လော့ဘင်သည် ပေါင်မန်၏လက်သီးချက်ကို ချက်ချင်း ခုန်ရှောင်လိုက်သည်။ ရုပ်ပိုင်းဆိုင်ရာ ခန္ဓာကိုယ်ချင်း ယှဉ်လျှင် သူမ မနိုင်ကြောင်း လော့ဘင် သိသည်။
" ဟဟဟ မိန်းမချောလေး၊ မင်း ဘယ်တွေကို ပတ်ပြေးနေတာလဲ၊ မင်းက ငါ့ရဲ့ကျွန် ဖြစ်မယ်ဆိုတာ ဇာတာပါလာပြီသား " ပေါင်မန်သည် လော့ဘင်ကို ငဲ့ညှာမှု မရှိဘဲ အဆက်မပြတ် တိုက်ခိုက်တော့၏။
ပေါင်မန်က မြေကြီးနယ်ပယ် အဆင့် ၅ ကျင့်ကြံသူတစ်ဦး ဖြစ်၏။ လောလောဆယ် လော့ဘင်က မြေကြီးနယ်ပယ် အဆင့် ၄ ကျင့်ကြံသူ တစ်ဦးသာ ဖြစ်၏။ သူတို့နှစ်ဦးအကြားက အစွမ်းသည် အနည်းငယ် ကွာဟ နေသေး၏။
ပေါင်မန်၏လက်ဝါးသည် လော့ဘင်ဆီသို့ အလင်းတန်းတစ်ခုနှယ် တိုးဝင်သွား၏။
" ရေခဲဒိုင်း ... " လော့ဘင်က ရေခဲဒိုင်းတစ်ခုကိ ဖန်တီးပြီး ပေါင်မန်၏တိုက်ခိုက်မှုကို ချက်ချင်း ခုခံလိုက်သည်။
" ဖောင်း ... ဖောင်း ... ဖောင်း ... ဖောင်း ... "
ပေါင်မန်၏လျှပ်စီးအလင်းများသည် လော့ဘင်၏ရေခဲဒိုင်းကို အကြိမ်များစွာ ရိုက်ခတ်မိသောကြောင့် ပေါက်ကွဲသံများ ပွက်လောရိုက်သွားသည်။
ထိုပေါက်ကွဲချက်များကြောင့် လော့ဘင်၏ရေခဲဒိုင်းက စတင် ကွဲအက်လာပြီ ဖြစ်သည်။ " ခရက် ... ခရက် ... ခရက် ... ခရက် ... " ဒိုင်းကာကို ဆက်လက် ထိန်းမထားနိုင်တော့မှန်း သိ၍ လော့ဘင်သည် နောက်သို့ ဆုတ်လိုက်ရတော့၏။
" ဘမ်း ... " လော့ဘင်၏ရေခဲဒိုင်းက လုံးဝ ကွဲကြေသွားပြီ ဖြစ်သည်။
" ဟီဟီဟီ အစောက မင်းရဲ့မာနတွေ ဘယ်ရောက်သွားပြီလဲ " ပေါင်မန်က လော့ဘင်ကို ကြည့်ပြီး လှောင်ပြောင်လိုက်သည်။
လော့ဘင်က ပေါင်မန့်ကို အေးစက်စက် အကြည့်တစ်ခုဖြင့် စိုက်ကြည့်နေသည်။ အခန်းတွင်း အပူရှိန်က ရုတ်တရက် ကျဆင်းသွားသည်။ အခန်းထဲက သံကြိုးဖြင့် တုပ်နှောင်ခံထားရသော မိန်းကလေးများသည်လည်း အပူရှိန် ရုတ်တရက် ကျဆင်းမှုကြောင့် ခိုက်ခိုက်တုန် သွားတော့သည်။
YOU ARE READING
နတ်ဘုရားတို့ လျှောက်သောလမ်း Part-1
Fantasyသူက ရွာငယ်လေး တစ်ရွာမှာ အဘိုးဖြစ်သူနဲ့အတူ နေထိုင်တယ်။ သူ့ဘဝက သာမန် လူငယ်လေး တစ်ယောက်နဲ့ အတူတူပဲ။ ဒါပေမဲ့ သူ့အဘိုး ကွယ်လွန်သွားတော့ သူ့ဘဝက ရုတ်တရက် ပြောင်းလဲသွားတယ်။ သူ့ကို စောင့်ရှောက်မယ့်သူ ဘယ်သူမှ မရှိတော့တာကြောင့် ဘဝကို အမှီအခိုကင်းကင်းနဲ့ နေထိုင...