နတ်ဘုရားတို့ လျှောက်သောလမ်း Part-1

အခန်း (၃၈) ယင်ယန် ကျင့်ကြံခင်း (R18)

ရဲ့ချန်က ချောင်ယမ်ယမ့်ကို သူနေသောဟိုတယ်ဆီသို့ ခေါ်သွားဖို့ ဆုံးဖြတ်လိုက်သည်။ ဤအခြေအနေဖြင့် ကျောင်းသို့လည်း ပြန်မသွားလိုတော့ပေ။

ပထမဆုံးအနေနှင့် ချောင်ယမ်ယမ်ကို စိတ်အေးချမ်းသွားအောင် ဖြစ်စေဖို့က သူနေသောဟိုတယ်ကလွဲလျှင် တခြားနေရာကို သူမစဉ်းစားနိုင်သေးပေ။

ချောင်ယမ်ယမ်က ဤကဲ့သို့ ပျံသန်းနေရင်း အောက်ဘက်မှရှုခင်းများကို ကြည့်ရသည်က သူမအတွက် ပထမဆုံးအတွေ့အကြုံပင် ဖြစ်သည်။ ဤကား လေယာဉ်နှင့်မဟုတ်ဘဲ ရဲ့ချန်​၏ရင်ခွင်ထဲ၌ ပျံသန်းနေရခြင်း ဖြစ်သည်။

ချောင်ယမ်ယမ်က ဤသို့ လူတွေပျံသန်းနေသည့်ဖြစ်စဉ်အား ရုပ်ရှင်တွေ၊ ဗီဒီယိုတွေထဲမှာသာ မြင်ဖူးခဲ့သည်။ သို့သော် တကယ့်အစစ်အမှန်ဘဝ၌ ထိုအတွေ့အကြုံကို ခံစားရလိမ့်မည်ဟု စဉ်းတောင် မစဉ်းစားဖူးပေ။ ရဲ့ချန်ကို စူပါမန်းလားဟုတောင် မေးချင်စိတ်ပေါက်သွားရသည်။

ငါးမီးနစ်လောက် ပျံသန်းလာခဲ့ပြီး ရဲ့ချန်တို့နှစ်ယောက်စလုံး ဟိုတယ်ပြတင်းပေါက်မှနေ၍ အခန်းထဲသို့ ရောက်လာကြသည်။

" ရဲ့ချန် နင့်မှာ လျှို့ဝှက်ချက်တွေ ဘယ်လောက်များများတောင် ရှိနေတာလဲ " ချောင်ယမ်ယမ်က မေးလိုက်သည်။

ရဲ့ချန် " ယမ်ယမ် ငါ့မှာ အဲ့ဒါနဲ့ပတ်သက်ပြီး မင်းကို ဖုံးကွယ်ထားချင်တဲ့စိတ် မရှိပါဘူးဟာ။ ဒါပေမယ့် မင်းလက်မခံနိုင်ဖြစ်မှာကို ငါစိုးရိမ်တယ်လေ "

" မပြောတော့နဲ့။ ငါ အဲ့ဒါကို ကြိုက်တယ်။ နင်ကဘာပဲဖြစ်နေနေ ငါ သေချာပေါက် လက်ခံနိုင်တယ် " ချောင်ယမ်ယမ်က ပြောလိုက်သည်။

ချောင်ယမ်ယမ်​၏စကားတွေက ရဲ့ချန်​၏နှလုံးသားထဲ နွေးထွေးသွားစေသည်။ ရဲ့ချန်က ချောင်ယမ်ယမ်​၏လက်ကလေးကို ဆွဲယူလိုက်ပြီး သူ​၏လက်နှစ်ဘက်ဖြင့် ဆုပ်ကိုင်ထားလိုက်သည်။ " ယမ်ယမ် ငါလည်း မင်းဘာပဲဖြစ်နေနေ သေချာပေါက် လက်ခံပါတယ်ကွာ "

သူတို့နှစ်ဦးစလုံး​၏အကြည့်တွေက ဆုံစည်းမိလိုက်ကြသည်။ ရဲ့ချန်က မျက်လုံးရွေ့၍ ချောင်ယမ်ယမ်​၏ ချယ်ရီရောင် နုတ်ခမ်းဖျားလေးကို မြတ်မြတ်နိုးနိုး ငေးကြည့်လိုက်ပြီး ထိုနုတ်ခမ်းလေးဆီသို့ တဖြည်းဖြည်း တိုးကပ်သွားတော့သည်။