ရဲ့ချန်က ဆယ်ကီလိုမီတာခန့်အထိ လွင့်ထွက်သွားပြီး သူ ယခင်က ရပ်နားခဲ့သည့် တောင်တန်းအား ဝင်ဆောင့်မိသွားလေသည်။
" ဝေါ့... ဝေါ့... " ရဲ့ချန်က သွေးများ အန်ထုတ်လိုက်ရသည်။
" တောက်... သန်လိုက်တဲ့ အား " ရဲ့ချန်သည် တိုက်ပွဲ သက်ရောက်မှုက ဤမျှအထိ ပြင်းထန်လိမ့်မည်ဟု မျှော်လင့်မထားပေ။ သူသာ တိုက်ပွဲနှင့် ထို့ထက်ပို၍ နီးကပ်နေမည်ဆိုလျှင် ဒဏ်ရာအပြင်းအထန် ရမည်မှာ သေချာသလောက် ရှိ၏။
" သူတို့က တကယ်ပဲ အားကောင်းတယ်၊ တိုက်ခိုက်နေတဲ့သူ တစ်ယောက်စီတိုင်းက အရှင်သခင်နယ်ပယ်အဆင့်မှာ ရှိကြတယ်၊ နင် အသက်မသေတာပဲ ကံကောင်းတယ် မှတ်ပါ၊ နင့်နေရာမှာသာ အခြားတစ်ယောက်ဆိုရင် သူက သေချာပေါက် သေပြီပဲ " ချူးယွဲ့ချန်က ရှင်းပြလိုက်သည်။
ရဲ့ချန် " အရှင်သခင်နယ်ပယ်... ဒါကြောင့် သူတို့ရဲ့ ကျင့်ကြံမှုအဆင့်ကို ငါ မမြင်ရတာကိုး၊ သူတို့က တကယ်ပဲ ငါ့ထက် သန်မာနေတာပဲ "
ဟူးလန်း မြင့်မြတ်သော နယ်မြေတွင် စွမ်းအားကြီးသော ကျင့်ကြံသူ များစွာ ရှိသောကြောင့် ထိုနေရာက အမှန်တကယ် အန္တရာယ်များသော နေရာဟုဆိုက မမှားနိုင်ပေ။
" သူတို့ထဲက နှစ်ယောက်က တိုက်ခိုက်တဲ့နေရာမှာ သူတို့ရဲ စွမ်းအင်တွေကို အကုန်သုံးလိုက်ရတယ်၊ ဒါပေမဲ့ လူတိုင်းမှာတော့ စွမ်းအင် တစ်စက်မှ မကျန်တော့ဘူး၊ ဒီတော့ နင် သွားစစ်ဆေးတာက ပိုကောင်းလိမ့်မယ်၊ သူတို့ဆီက ကျန်ခဲ့တဲ့ပစ္စည်းတွေ နင် ရနိုင် မရနိုင် ဘယ်သူသိမှာလဲ " ချူးယွဲ့ချန်က အကြံပေးလိုက်သည်။
ရဲ့ချန်သည် အလွန်တရာ သိချင်စိတ် ပေါက်သွား၏။ တိုက်ပွဲတွင် မည်သူ အနိုင်ရရှိသွားသနည်း။ တာအိုသခင် ငါးဦးလော သို့မဟုတ် အမြီးကိုးချောင်းမြေခွေးပင် လော။
ရဲ့ချန်သည် တိုက်ပွဲနေရာဆီသို့ ပျံသန်းသွားလိုက်၏။ ယခုတော့ ရဲ့ချန်၏ရှေ့က အရာရာတိုင်းက ပြောင်းလဲသွားပြီ ဖြစ်သည်။ သစ်ပင်များ အားလုံးက ပြိုကျ ပျက်စီးကုန်ပြီး အနီးဝန်းကျင်တစ်လျှောက် ဖုန်မှုန့်များနှင့် အမှိုက်သရိုက်များသာ ပြန့်ပြန့်ကြဲနေတော့သည်။
YOU ARE READING
နတ်ဘုရားတို့ လျှောက်သောလမ်း Part-1
Fantasyသူက ရွာငယ်လေး တစ်ရွာမှာ အဘိုးဖြစ်သူနဲ့အတူ နေထိုင်တယ်။ သူ့ဘဝက သာမန် လူငယ်လေး တစ်ယောက်နဲ့ အတူတူပဲ။ ဒါပေမဲ့ သူ့အဘိုး ကွယ်လွန်သွားတော့ သူ့ဘဝက ရုတ်တရက် ပြောင်းလဲသွားတယ်။ သူ့ကို စောင့်ရှောက်မယ့်သူ ဘယ်သူမှ မရှိတော့တာကြောင့် ဘဝကို အမှီအခိုကင်းကင်းနဲ့ နေထိုင...
