ရဲ့ချန်က ရှားချင်ယုကို ခေါ်ပြီး ကုမ္ပဏီသို့ ပြန်လာခဲ့သည်။
ကားထဲတွင် ရှားချင်ယုက ရဲ့ချန်ကို စပ်စပ်စုစုဖြင့် စိုက်ကြည့်နေသည်။ ရဲ့ချန်က အမှန်တကယ် မည်သူမှန်း သူမသိလိုသည်။ ထိုလူက ကြယ်နီအဆောက်အဦး ပိုင်ရှင်ကိုပင် ထိတ်လန့်သွားအောင် ပြုလုပ်နိုင်စွမ်း ရှိသည် မဟုတ်လား။
သို့သော် အခြေအနေက ယခင်ကအတိုင်း အတူတူပင် ဖြစ်၏။ ရှားချင်ယုက ရဲ့ချန်ကို စကားတစ်ခွန်းမျှပင် မပြောချေ။
ရဲ့ချန်သည်လည်း ရှားချင်ယု၏ အပျိုစင်ယင်ချီများကို အာရုံစိုက်ပြီး စုပ်ယူနေခဲ့သည်။
နောက်ဆုံးတော့ ရဲ့ချန် နှင့် ရှားချင်ယုတို့သည် ကုမ္ပဏီသို့ ပြန်ရောက်လာပြီ ဖြစ်၏။
" ကိစ္စတစ်စုံတရာ ရှိရင် ဆက်သွယ်ဖို့ ကျွန်မကို ဖုန်းနံပါတ်ပေးထားခဲ့ " ရှားချင်ယုက ရဲ့ချန်၏ဖုန်းနံပါတ်ကို တောင်းယူလိုက်သည်။
ရဲ့ချန်ကလည်း သူ၏ဖုန်းနံပါတ်ကို ရွတ်ပြလိုက်သည်။
" ရှင့်ရဲ့တာဝန် ပြီးပြီ၊ ရှင် အခု အိပ်ပြန်ချင်ရင် ပြန်လိုရပြီ " ဖုန်းနံပါတ်များ ဖလှယ်ပြီးနောက် ရှားချင်ယုက သူမ၏အခန်းထဲသို့ ချက်ချင်း ပြန်ဝင်သွားသည်။
ရှားချင်ယု အနားသို့ ကပ်ရန် အတော်လေး ခက်ခက်ခဲခဲ ဖြစ်နေပုံကို မြင်ပြီး ရဲ့ချန်တစ်ယောက် အနည်းငယ် စိတ်အလိုမကျ ဖြစ်သွား၏။
သို့သော် သူ၏ကုမ္ပဏီသို့ အလည်အပတ်လာခြင်းက ဤမျှသာ ဖြစ်၍ ရဲ့ချန် အိမ်သို့ ပြန်လှည့်လာခဲ့သည်။
ယနေ့နံနက်ခင်းမှ စပြီး ယခုချိန်ထိ သူ့ကို လူတစ်ယောက်က စောင့်ကြည့်နေသည်ဟု ရဲ့ချန် ခံစားနေရ၏။ ရဲ့ချန်သည် သူ့ကို စောင့်ကြည့်နေသောသူကလည်း ကျင့်ကြံသူတစ်ဦးဖြစ်မှန်း သတိထားမိသည်။ ကံမကောင်းစွာပင် သူ၏အဆင့်က အလွန်တရာ နိမ့်ကျနေသည်။ ထိုလူသည် စိတ်ဝိညာဉ် တည်ထောင်ခြင်းနယ်ပယ် အစောပိုင်းအဆင့်မျှသာ ရှိသော ကျင့်ကြံသူတစ်ဦးပင် ဖြစ်၏။
ရဲ့ချန်သည် မနက်က လော့ဘင် ပြောပြခဲ့သော စကားများကို ပြန်လည် အမှတ်ရလာသည်။ ယွင်မိသားစုက ယွင်ဟောက် သေဆုံးမှုကို စုံစမ်းစစ်ဆေးရန် လူတစ်ယောက် လွှတ်လိုက်သည် မဟုတ်ပါလား။ ထို့ကြောင့် စောင့်ကြည့်နေသောသူ၏ ပစ်မှတ်က သူဖြစ်နေပုံ ပေါ်၏။
YOU ARE READING
နတ်ဘုရားတို့ လျှောက်သောလမ်း Part-1
Fantasyသူက ရွာငယ်လေး တစ်ရွာမှာ အဘိုးဖြစ်သူနဲ့အတူ နေထိုင်တယ်။ သူ့ဘဝက သာမန် လူငယ်လေး တစ်ယောက်နဲ့ အတူတူပဲ။ ဒါပေမဲ့ သူ့အဘိုး ကွယ်လွန်သွားတော့ သူ့ဘဝက ရုတ်တရက် ပြောင်းလဲသွားတယ်။ သူ့ကို စောင့်ရှောက်မယ့်သူ ဘယ်သူမှ မရှိတော့တာကြောင့် ဘဝကို အမှီအခိုကင်းကင်းနဲ့ နေထိုင...