" ဒါဆို ဟူဂျီရဲ့အကိုရင်းက အမရို့ချီကို ပိုးပန်းနေတဲ့သူပေါ့ " ထိုသတင်းကို ချောင်ယမ်ယမ်လည်း ယခုမှ သိပုံပေါ်သည်။
" ငါလည်း သေချာမသိဘူး " ရဲ့ချန်ကလည်း သူတို့က ညီအကိုအရင်းလော ဝမ်းကွဲလော ရေရာစွာ မသိပေ။ သူက ယနေ့အဖြစ်အပျက်အပေါ် အခြေခံ၍ ထင်မြင်ချက် ပေးလိုက်ခြင်းသာ ဖြစ်သည်။
ချောင်ယမ်ယမ်က ခေါင်းညိတ်ပြသည်။
ထို့နောက် ရဲ့ချန် နှင့် ချောင်ယမ်ယမ်တို့သည် စံအိမ်ကြီး၏ရှေ့သို့ ရောက်လာကြ၏။ ရဲ့ချန်က အရင်ဆုံး ကားကို ပါကင်ထိုးပြီး ချောင်ယမ်ယမ်နှင့်အတူ အိမ်ထဲသို့ လျှောက်လာသည်။
သူတို့နှစ်ယောက်စလုံး အိမ်ထဲသို့ ရောက်လာသောအခါ တစ်အိမ်လုံး သန့်ရှင်းတောင်ပြောင် နေသည်ကို မြင်လိုက်ရ၏။ ယင်းက သူတို့ မနက်က ထွက်လာသော အခြေအနေနှင့် လားလားမျှ မဆိုင်တော့ချေ။
" အကိုကြီး ရဲ့ချန်၊ အမ ယမ်ယမ် အိမ်ပြန်လာပြီလား " ရှောင်လုလုက မျက်နှာဖုံးတစ်ခု ဝတ်ဆင်ထားပြီး သန့်ရှင်းရေးကိရိယာများ ကိုင်ကာ သန့်ရှင်းရေး လုပ်နေခြင်း ဖြစ်၏။
" ငါတို့ ပြန်လာပြီ " ရဲ့ချန် နှင့် ချောင်ယမ်ယမ်တို့က ပြိုင်တူ ဖြေလိုက်သည်။
ရဲ့ချန်သည် ဆိုဖာဆီသို့ လျှောက်သွားပြီ လှဲချလိုက်၏။ ချောင်ယမ်ယမ်ကတော့ အဝတ်စားလဲရန် အပေါ်ထပ်သို့ တက်သွားသည်။
" လုလု လျှို့ယွဲ့ နဲ့ ဖူလန်လင်းရော " ရဲ့ချန်က မေးလိုက်၏။
" သူတို့ နောက်ဘက်ခြံဝင်းထဲမှာ " ရှောင်လုလုက လျှို့ယွဲ့ နှင့် ဖူလန်လင်းတို့ရှိသော နေရာကို ချက်ချင်း ဖြေကြားလိုက်သည်။
ရဲ့ချန်သည် ခြံနောက်ဘေးတွင် လျှို့ယွဲ့ နှင့် ဖူလန်လင်းတို့ မည်သည့်အရာများ ပြုလုပ်နေမှန်း သိချင်စိတ် ဖြစ်လာ၏။
ရဲ့ချန် ခြံနောက်ဘေးသို့ ရောက်ရှိလာသောအခါ သူမတို့နှစ်ဦးက သိုင်းလေ့ကျင့်နေကြောင်း မြင်လိုက်ရ၏။
လျှို့ယွဲ့က ဖူလန်လင်းကို လက်ဝါးနှစ်ဖက်ဖြင့် အဆက်မပြတ် တိုက်ခိုက်နေသည်။
YOU ARE READING
နတ်ဘုရားတို့ လျှောက်သောလမ်း Part-1
Fantasyသူက ရွာငယ်လေး တစ်ရွာမှာ အဘိုးဖြစ်သူနဲ့အတူ နေထိုင်တယ်။ သူ့ဘဝက သာမန် လူငယ်လေး တစ်ယောက်နဲ့ အတူတူပဲ။ ဒါပေမဲ့ သူ့အဘိုး ကွယ်လွန်သွားတော့ သူ့ဘဝက ရုတ်တရက် ပြောင်းလဲသွားတယ်။ သူ့ကို စောင့်ရှောက်မယ့်သူ ဘယ်သူမှ မရှိတော့တာကြောင့် ဘဝကို အမှီအခိုကင်းကင်းနဲ့ နေထိုင...