ရဲ့ချန်က အနားရောက်လာသောကြောင့် ချောင်ယမ်ယမ် နှင့် ယွိထန်တို့၏စကားများကို ကြားလိုက်ရ၏။
" နင့်ရဲ့ရည်းစား ရဲ့ချန်က ဒီကျောင်းရဲ့အလှဆုံး ဆရာမလေး လင်းရို့ချီနဲ့ ချိန်းတွေ့နေတယ်လို့ ငါကြားခဲ့ရတယ်၊ သူက နင့်ကို ပစ်သွားပြီနဲ့ တူပါတယ် " ယွိထန်က အပြုံးကလေးဖြင့် ချောင်ယမ်ယမ်ကို့ စကားနာထိုးလိုက်၏။
ယွိထန်က ချောင်ယမ်ယမ့်ကို သက်သက်မဲ့ အပူလာပေးခြင်း ဖြစ်၏။ သို့မှသာ ရဲ့ချန် နှင့် ချောင်ယမ်ယမ်တို့၏ဆက်ဆံရေးက ပျက်သွားမည် ဖြစ်၏။ ရဲ့ချန်က သူမထက်သာသော မိန်းကလေးတစ်ယောက် ရသွားသည့်အဖြစ်ကို ကြည့်ရင်း ယွိထန် လုံးဝ မနာလို မရှူစိမ့်ဖြစ်နေ၏။
" အဲ့ဒါက ဘာဖြစ်လို့လဲ၊ ဆရာမလင်းရို့ချီကို ငါ့ရဲ့အမရင်းတစ်ယောက်လို သတ်မှတ်ပြီးသား၊ ငါတို့က ညီအမတွေ ဖြစ်သွားမယ်ဆိုရင် အဲ့ဒါက ဘယ်လိုပြောရမလဲ၊ ကောင်းတာပေါ့ " ချောင်ယမ်ယမ်က ယွိထန်၏တောင်စဉ်ရေမရ စကားများကို လုံးဝ စိတ်မဆိုးချေ။ ချောင်ယမ်ယမ်က တွေးတောဆင်ခြင်တတ်သော မိန်းကလေးတစ်ယောက် ဖြစ်သည်။ ယွိထန် ဤသို့ ပြောနေသော ရည်ရွယ်ချက်က ရဲ့ချန် နှင့် သူမတို့ကို သွေးခွဲလိုခြင်း ဖြစ်ကြောင်း သူမ သိသည်။
ကံမကောင်းစွာ ယွိထန်က ချောင်ယမ်ယမ်၏သဘောထားကို မသိချေ။ အစကတည်းက ချောင်ယမ်ယမ်က လင်းရို့ချီကို ရဲ့ချန်၏မိန်းမ ဖြစ်လာစေရန် ဆန္ဒရှိနေသည် မဟုတ်ပါလား။
" နင် ဘယ်လိုဖြစ်နေတာလဲ၊ နင့်ရည်းစားက ဒီလို တခြားမိန်းမတစ်ယောက်နဲ့ ချိန်းတွေ့နေတာကို ဘာဖြစ်လို့ ဒေါသမထွက်တာလဲ " ဤအစီအစဉ်က အလုပ်မဖြစ်သောကြောင့် ယွိထန်တစ်ယောက် ချောင်ယမ်ယမ်ကို ဒေါသထွက်သွားပြီ ဖြစ်၏။
ထိုစကားများကို ကြားရသည်တွင် ချောင်ယမ်ယမ်က ယွိထန်၏မေးခွန်းများကို အဖြေမပေးဘဲ ပြုံးရုံသာ ပြုံးနေသည်။
ယွိထန်၏တစ်ဖက်တွင် ဟူဂျီက နတ်ဖုရားမလေးလို လှပသော ချောင်ယမ်ယမ့်ကို ကြည့်ပြီး သွားရည်ယိုနေသည်။
" ချောင်ယမ်ယမ် အဲ့ဒီ့ကောင်က လူဆင်းရဲတစ်ယောက်ဆိုတာ မမေ့ပါနဲ့၊ ငါ့မိန်းမ လုပ်တာကမှ ပိုကောင်းဦးမယ် " ဟူဂျီသည် ချောင်ယမ်ယမ့်ကို သူ၏မိန်းမ လုပ်ရန် အရှက်မဲ့စွာ ပြောလိုက်၏။
YOU ARE READING
နတ်ဘုရားတို့ လျှောက်သောလမ်း Part-1
Fantasyသူက ရွာငယ်လေး တစ်ရွာမှာ အဘိုးဖြစ်သူနဲ့အတူ နေထိုင်တယ်။ သူ့ဘဝက သာမန် လူငယ်လေး တစ်ယောက်နဲ့ အတူတူပဲ။ ဒါပေမဲ့ သူ့အဘိုး ကွယ်လွန်သွားတော့ သူ့ဘဝက ရုတ်တရက် ပြောင်းလဲသွားတယ်။ သူ့ကို စောင့်ရှောက်မယ့်သူ ဘယ်သူမှ မရှိတော့တာကြောင့် ဘဝကို အမှီအခိုကင်းကင်းနဲ့ နေထိုင...
