အခန်း (၁၀၃): တကယ်ကြီး (၃)
Words Count: 5006
UNICODE
"သခင်လေးဘာကိုဆိုလိုတာလဲ?"Mary ၏စက်ရုပ်သံမှာအနည်းငယ်တုန်ယင်နေသကဲ့သို့ရှိသည်။
"မင်းကိုဆောင်းတွင်းရောက်တဲ့အထိနေစရာတစ်နေရာပေးမယ်လို့ပြောတာ...ဒါပေမယ့် မင်းနေရမယ့်နေရာက မင်းလိုချင်သလိုမျိုးလူသားတွေနေထိုင်တဲ့ရွာတွေ မြို့ထဲတွေမှာတော့မဟုတ်ဘူး"
တည်းခိုဆောင်ပိုင်ရှင်သည်တံခါးမဆီသို့သွားကာလော့ချ၏။ သူ၏စိုးရိမ်ကြည့်တို့မှာ Mary ဆီသို့ကျရောက်လျက်။
Cale သည်စကားကိုဆက်၍မပြောခင် တည်းခိုဆောင်ပိုင်ရှင်ဖက်သို့စိုက်ကြည့်သည်။
"ဒါပေမယ့် မင်းရဲ့အချိန်ကိုတကယ့်ကောင်းကင်ကြီးကိုကြည့်ရင်းကုန်ဆုံးလို့ရမယ်...မြေပြင်ပေါ် ကအလှတရားတွေကိုခံစားလို့ရမယ်"
ထိုနေရာမှာမကောင်းဆိုးဝါးအကောင်များနှင့်ပြည့်နေသည့်အလင်းမဲ့တောအုပ်ဖြစ်နေစေကာမူ ဤမြေအောက်မြို့တော်တွင်မမြင်တွေ့ ရနိုင်သောလှပသောကောင်းကင်ကြီးနှင့် သဘာဝအလှတို့ရှိနေသေးပေသည်။
"...ကျွန်မသခင်လေးကိုဝန်မလေးစေချင်ပါဘူး"
ကြာမြင့်လှသောတိတ်ဆိတ်မှုအချိန်တစ်ခုအပြီး ထိုသည်မှာ Mary ပြောလာသောစကားပင်ဖြစ်သည်။
'ဝန်လေးသည်' ဆိုသောစကားလုံးက Cale အားပြုံးလို့သွားစေသည်။
"ကျွန်တော့်အကြောင်းကောင်းကောင်းသေချာမသိသေးလို့ အဲ့စကားပြောနေတယ်လို့ပဲကျွန်တော်သတ်မှတ်ပါရစေ"
Cale သည်ထိုင်ခုံနေရာတွင်ထိုင်လျက် Mary အားမော့ကြည့်သည်။ သို့သော် သူမြင်တွေ့ လိုက်ရသည်ကတော့သူမ၏ဝတ်ရုံနက်အောက်တွင် အနက်ရောင်မျက်နှာဖုံးတစ်ခုကိုထပ်ဝတ်ထားသည်ကိုပင်။
သူသည် သူနှင့်တစ်ကြိမ်လေးတောင်အကြည့်ချင်းမဆုံဘူးလောက်သောမိန်းကလေးနှင့်စကားကိုဆက်ပြောသည်။
YOU ARE READING
❝မြို့စားကြီးမိသားစုရဲ့ ဆန်ကုန်မြေလေး❝ || 𝗩𝗼𝗹𝘂𝗺𝗲 𝟮 (𝗠𝗠 𝗧𝗿𝗮𝗻𝘀)
Fantasy🔅 𝗭𝗮𝘄𝗴𝘆𝗶 & 𝗨𝗻𝗶𝗰𝗼𝗱𝗲 𝗔𝘃𝗮𝗶𝗹𝗮𝗯𝗹𝗲 𝗦𝘁𝗮𝘁𝘂𝘀📍 - 𝗖𝗼𝗺𝗽𝗹𝗲𝘁𝗲𝗱 𝗩𝗼𝗹𝘂𝗺𝗲 𝟮 ✅🟢 ᴍʏᴀɴᴍᴀʀ ᴛʀᴀɴꜱʟᴀᴛɪᴏɴ ᴏꜰ - "𝐓𝐫𝐚𝐬𝐡 𝐎𝐟 𝐓𝐡𝐞 𝐂𝐨𝐮𝐧𝐭'𝐬 𝐅𝐚𝐦𝐢𝐥𝐲" [သူရဲကောင်းတစ်ယောက်မွေးဖွားလာခြင်း] ဆိုတဲ့ ဝတ္ထုထဲက ဇာတ်လိုက်က...