်းချက်ကို တစ်ဦးက လက်ခံနိုင်သောကြောင့် ဝမ်းသာ ပျော်ရွှင်မိရသည်။ ဤလောကတွင် လုံးဝ ပြီးပြည့်စုံသောသူက အမှန်တကယ် မရှိပေ။
" အားလုံးပဲ ဒီသီချင်းက နောက်ဆုံးသီချင်းပါ၊ ဒါပြီးရင် ပွဲပြီးပါပြီ " ဖန်းရွှယ်က ပွဲပြီးတော့မည်ဖြစ်ကြောင်း ကြေညာလိုက်သည်။
တချို့ပရိတ်သတ်များက ပွဲပြီးတော့မည်ဟု ဆိုသောကြောင့် စိတ်ပျက်လက်ပျက် ဖြစ်သွားကြသည်။
" စလိုက်ကြရအောင် ... ဗုန်း ... ဗုန်း ... ဒိန်း ... " ဖန်းရွှယ်က သီချင်း စတင်ရန် ပြောလိုက်သည်နှင့် ရုတ်တရက် စင်ရှေ့တွင် ကြီးမားသော ပေါက်ကွဲမှုကြီးများ ဖြစ်ပေါ်လာတော့သည်။
ပစ္စည်းပစ္စယ အမြောက်အမြားက ပရိတ်သတ်များဆီသို့ လွင့်ပျံလာကြသည်။ VVIP ထိုင်ခုံတွင် ထိုင်နေသောလူများဆီသို့ အပိုင်းအစများက ပိုမို ရောက်ရှိလာသည်။ ရဲ့ချန်က သူ၏စွမ်းအင်ကို သုံးပြီး လူများကို မထိခိုက်စေရန် ဒိုင်းတစ်ခုဖန်တီးပြီး ကာကွယ်ထားလိုက်သည်။
ပွဲတော်က အစက ပျော်စရာကောင်းသလောက် ယခုတော့ အနိဌာရုံ မြင်းကွင်းအဖြစ် ပြောင်းလဲသွားပြီ ဖြစ်သည်။ အဆောက်အဦးထဲတွင် လူများ၏ အထိတ်အလန့် အော်သံများ နာကျင်မှုကြောင့် ညည်းညူသံများ အော်ဟစ် ကျိမ်းမောင်းသံများဖြင့် ပွက်လောရိုက်သွားကြသည်။ ဖန်းရွှယ်ကလည်း စင်ပေါ်မှ လျင်မြန်စွာ ဆင်းပြေးလာသည်။
YOU ARE READING
နတ်ဘုရားတို့ လျှောက်သောလမ်း Part-1
Fantasyသူက ရွာငယ်လေး တစ်ရွာမှာ အဘိုးဖြစ်သူနဲ့အတူ နေထိုင်တယ်။ သူ့ဘဝက သာမန် လူငယ်လေး တစ်ယောက်နဲ့ အတူတူပဲ။ ဒါပေမဲ့ သူ့အဘိုး ကွယ်လွန်သွားတော့ သူ့ဘဝက ရုတ်တရက် ပြောင်းလဲသွားတယ်။ သူ့ကို စောင့်ရှောက်မယ့်သူ ဘယ်သူမှ မရှိတော့တာကြောင့် ဘဝကို အမှီအခိုကင်းကင်းနဲ့ နေထိုင...
