အဆောက်အဦး၏ဆယ်လွှာတွင် ဖန်းရွှယ်က အကြီးအကဲများ၏ အခန်းရှေ့သို့ ရောက်လာသည်။
" ဒေါက်... ဒေါက်... ဒေါက်... " ဖန်းရွှယ်က အခန်းတံခါးကို ခေါက်လိုက်သည်။
" အထဲကို ဝင်လာလို့ ရပါတယ် " အခန်းထဲကလူက ပြန်ဖြေလိုက်သည်။
ခွင့်ပြုချက်ကို ရရှိပြီးနောက် ဖန်းရွှယ်က အခန်းထဲသို့ ဝင်လာသည်။ အခန်းထဲသို့ ရောက်လာသောအခါ အသက် ၃၅ နှစ် ဝန်းကျင်ခန့် ရှိသော အမျိုးသမီးတစ်ဦးကို မြင်လိုက်ရသည်။ သူမက ဆရာမဝတ်စုံကို ဝတ်ဆင်ထားပြီး ဆံပင်များကို ကောက်ထားသည်။ သူမ၏ပုံစံက ဆက်ဆီကျကျနှင့် ဆွဲဆောင်မှုရှိစွာ လှပနေတော့သည်။ ထို့အပြင် ခန္ဓာကိုယ် အချိုးအစားကလည်း ရင့်သန် ဖွံ့ဖြိုး နေချေသည်။
" ဟီဟီ... အမယုယာ မတွေ့တာတောင် အတော်ကြာပြီနော် " ဖန်းရွှယ်၏ပုံစံက ဤအမျိုးသမီးနှင့် အလွန်တရာ ရင်းနှီးနေပုံ ပေါ်လေသည်။
သူမ၏နာမည်က စုယုယာ ဖြစ်ပြီး မစ္စတာဂျင်၏တပည့် ဖန်းရွှယ်၏စီနီယာအမပင် ဖြစ်သည်။
" ညီမလေး ရွှယ်... နောက်ဆုံးတော့ နင်ရောက်လာပြီပေါ့၊ နင်က နာမည်ကျော် ကြယ်ပွင့်တစ်ယောက် ဖြစ်လာတော့ အမကိုတောင် မေ့သွားပြီလို့ ထင်နေတာ " စုယုယာ၏ပုံစံက အနည်းငယ် ဝမ်းနည်းနေသည့်ပုံ ပေါ်နေသည်။
" ဘယ်လိုဖြစ်ပြီး ညီမက အမယုယာကို မေ့ရမှာလဲ၊ ညီမက အမကို အမြဲတမ်း သတိရနေတဲ့သူပါနော် " ဖန်းရွှယ်က စုယုယာ၏လက်မောင်းကို ပြေးဖက်လိုက်တော့သည်။
" ကြည့်ပါဦး... ညည်းလေးက နာမည်ကျော် ကြယ်ပွင့်ကြီး ဖြစ်လာပေမယ့် အရင်ကလိုပဲ မာနတွေ ဘာတွေ ကြီးမနေဘူး " စုယုယာက ဖန်းရွှယ်၏ဆံပင်လေးများကို သပ်ပေးရင်း ပြောလိုက်သည်။
" ဟီ... ဟီ... ဟီ... " စုယုယာ၏ရင်ခွင်ထဲက ဖန်းရွှယ်က ရယ်မောနေတော့သည်။
ဖန်းရွှယ်က စုယုယာနှင့် သုံးနှစ်နီးပါးခန့် မတွေ့ရချေ။ အမှန်တော့ သူမကလည်း စုယုယာကို သတိရနေသည်။
" ညည်းက ဘာဖြစ်လို့ နောက်ကျနေတာလဲ၊ အချိန်အတိအကျလည်း ပြောထားပါလျက်နဲ့၊ ဖုန်းဆက်တော့လည်း ဆက်မရဘူး ဖြစ်နေတယ် " စုယုယာက ဖန်းရွှယ်အား နောက်ကျရသည့် အကြောင်းရင်းကို မေးမြန်းလိုက်သည်။
YOU ARE READING
နတ်ဘုရားတို့ လျှောက်သောလမ်း Part-1
Fantasyသူက ရွာငယ်လေး တစ်ရွာမှာ အဘိုးဖြစ်သူနဲ့အတူ နေထိုင်တယ်။ သူ့ဘဝက သာမန် လူငယ်လေး တစ်ယောက်နဲ့ အတူတူပဲ။ ဒါပေမဲ့ သူ့အဘိုး ကွယ်လွန်သွားတော့ သူ့ဘဝက ရုတ်တရက် ပြောင်းလဲသွားတယ်။ သူ့ကို စောင့်ရှောက်မယ့်သူ ဘယ်သူမှ မရှိတော့တာကြောင့် ဘဝကို အမှီအခိုကင်းကင်းနဲ့ နေထိုင...
