Super God Gene (341)
နတ်ဘုရားကမ္ဘာက ဟန်ဆန်း
ဆောင်းသစ်(သံတွဲ) ဘာသာပြန်သည်။
-------- --------- -------- ------- --------
အခန်း (၃၄၁)
-------- --------- -------- ------- --------
မစ္စတာရှီဟာ
ဟန်ဆန်းရဲ့ စကားကြောင့် မျက်မှောင်ကြုတ်သွားပါတယ်။ ပထမနတ်ဘုရားကမ္ဘာက ထွတ်မြတ်သွေးသားရဲဝိဉာဉ်တွေဟာ ရှားပါးတာမှန်သော်လည်း ပထမနတ်ဘုရားကမ္ဘာက ထွတ်မြတ်သွေးသားရဲဝိဉာဉ် တန်ဖိုးနဲ့ ဒုတိယနတ်ဘုရားကမ္ဘာက ထွတ်မြတ်သွေးသားရဲဝိဉာဉ်တန်ဖိုးဟာ သုံးဆတဆကွာပါတယ်။ လက်ရှိပေါက်ဈေးအရ ဒုတိယနတ်ဘုရားကမ္ဘာက သားရဲဝိဉာဉ်တကောင်ရဲ့ တန်ဖိုးဟာ ပထမနတ်ဘုရားကမ္ဘာကသားရဲဝိဉာဉ်သုံးကောင်ရဲ့ တန်ဖိုးနဲ့ ညီပါတယ်။
နီလာရဲတိုက်မှာ
ထွတ်မြတ်သွေးသားရဲဝိဉာဉ် ချပ်ဝတ်တန်ဆာနဲ့ ယာဉ်ဟာ အကောင်းဆုံးစာရင်း မဝင်သော်လည်း ထိုသားရဲဝိဉာဉ်နှစ်ကောင်ကို ပထမနတ်ဘုရားကမ္ဘာက သားရဲဝိဉာဉ်ခြောက်ကောင်နဲ့တောင် အလဲအလှယ် မလုပ်နိုင်ပါ။ ဒါပေမဲ့ ဟန်ဆန်းက ဒီသားရဲဝိဉာဉ်နှစ်ကောင်အတွက် ပထမနတ်ဘုရားကမ္ဘာက သားရဲဝိဉာဉ်သုံးကောင်ကိုသာ သုံးချင်နေပါတယ်။ မစ္စတာရှီဟာ နှာခေါင်းရှုံ့လိုက်ပါတယ်။
"ကျနော်တို့ကို သားရဲဝိဉာဉ်တွေ ပြပေးနိုင်မလား....။''
ယန်ဇီခွန်းက ပြုံးပြီး ပြောလိုက်ပါတယ်။
-------- --------- -------- ------- --------
ဟန်ဆန်းဟာ
အသွားသုံးဖက်မှိန်းကို ဆင့်ခေါ်ပြီး ဝှေ့ယမ်းကာ ပြောလိုက်ပါတယ်။
"အသွားသုံးဖက်မှိန်းကိုတော့ မင်းမှတ်မိမယ်ထင်တယ်...။ ဒီမှိန်းကို လေလံပွဲတခုမှာ ဟွမ်ဖူဖင်ချင် ပြခဲ့သေးတယ်...။ ထွတ်မြတ်သွေးလက်နက်တွေထဲမှာတော့ အတော်လေးထက်တယ်လို့ ပြောရမယ်...။''
-------- --------- -------- ------- --------
မစ္စတာရှီဟာ
အံ့အားသင့်သွားပါတယ်။ သူဟာ ဒီမှိန်းအကြောင်း ကြားဖူးပါတယ်။ တကယ်တော့ သူတို့ဟာ အဲရင့်သိုင်းခန်းမနဲ့ စီးပွားရေးလုပ်ငန်းများစွာ လုပ်ဖူးပါတယ်။ ဒီမှိန်းအကြောင်းပြောမယ်ဆိုရင် ထက်တယ်ဆိုတာလောက်နဲ့ မလုံလောက်ပါ။ ဒီမှိန်းဟာ ပထမနတ်ဘုရားကမ္ဘာရဲ့ အထက်ဆုံးလက်နက်တွေထဲက တခုပါ။
ဟန်ဆန်းပထမဆုံးထုတ်ပြတဲ့
သားရဲဝိဉာဉ်ဟာ အသွားသုံးဖက်မှိန်းဖြစ်လိမ့်မယ်လို့မစ္စတာရှီ မထင်ခဲ့ပါ။ ဒီမှိန်းဟာ ပထမတန်းစား ထွတ်မြတ်သွေးသားရဲဝိဉာဉ်လက်နက် ဖြစ်ပါတယ်။ သာမန်အားဖြင့် ပြောရရင် ဒီမှိန်းဟာ ဘယ်သူမှ လက်လွှတ်မခံချင်တဲ့ မှိန်းပါ။
-------- --------- -------- ------- --------
"အကိုဟန်...၊ ဒီမှိန်းကို တကယ်ရောင်းမှာလား...။''
YOU ARE READING
နတ်ဘုရားကမ္ဘာက ဟန်ဆန်း ( အတွဲ ၁) ( Ch 1 - 960)(ခွင့်ပြုချက်ရပြီး)
Adventureနတ်ဘုရားကမ္ဘာမိတ်ဆက် အချိန်ခရီးသွားခေတ်မှာ လူသားတွေဟာ တယ်လီပို့နည်းပညာကို တီတွင်နိုင်ခဲ့တယ်။ ဒါပေမဲ့ တယ်လီပို့နည်းပညာနဲ့ တကယ်တမ်း အချိန်ခရီးသွားခဲ့တဲ့အခါမှာတော့ လူသားတွေဟာ အနာဂတ်ကိုလဲ မရောက်ခဲ့သလို အတိတ်ကိုလဲ မရောက်ခဲ့ပါဘူး။ သူတို့ တကယ်ရောက်ခဲ့တာက အ...
