ရဲ့ချန်သည် အရေးအကြီးဆုံး အရာတစ်ခုကို မေ့လျော့နေခဲ့မှန်း မသိရှိပေ။ သိရသရွေ့ လီဟန်က သူ့ကို သံသယဝင်နိုင်သည်ဟု သူ မခန့်မှန်းမိသေးချေ။
ရဲ့ချန်က သူ၏အိမ်သို့ ပြန်ရောက်လာသည်။ " လင်းအာ... လင်းအာ... မင်းဘယ်မှာလဲ " ရဲ့ချန်က ဖူလန်လင်းကို အကြိမ် များစွာ အော်ခေါ်လိုက်သည်။
သို့သော် အိမ်ကြီးတစ်အိမ်လုံးက တိတ်ဆိတ်နေပြီး မည်သူမျှ သူ့ကို ပြန်မထူးပေ။ " သူက အိမ်ထဲမှာတော့ မဖြစ်နိုင်တော့ဘူး၊ နတ်သမီး တံခါးဝထဲမှာနဲ့ တူတယ် " ထို့နောက် ရဲ့ချန်ကလည်း နတ်သမီး တံခါးဝထဲသို့ ဝင်ရောက်လာသည်။
" ယွဲ့ချန်... နင် ဘယ်မှာလဲ " ရဲ့ချန်က ချူးယွဲ့ချန်ကို အော်ခေါ်လိုက်သည်။
ရဲ့ချန်က အချိန်အတန်ကြာအောင် စောင့်စားနေသည့်တိုင် ချူးယွဲ့ချန်က ပေါ်မလာပေ။ ယင်းက ပထမဆုံးအကြိမ် အဖြစ် ရဲ့ချန် ခေါ်ဆိုသောအခါ ချူးယွဲ့ချန်က ရောက်မလာခြင်းပင် ဖြစ်သည်။
ရဲ့ချန်သည် ချူးယွဲ့ချန်၏နာမည်ကို အကြိမ် များစွာ အော်ခေါ်လိုက်သည်။ သို့သော် ချူးယွဲ့ချန်ကတော့ ပေါ်မလာခဲ့ပေ။
" ဒီမိန်းကလေးက မယ်မယ်ရရ ဘယ်မှလည်း သွားတတ်တာ မဟုတ်ပါဘူး၊ ဘာဖြစ်လို့များ ပေါ်မလာရတာပါလိမ့် " ရဲ့ချန်က ချူးယွဲ့ချန်ကို လှည့်ပတ် ရှာဖွေလိုက်သည်။
ရဲ့ချန်က နတ်သမီး တံခါးထဲသို့ လျှောက်ချက် ရှာဖွေပြီးပြီ ဖြစ်သည်။ သို့တိုင်အောင် ချူးယွဲ့ချန်နှင့် ဖူလန်လင်းကို မည်သည့်နေရာတွင်မျှ ရှာ မတွေ့ချေ။
" နှစ်ယောက်စလုံး ဘယ်များ သွားနေကြပါလိမ့် " ရဲ့ချန်က ညည်းညူမိလိုက်၏။
ရဲ့ချန်သည် ချူးယွဲ့ချန်နှင့် ဖူလန်လင်းကို မည်သည့် နေရာတွင်မျှ ရှာ မတွေ့သောကြောင့် နတ်သမီး တံခါးဝ ပိုင်ရှင်၏ အခြေနေ အသေးစိတ် ဖော်ပြချက်များကို ကြည့်လိုက်သည်။
ဖူလန်လင်းနှင့် ယင်ယန်ကျင့်စဉ် လေ့ကျင့်ပြီးနောက် နတ်သမီး တံခါးဝက အဆင့် တက်သွားပြီဟု ခန့်မှန်းရသည်။ အဘယ်ကြောင့်ဆိုသော် နတ်သမီးတံခါးဝ၏ အော်ရာက ယခင်ထက် ပိုမို သန့်စင်နေသည် မဟုတ်ပါလား။
YOU ARE READING
နတ်ဘုရားတို့ လျှောက်သောလမ်း Part-1
Fantasyသူက ရွာငယ်လေး တစ်ရွာမှာ အဘိုးဖြစ်သူနဲ့အတူ နေထိုင်တယ်။ သူ့ဘဝက သာမန် လူငယ်လေး တစ်ယောက်နဲ့ အတူတူပဲ။ ဒါပေမဲ့ သူ့အဘိုး ကွယ်လွန်သွားတော့ သူ့ဘဝက ရုတ်တရက် ပြောင်းလဲသွားတယ်။ သူ့ကို စောင့်ရှောက်မယ့်သူ ဘယ်သူမှ မရှိတော့တာကြောင့် ဘဝကို အမှီအခိုကင်းကင်းနဲ့ နေထိုင...
