" ရှင်က ဘာဖြစ်လို့ ကျွန်မဆီက ခွင့်ပြုချက် တောင်းနေသေးတာလဲ၊ ရှင့်မှာ သူ့ကို ရိုက်နိုင်တဲ့ အစွမ်းရှိရင် သွားရိုက်လေ " ရှားချင်ယုသည် ဂျမ်မော့ရှီက ပိုမို အတင့်ရဲစွာ တောင်းဆိုလာသောကြောင့် တဖြည်းဖြည်း ဒေါသများ အလိပ်လိုက် ထွက်လာတော့၏။
ရဲ့ချန်၏အလုပ်က သူမကို ကာကွယ်ပေးရန် တစ်ခုတည်းသာ ဖြစ်၏။ ဂျမ်မော့ရှီ၏ရိုက်နှက်မှုကို ရဲ့ချန်က လိုလိုလားလား ငြိမ်ခံနေစေရန် သူမတွင် အမိန့်ပေးပိုင်ခွင့် မရှိချေ။
" ဒီတော့ မင်းကချချင်တာလား " ရဲ့ချန်က ချက်ချင်း ထရပ်ပြီး ဂျမ်မော့ရှီအား ရိုက်နှက်တော့သည်။
သည်တစ်ကြိမ်တွင် ရှားချင်ယုကလည်း ဝင်မတားတော့ပေ။ " ဖုန်း ... ဒိုင်း ... ခွက် ... " ဂျမ်မော့ရှီ၏မျက်ကွင်းများက ဝက်ဝံမျက်လုံး ဖြစ်သွားပြီ ဖြစ်၏။
ဂျမ်မော့ရှီ သူ၏သွားများကို တင်းနေအောင် ကြိတ်ထားလိုက်၏။ ယင်းက သူ့အတွက် ပထမဆုံးအကြိမ် လူတစ်ယောက်၏ရိုက်နှက်မှုကို ခံရခြင်း ဖြစ်၏။
ဂျမ်မော့ရှီက စကားမပြောဘဲ ထိုင်နေပုံကို ကြည့်ရင်း ဆွေးနွေးပွဲကလည်း အဆုံးသတ်ရန် ရှေ့မတိုးသာ နောက်မဆုတ်သာ အခြေနေ ဖြစ်နေ၏။ ဂျမ်မော့ရှီ၏လက်တစ်ဖက်က စားပွဲခုံအောက်တွင် ရဲ့ချန်ကို ပညာပေးရန် ဤနေရာသို့ လာခဲ့ဖို့ လူတစ်ယောက်ကို ဆက်သွယ်နေသည်။
မိနစ်အတန်ကြာပြီးသော် လူတစ်ယောက်က အခန်းတံခါးကို ကန်ဖွင့်ပြီး အခန်းထဲ ဝင်ရောက်လာသည်။ အခန်းထဲဝင်လာကြသော သူများသည် စုစုပေါင်း လူ ၅၀ ခန့် ရှိသည်။
ထိုလူငါးဆယ်သည် သူတို့၏လက်ထဲတွင် လက်နက်များကိုလည်း ကိုင်ဆောင်ထား၏။ " ညီအကို ဂျမ် ပညာပေးရမယ့် ကောင်က ဘယ်မှာလဲ " ဆံပင် အနီရောင်နှင့်လူက မေးလိုက်၏။
" နောက်ဆုံးတော့ မင်းတို့ ရောက်လာပြီပဲ၊ ဒီကောင့်ကို မြန်မြန် ချကြစမ်း " ဝက်ဝံမျက်လုံးနှင့် ဂျမ်မော့ရှီက ရဲ့ချန်ကို လက်ညှိုးထိုးပြလိုက်သည်။
အခြေအနေများက ပိုမို ရှုပ်ထွေးလာသည်ကို ကြည့်ရင်း ရှားချင်ယု စိုးရိမ်စိတ် ဝင်လာပြီ ဖြစ်၏။ ဤအရာအားလုံးသည် သူမဘေးက လူ၏အမှားသာ ဖြစ်၏။ အကယ်၍ ရဲ့ချန်သာ စကားနားထောင်ခဲ့မည်ဆိုပါက ဤပြဿနားများက ဖြစ်လာစရာအကြောင်း လုံးဝ မရှိပေ။
YOU ARE READING
နတ်ဘုရားတို့ လျှောက်သောလမ်း Part-1
Fantasyသူက ရွာငယ်လေး တစ်ရွာမှာ အဘိုးဖြစ်သူနဲ့အတူ နေထိုင်တယ်။ သူ့ဘဝက သာမန် လူငယ်လေး တစ်ယောက်နဲ့ အတူတူပဲ။ ဒါပေမဲ့ သူ့အဘိုး ကွယ်လွန်သွားတော့ သူ့ဘဝက ရုတ်တရက် ပြောင်းလဲသွားတယ်။ သူ့ကို စောင့်ရှောက်မယ့်သူ ဘယ်သူမှ မရှိတော့တာကြောင့် ဘဝကို အမှီအခိုကင်းကင်းနဲ့ နေထိုင...
