" ချင်းကျူ ညည်း အိမ်ထဲမှာလား " တံခါးအပြင်ဘက်က အမျိုးသမီးတစ်ဦးက လှမ်းမေးလိုက်သည်။
ထို့နောက် သက်လတ်ပိုင်းအရွယ် အမျိုးသမီးတစ်ဦးက အိမ်ထဲဝင်လာသည်။ ထိုအမျိုးသမီး၏အသက်က အနည်းဆုံး ၄၀၊ ၄၁ နှစ်ခန့် ရှိပြီး ခေါင်းပေါ်က ဆံပင်အချို့ပင် အဖြူရောင်အဖြစ်သို့ စတင် ပြောင်းလဲနေပြီ ဖြစ်သည်။
" အမေ ပြန်လာပြီလား " လီချင်းကျူက ချက်ချင်း မတ်တပ်ရပ်ပြီး ပြန်လာသော အမေကို ကြိုဆိုလိုက်၏။
လီချင်းကျူ၏မိခင် နာမည်က ရှုမိန် ဖြစ်သည်။ သူမသည် အနီးအနားက စက်ရုံတစ်ခုတွင် အလုပ်လုပ်၏။ သူမ၏လစာက တစ်လလျှင် ဒေါ်လာ ၁၀၀၀ မျှသာ ရရှိ၏။ ယင်းလစာသည် သူမ နှင့် သမီးဖြစ်သူတို့အတွက် တစ်လစာ စားလောက်ရုံမျှသာ လုံလောက်၏။
ထို့ကြောင့် ဤသားအမိနှစ်ယောက်က ကျိဟောင်၏အကြွေးများကို ပြန်ဆပ်ရန် ခက်ခဲနေရခြင်း ဖြစ်သည်။
" ချင်းကျူ ညည်း ဒီနေ့ အလုပ်မသွားဘူးလား၊ ဘာဖြစ်လို့ အိမ်ကို အစောကြီး ပြန်ရောက်နေတာလဲ " လီချင်းကျူက ပုံမှန်ထက် စောလျှင်စွာ ပြန်ရောက်လာသောကြောင့် ရှုမိန်က မေးလိုက်သည်။
" အမေ ဒီနေ့ ကျိဟောင်က သူ့ရဲ့အကြွေးတွေ ပြန်ဆပ်ခိုင်းဖို့ သမီးဆီ ရောက်လာတယ်၊ အဲဒါကြောင့် သမီ အစောကြီး ပြန်လာတာ " လီချင်ကျူက ယနေ့ ဖြစ်ပျက်ခဲ့သမျှကို ပြန်လည် ရှင်းပြလိုက်သည်။
" သမီး အဆင်ပြေရဲ့လား " ရှုမိန်က သမီးဖြစ်သူ၏အခြေအနေကို စိုးရိမ်တကြီး မေးမြန်းလိုက်သည်။
" ဟင့်အင်း သမီး အဆင်ပြေပါတယ် " လီချင်းကျူ သူမ၏မိခင်ကို စိုးရိမ်မှု မရှိစေရန် အလျင်အမြန် ဖြေပေးလိုက်ရသည်။
" ဟင် ချင်းကျူ၊ ဒီကောင်လေးက ဘယ်သူလဲ " သူမ၏အိမ်ထဲတွင် ယောက်ျားလေးတစ်ယောက် ရောက်နေသည်ကို ကြည့်ရင်း ရှုမိန်၏လေသံက အနည်းငယ် သဘောမကျ ဖြစ်သွားသည်။ ထိုလူငယ်လေးက ချောတော့ အတော်ချောသည်။ ထို့ကြောင့် ရှုမိန်အတွက် ထိုလူငယ်လေး နှင့် သမီးဖြစ်သူတို့၏ ဆက်ဆံရေးက မည်သို့ရှိမှန်း မေးမြန်းရန် လိုလာပြီ ဖြစ်သည်။
YOU ARE READING
နတ်ဘုရားတို့ လျှောက်သောလမ်း Part-1
Fantasyသူက ရွာငယ်လေး တစ်ရွာမှာ အဘိုးဖြစ်သူနဲ့အတူ နေထိုင်တယ်။ သူ့ဘဝက သာမန် လူငယ်လေး တစ်ယောက်နဲ့ အတူတူပဲ။ ဒါပေမဲ့ သူ့အဘိုး ကွယ်လွန်သွားတော့ သူ့ဘဝက ရုတ်တရက် ပြောင်းလဲသွားတယ်။ သူ့ကို စောင့်ရှောက်မယ့်သူ ဘယ်သူမှ မရှိတော့တာကြောင့် ဘဝကို အမှီအခိုကင်းကင်းနဲ့ နေထိုင...
