வா.. வா... என் அன்பே...

வா.. வா.. என் அன்பே - 85

பகுதி - 85

சரணின் கவனம் முழுவதும் தாமரையிடத்தில் இருக்க.. ஆரவ் அவளுடன் இருப்பதை உடனே கண்டுக் கொண்டான் .  ஒற்றை புருவம் மேல் உயர்த்தியவன்.. கூர்மையுடன் அவர்களை கவனிக்க.. விழிகள் மின்ன புன்னகையுடனே உரையாடிக் கொண்டிருந்தாள் ‌. ஆரவ் வீடு தேடி வந்த அன்று , அரண்டவளாக நின்றிருந்ததற்கும் , இப்பொழுது , மலர்ந்து இருக்கும் அவளது முகமும்.. பல யோசனைகளை தூண்டிய போதும்.. உடனடியாக , அவள் அருகே சென்றுவிட வேண்டும் என்ற எண்ணமே மேல் எழ.. அவ்வளவு தான் , நொடியும் தாமதியாமல் அவளிடம் விரைந்திருந்தான் சரண் ‌. சீண்டும் பார்வையுடன் அவனையும் ஆரவ் கடக்க.. இரண்டே எட்டில் மனைவியை நெருங்கி இருந்தவன் .

" இங்க என்ன பண்றீங்க.." , என்று ஒதுக்குப்புறமாய் நிற்பதை விசாரிக்கும் தோரணையே ' ஏன் இங்கு வந்தாய்..', என்பதான கண்டனம் ஒளிந்திருந்ததாய் . , ஆரவ் சென்ற திசையை சுட்டிக்காட்டியவனாய் ,  ' அவன் எதுக்கு வந்தான்..', என்று கண்களால் மனைவியை சினந்துக் கொள்ள‌.. அதனை புரிந்துக் கொண்டவளுக்கோ.. உள்ளுக்குள் உதறல் அதிகமாக எடுத்திருக்க.. இருந்த போதும் ,

" அது.. புடவை அட்ஜெஸ் பண்ற மாதிரி இருந்ததுன்னு அக்கா கூட்டீட்டு வந்தாங்க..", என்று திக்கித் திணறி அவள் கூற‌. மறந்தும் ஆரவ் பற்றிய வினாவிற்கு தெரியாதது போல் பதில் அளிக்காமல் அமைதியாக.. மனதின் உதறலையும் வெளிக்காட்டாமல் , அழுத்தமாக ப்ரியாவின் மணிக்கட்டையும் சேர்த்தே பிடித்து , " எதுவும் சொல்லாதே..", என்று விழிகளால் கெஞ்சியவளாக இருந்ததில்.. அவளும் மௌனமாய் நின்றிருந்தாள் .

" மச்சி.. இவளை தனியா விட வேண்டாம்.. பார்த்துக்கங்க.. ப்ளீஸ்..", என்று தன்மையாகவே ப்ரியாவிடம் கேட்டுக் கொண்டவன்.. " ப்ளீஸ்.. ", என்று தனிமை அளிக்க கேட்க.. சன்ன சிரிப்பை உதிர்த்தவளாக.. சில அடிகள் அவர்களை விட்டு தள்ளி நகர்ந்திருந்தாள் .

ப்ரியா தள்ளிச் செல்லவுமே , "எதாவது ப்ராப்ளம் பண்ணினானா..", என்றான் .

" இல்லை..",

உஃப் என்று காற்றை வெளியேற்றி..
" கப்பிள் பிக்காக கூப்பிட்றாங்க.. நீ இப்படி முகத்தை வச்சிருந்தா.. என்ன அர்த்தம்.. ம்.. நீ என் வைஃப்னு சொல்றது அவ்வளவு கஷ்டமான விஷயமா இருக்கா.. என்ன.. ", என்று குனிந்து விறைப்புத் தன்மையுடன் வினவ..