" ဦးလေးခွန်... ကျုပ်ပေးထားတဲ့ မိန်းကလေးရဲ့ဓာတ်ပုံရော ဘယ်လိုလဲ။ အဲ့ထဲက မိန်းကလေးကို သဘောကျရဲ့လား " မိန်းမနှစ်သက်တတ်သော သုခွန်၏ဝါသနာကို သုယောင် သိပါသည်။ ထို့ကြောင့် သုယောင်က သူ့ဦးလေးအတွက် လျှို့ယွဲ့အား လက်ဆောင်အဖြစ်ပေးရန် ရည်ရွယ်ထားခဲ့သည်။
သုယောင်၏အဓိကတာဝန်က သူတို့ဂိုဏ်းအတွက် ဘဏ္ဍာငွေ ရှာဖွေရန်ပဲ ဖြစ်သည်။ လျှို့ကုမ္မဏီ၏ငွေများဖြင့်ဆိုလျှင် သူတို့ဂိုဏ်း၏ကျင့်ကြံမှုအဆင့်များကို အလျင်အမြန်တိုးတက်လာစေရန် ဆေးပင်များဝယ်ရာတွင် လုံလောက်ပြီ ဖြစ်သည်။
သုယောင်က ပိုင်ချုံးနှင့် ပိုင်ဆန်ကို ဂရုစိုက်ခြင်း အလျင်းမရှိခဲ့ပေ။ သူ့အတွက်က ထိုသားအဖနှစ်ယောက်ဟာ ကစားစရာ အရုပ်တစ်ရုပ်ထက် မပိုပေ။ သူတို့ဟာ သုယောင်၏ ကြိုးဆွဲရာ က,ခဲ့ရသော ရုပ်သေးရုပ်များပမာ ဖြစ်ခဲ့ရ၏ ။ လျှို့ကုမ္မဏီကို ချုပ်ထိန်း ရယူမည့် သူ၏အစီအစဉ် အောင်မြင်သည်နှင့် သုယောင်က ထိုသားအဖနှစ်ယောက်ကို လက်စဖျောက်ဖို့ ကြံစည်းထားပြီးပြီ ဖြစ်သည်။
" ဟုတ်တယ် ညီလေး... မင်းပို့လိုက်တဲ့ ဓာတ်ပုံထဲက ကောင်မလေးကို ငါအရမ်းကြိုက်တယ်။ အခု ဒီနေရာမှ အရမ်းလှတဲ့ကောင်မလေးတွေကိုလည်း ငါ မြင်နေရသေးတယ်လေ။ ဟီး... ငါက ဘာဖြစ်လို့ မကျေနပ်ရမှာလဲ " သုခွန်က ကြမ်းပြင်ပေါ်တွင် လဲကျနေသော လော့ဘင်အား ရွံစရာကောင်းသောအကြည့်ဖြင့် ကြည့်နေလေတော့သည်။
လော့ဘင်က ထိုသက်လတ်ပိုင်းအရွယ်လူကြီးကို အလွန်တရာ စက်ဆုပ်ရွံရှာနေသည်။ သူမ ကြမ်းပြင်ပေါ်မှ ထရပ်ရန် ကြိုးစားလိုက်သည်။ သို့သော် စိတ်သာဆောင်နေပြီး ခန္ဓာကိုယ်ကတော့ မလှုပ်ရှားနိုင်ပေ။ လော့ဘင်လည်း ကိုယ့်အခြေအနေကို ကိုယ်သတိပြုမိလိုက်ပြီး ထွက်ပြေးဖို့ ကြိုးစားလိုက်သည်။ သုခွန်၏အဆိပ်က ထိုမျှ မြန်မြန်ဆန်ဆန် အလုပ်လုပ်လိမ့်မည်ဟု သူမ လုံးဝ မျှော်လင့်မထားပေ။
" ဦးလေးက ဒီမိန်းကလေးကို ကြိုက်တယ်ဆိုတော့ ကျုပ်လည်း ဝမ်းသာပါတယ်ဗျာ။ ဒါပေမယ့် ကျုပ်အတွက် လက်ဆောင်တစ်ခုလောက်တော့ ပေးဖို့ မမေ့ပါနဲ့နော် " သုယောင်က သုခွန်ဆီမှ လက်ဆောင်ရရှိရန် မစောင့်နိုင်တော့လောက်အောင် ဖြစ်နေသည်။
YOU ARE READING
နတ်ဘုရားတို့ လျှောက်သောလမ်း Part-1
Fantasyသူက ရွာငယ်လေး တစ်ရွာမှာ အဘိုးဖြစ်သူနဲ့အတူ နေထိုင်တယ်။ သူ့ဘဝက သာမန် လူငယ်လေး တစ်ယောက်နဲ့ အတူတူပဲ။ ဒါပေမဲ့ သူ့အဘိုး ကွယ်လွန်သွားတော့ သူ့ဘဝက ရုတ်တရက် ပြောင်းလဲသွားတယ်။ သူ့ကို စောင့်ရှောက်မယ့်သူ ဘယ်သူမှ မရှိတော့တာကြောင့် ဘဝကို အမှီအခိုကင်းကင်းနဲ့ နေထိုင...
