Super God Gene (696)
နတ်ဘုရားကမ္ဘာက ဟန်ဆန်း
ဆောင်းသစ်(သံတွဲ) ဘာသာပြန်သည်။
-------- --------- -------- ------- --------
အခန်း (၆၉၆)
-------- --------- -------- ------- --------
"သူငယ်ချင်း...၊ ငါ မင်းကို ကူညီတာလေ...။''
ဟန်ဆန်းက ဖီးလစ်ကို ပြုံးပြီး ပြောလိုက်တယ်။ ဒါပေမဲ့ ဖီးလစ်က သူ့ကို စိတ်ပျက်လက်ပျက် ကြည့်ပြီး ပြောလိုက်တယ်။
"ငါ သူ့ကို တောနက်ထဲ မသွားစေချင်တာတော့ မှန်တယ်...။ ဒါပေမဲ့ ငါ သူ့ကို လုံးဝ စိတ်မဝင်စားဘူး...။ မင်းက အခုလို လုပ်လိုက်တော့ သူသတိရတဲ့အခါ ငါတော့ တိုင်ပတ်ပြီ...။''
"မင်းက သူ့ကို ငါ့ဆီ လွှဲပေးချင်လို့လား...။''
"မဟုတ်ပါဘူး...။ မင်းက ငါ့ကို ကူညီတာပဲ...။ ရပါတယ်...၊ ထားလိုက်တော့...၊ ငါ့ဖာသာပဲ ကြည့်လုပ်လိုက်မယ်...။''
ဖီးလစ်က အံကြိတ်ပြီး ပြောလိုက်တယ်။
"ကဲ...၊ မင်းသွားတော့...၊ ရပြီ...။ အနာဂတ်မှာ သူမရှေ့မှာ ပေါ်မလာရင် အကောင်းဆုံးပဲ...။''
ဟန်ဆန်းက ဖီးလစ်ကို ကြည့်လိုက်တယ်။ ပြီးနောက် ပခုံးတွန့်ပြီး ဆက်သွားခဲ့တယ်။ သူ့ခြေလှမ်းတွေက ချောက်ကြီးဆီဦးတည်နေတယ်။ ဟန်ဆန်းဟာ ဖီးလစ်ကို မိတ်ဆွေတယောက်အနေနဲ့ ကူညီသင့်တယ်ထင်လို့ ကူညီခဲ့တယ်။ ဒါပေမဲ့ မှန်းချက်နဲ့ နှမ်းထွက်မကိုက်ဖြစ်ခဲ့တယ်။ အကောင်းလုပ်ပေမဲ့ အဆိုးသာရခဲ့တယ်။
-------- --------- -------- ------- --------
ဖီးလစ်ဟာ အမျိုးသမီးကို ပွေ့ချီပြီး တောင်ပေါ်က ဆင်းလာခဲ့တယ်။ ဒါပေမဲ့ ခြေလှမ်းအနည်းငယ်လှမ်းအပြီးမှာ သူ့ခြေလှမ်းတွေဟာ ရုတ်တရက် ရပ်တန့်သွားတယ်။ သူဟာ ရွှေရောင်ချပ်ဝတ်တန်ဆာနဲ့ လူကို ကြည့်လိုက်တယ်။ အဲ့ဒီလူဟာ ချောက်ထဲကို ခုန်ချသွားတယ်။ သူဟာ အလွန် စိတ်ဝင်စားသွားတယ်။ ဒီနေရာကို တယောက်တည်း လာတဲ့ လူဟာ သာမန်လူတော့ မဟုတ်နိုင်ပါ။ ဖီးလစ်ဟာ အဲ့ဒီလူ ဘယ်လောက် သန်မာတယ်ဆိုတာ သိချင်လာတယ်။
-------- --------- -------- ------- --------
ဟန်ဆန်းဟာ ချောက်ထဲကို လေသိုင်းနဲ့ ခုန်ဆင်းခဲ့တယ်။ လိပ်ပြာတွေဟာ သူ့ဆီကို အဘက်ဘက်ကနေ ဝင်ရောက်လာတယ်။
-------- --------- -------- ------- --------
ဖီးလစ်ဟာ အဲ့ဒီလိပ်ပြာတွေကို သိတယ်။ အဲ့ဒီလိပ်ပြာတွေထဲမှာ သန္ဓေပြောင်းတွေပါတယ်။ ရွှေရောင်ချပ်ဝတ်တန်ဆာနဲ့ လူဟာ သူ့ကိုယ်ပေါ်မှာ လာနားတဲ့ လိပ်ပြာတွေကို အရေးမလုပ်ဘဲ လေပေါ်မှာ လမ်းလျှောက်ပြီး ဆက်သွားနေတယ်။ ထူးဆန်းပါတယ်။ သူဟာ လိပ်ပြာတွေကို သူ့ကိုယ်ပေါ်မှာ နားခွင့်ပြုထားတယ်။
YOU ARE READING
နတ်ဘုရားကမ္ဘာက ဟန်ဆန်း ( အတွဲ ၁) ( Ch 1 - 960)(ခွင့်ပြုချက်ရပြီး)
Adventureနတ်ဘုရားကမ္ဘာမိတ်ဆက် အချိန်ခရီးသွားခေတ်မှာ လူသားတွေဟာ တယ်လီပို့နည်းပညာကို တီတွင်နိုင်ခဲ့တယ်။ ဒါပေမဲ့ တယ်လီပို့နည်းပညာနဲ့ တကယ်တမ်း အချိန်ခရီးသွားခဲ့တဲ့အခါမှာတော့ လူသားတွေဟာ အနာဂတ်ကိုလဲ မရောက်ခဲ့သလို အတိတ်ကိုလဲ မရောက်ခဲ့ပါဘူး။ သူတို့ တကယ်ရောက်ခဲ့တာက အ...
