வா.. வா... என் அன்பே...

வா.. வா.. என் அன்பே - 65

பகுதி - 65

தான் நினைத்ததை விடவும் வேகமாகவே , வந்த வேலை முடிந்திருக்க , இதழ் ஓரத்தில் துடித்த புன்னகையுடன் வெளியேறினான்..

சரண் எவ்வளவு அதிரடியாக , அந்த நடிகையின் வீட்டிற்குள் நுழைந்திருந்தானோ.. அதன் வேகம்  குறையாமலேயே வெளியேறவும் செய்திருந்தான்.. இருந்த அத்தனை நாழிகையிலும் ஒற்றை வார்த்தை வெளியிட்டிருக்கவும் இல்லை .

ஆனால் , அவன் செயல் தீவிரத்தையும்..  பலத்தை பற்றியும் அவன் படத்தில் நடித்துக் கொண்டிருந்த நடிகைக்கு மட்டுமல்ல.. உடன் வந்த ரிச்சர்டை தவிர மற்றவர்களுக்கும் தெரிய வர கதிகலங்கி போயினர் .

அவர்களின் நினைப்பிலும் கலங்கடித்துக் கொண்டிருப்பவனையே.. மனதிற்குள் புலம்ப வைத்துக் கொண்டிருந்தாள்.. அவனது மனையாள் .

சரணோ , இந்த சூழலுக்கும் தனக்கும் யாதொரு சம்பந்தமும் இல்லை என்பது போல்.. தன் வாகனத்திற்குள் ஏறியதில் இருந்து.. அலைபேசியில் தெரியும் தாமரையின் முகத்தில் மட்டுமே விழிகள் பதிந்திருக்க.. மென்மையாக , கட்டை விரல் கொண்டு வருடியவனாய் இருந்தான் .

நேற்றைய இரவில் , உதய் தாமரையோடு  , ரிச்சர்ட் தாரவும் இணைந்தவர்களாக.. நால்வரும் சேர்ந்தார் போல் எடுத்திருந்த புகைப்படத்தில் இருக்கும் மனைவியை வெறித்தவனாய் . உதய்யின் அருகே ரிச்சர்ட் இருக்க.. இடமும் வலமுமாய் தாமரையும் தாராவும் நின்றிருந்தார்கள் .

உதய்.. அவளை தோளோடு அணைத்தவனாக  நின்றிருக்க.. தாமரையோ , லேசாக.. அவன் மீது தலை சாய்த்திருந்தவளாய் பளீரென்று சிரிப்புடன் நின்றிருந்தாள் . ரிச்சர்டும் , மகிழ்ச்சியுடனே நின்றிருக்க.. தாரா‌ , அவன் முதுகை வளைத்தவளாய்.. என்னவன் என்ற பெருமிதத்துடன் காணப்பட.. முதல்முறையாக , அண்ணனும் தங்கையும்.. இவ்வித தயக்கங்களும் இல்லாதவர்களாக.. தங்கள் இணைகளோடு சேர்ந்திருந்தார்கள் .

இவை , அனைத்தும் பத்தே நிமிடம்.. தாமரையை உதய் வேலையின் காரணமாக விலகி சென்றதால் தலைகீழாய் மாறி போக.. அப்படி என்ன நடந்திருக்கும் என்று மூளை முழுவதும்.. தன் யோசனையை தொடர்ந்ததாய் இருந்தது .