လျှို့ယွဲ့က ရဲ့ချန်ကို သူမ၏အခန်းထဲသို့ ခေါ်လာသည်။ သူမ၏အခန်းက ယခင်အတိုင်း သော့ပိတ်ထားဆဲသာ ရှိနေသည်။
လျှို့ယွဲ့က ဆိုဖာထိုင်ခုံပေါ်တွင်ထိုင်ပြီး သူမ၏ဆံပင်များကို နောက်သို့ စုစီးလိုက်သည်။ " ရဲ့ချန်... ငါတော့ အဆင်သင့်ဖြစ်ပြီ၊ စမယ်ဆို စတော့ " လျှို့ယွဲ့သည် ရဲ့ချန်၏အနှိပ်အနယ် ကျွမ်းကျင်မှုကို စမ်းကြည့်လိုလှပြီ ဖြစ်သည်။
ရဲ့ချန်က လျှို့ယွဲ့၏နောက်ကျောဘက်တွင် နေရာဝင်ယူလိုက်ပြီး သူ၏လက်နှစ်ဖက်စလုံးကို သူမ ပခုံးပေါ်သို့ တင်လိုက်သည်။ " ကျုပ် စတော့မယ်နော် " ရဲ့ချန်က လျှို့ယွဲ့၏ပခုံးသားလေးများကို စတင်နှိပ်လိုက်တော့သည်။
" အမလေးတော့... " ရဲ့ချန်က စတင်နှိပ်နယ်လိုက်သည်နှင့် လျှို့ယွဲ့က အလန့်တကြား ထအော်သည်။
" ဘာဖြစ်လို့လဲ... နာလို့လား " ရဲ့ချန်က စိုးရိမ်တကြီး မေးမြန်းသည်။
" မဟုတ်ဘူး... မဟုတ်ဘူး... ဆက်လုပ် " လျှို့ယွဲ့က ခေါင်းကို တွင်တွင်ယမ်း၍ ရဲ့ချန်ကို ဆက်နှိပ်ဖို့ ပြောသည်။
ရဲ့ချန်ကလည်း သူ၏နှိပ်နယ်မှုကိုပဲ ဆက်လက်လုပ်ဆောင်လိုက်သောအခါ လျှို့ယွဲ့၏ခန္ဓာကိုယ်ကြွက်သားများက တောင့်တင်းနေသည်ကို သိလိုက်ရသည်။ ယင်းက လျှို့ယွဲ့က နေ့စဉ် အလုပ်၏ဖိအားအောက်မှာသာ ရုန်းကန်ခဲ့ရပြီး လေ့ကျင့်ခန်းပင်လုပ်ရန် အချိန်မရှိသောကြောင့် ဖြစ်နိုင်သည်။
" ဟင်း..... " လျှို့ယွဲ့က သူမ၏အသံကို ချက်ချင်း ရပ်တန့်လိုက်သည့်အတွက် ရှေ့ဆက်ထွက်မလာတော့ပေ။ အကြောင်းပြချက် တစ်ခုအတွက်ဆို ရဲ့ချန်က နှိပ်လိုက်တိုင်း နှိပ်လိုက်တိုင်း သူမအဖို့ ကောင်းမွန်လွန်းသောခံစားချက်ကို ရရှိရသည် မဟူတ်ပါလား။ ယင်းက လျှို့ယွဲ့၏ဘဝတွင် တစ်ခါမျှ မခံစားဖူးသော ခံစားချက်ပင် ဖြစ်သည်။
လျှို့ယွဲ့က သူမ၏ခန္ဓာကိုယ်က အလွန်ပင် ထိလွယ်ရှလွယ်ဖြစ်နေသည်ဟု ခံစားလိုက်မိသည်။ ရဲ့ချန်က ညင်သာစွာ နှိပ်ပေးနေသည်ဖြစ်သော်လည်း သူမခန္ဓာကိုယ် တစ်ကိုယ်လုံးက တုန်ခါနေပြီး သူမ၏အသက်ရှူသံများကလည်း လှိုင်းထန်နေသည်။
YOU ARE READING
နတ်ဘုရားတို့ လျှောက်သောလမ်း Part-1
Fantasyသူက ရွာငယ်လေး တစ်ရွာမှာ အဘိုးဖြစ်သူနဲ့အတူ နေထိုင်တယ်။ သူ့ဘဝက သာမန် လူငယ်လေး တစ်ယောက်နဲ့ အတူတူပဲ။ ဒါပေမဲ့ သူ့အဘိုး ကွယ်လွန်သွားတော့ သူ့ဘဝက ရုတ်တရက် ပြောင်းလဲသွားတယ်။ သူ့ကို စောင့်ရှောက်မယ့်သူ ဘယ်သူမှ မရှိတော့တာကြောင့် ဘဝကို အမှီအခိုကင်းကင်းနဲ့ နေထိုင...