வா.. வா... என் அன்பே...

வா.. வா.. என் அன்பே - 86

பகுதி - 86

அவளது புகைப்படமாகவே இருந்த போதிலும் , காலையில் கைபேசியில் பார்த்ததற்கும்.. இப்பொழுது , பிரம்மாண்டமான.. பெரிய திரையை முழுவதிலும் ஆக்கிரமித்திருப்பதை காண்கையில்  , பெரும் வியப்பு.. அதனோடு.. அன்று தாமரை காணத் தவறிய சரணின் மோகம் நிறைந்த பார்வையும் , வளைத்திருந்த கரத்தின் இறுக்கத்தில்.. இன்று , மூச்சு முட்டும் உணர்வு ஏற்பட்டவளாய்.. தடுமாறிக் கொண்டிருந்த பொழுதில் ,

" ஓ.. சரி விடுங்க.. லவ் ஸீக்ரெட்.. அதுக்குள்ள நாங்க வரலை.. " என்று இடையிட்டு இருந்தாள் தொகுப்பாளினி .

" இந்த.. போட்டோஸ் பாருங்க..", என்று கூறவும்.. மீண்டுமாக தாமரை திரும்பி பார்க்க.. சரணின் பழைய புகைப்படமும்.. தற்போதைய ஒன்றுமாக இருந்தது.. பத்து ஆண்டுகளுக்கு  முன்பாக உதட்டில் மட்டுமல்லாது கண்களாலும் சிரித்து முகத்தில் ரோமங்கள் அற்றவனாய் மொழு மொழுவென இருந்ததும்..  மற்றொன்றிலோ ,  பார்வையில் கூர்மையும் இதழ்களில் அளவான ஒட்ட வைத்த புன்னகையுடனும் அலுவலக ஆடையில் கம்பீரமாய் இருந்ததுமாக இருக்க..

" சொல்லுங்க தாமரை மேம்.. உங்களுக்கு எந்த மித்ரனை ரொம்ப பிடிக்கும்.. அமுல் பேபியா.. இல்லை  டெரர் பீஸ்ஸா..", என்று சிரிக்க

" அச்சோ.. இப்படி எல்லாம் கேட்குறீங்களே.. ", என்று குரலே வராமல் கூறியவளாய்.. அலைபாய்ந்து அவனை ஏறிட.. ம்ஹூம்.. அதே அசைவற்ற சிலையாக அமர்ந்திருந்தான்.

" அட.. இதுதாங்க எங்க வேலை.. மக்களே நீங்க சொல்லுங்க.. நான் கேட்டது சரி தான.. மக்கள் கூட்டத்தை பார்த்தவளாய்  ", கேட்டு அப்பெண்மணி சிரிக்க..

மென்குரலில் " எப்படி இருந்தாலும் பிடிக்கும்.. ", என்றாள் .

" ஆங்.. அது எங்க எல்லாருக்குமே உண்டானது . உங்களுக்கு அவர் ஸ்பெஷல் இல்லையா.. ",

இதழ் கடித்து தடுமாறும் அழகு.. புது சுவாரஸ்யத்தைக் கொடுக்கவே ,
" சரி போனாப் போகுது. ரொம்ப பயப்பட வைக்க வேண்டாம் .. நீங்க கண்ணால மட்டும் எதுன்னு காட்டுங்க.. நான் உங்க சார்பா  சொல்றேன் ..",