အခန်း (၁၁၉): တွေ့ ရတာဝမ်းသာပါတယ် (၂)
Words Count: 5262
UNICODE
Cale မှာမတွေးတောမိဘဲမနေနိုင်ရ။
'ငါ့ဆီမှာငါတောင်မသိတဲ့တိရစ္ဆာန်တွေနဲ့နှီးနွှယ်မှုများရှိနေတာလား?'
တောကောင်မျိုးနွယ်စုပေါင်းများစွာနှင့်ဘာကြောင့်များသူဆက်တိုက်ပတ်သတ်နေမိရသလဲဆိုသည်ကို သူနားမလည်ပါ။ ထပ်ဆောင်းဆိုရသော် သူတို့အကုန်လုံးမှာ အကျဥ်းအကြပ်ထဲရောက်နေရင်နေ မဟုတ်ရင် အန္တရာယ်ထဲရောက်နေကြသည့်တောကောင်လူမျိုးများဖြစ်နေကြလေသည်။
'မသိရင်ငါကတိရစ္ဆာန်ဆေးရုံပဲဖွင့်ထားသလိုလို'
Cale သည်သူ့ပတ်လည်အားတစ်ချက်လှည့်ကြည့်မိသည်။ Ron နှင့် Beacrox တို့မှာ Witira နှင့် Cale ဘေး၌သူတို့အားချည်းကပ်လာသူများကိုမြင်ရအောင် တစ်ဖက်တစ်ချက်ဆီမတ်တပ်ရပ်နေကြသည်။ သူတို့နှစ်ဦးမှာအတော်လေးကိုထက်မြက်ကြသည့်သားအဖအတွဲဖြစ်လေသည်။
Cale ၏အကြည့်တို့သည် Witira ဖက်သို့ပြန်ရောက်သွားခဲ့သည်။
"မစ္စဖလှယ်ချင်တဲ့သတင်းကဘာများပါလဲ?"
Cale ၏အကြည့်ကိုမြင်ပြီးသည့်နောက် Witira သည်သူမ၏အောက်နူတ်ခမ်းအားလျှာဖြင့်သပ်မိသည်။ သူမပေးမည့်သတင်းအချက်အလက်အပေါ် ၌ မည့်သည့်စိတ်ဝင်စားမှုကိုမှမပြသသည့် Cale ကိုမြင်ပြီးနောက် သူမမှာအာခြောက်သွားရသည်။
သို့သော်လည်း လောလောဆယ် Cale ၏စိတ်အခြေအနေမှာဗြောင်းဆန်နေချေလေသည်။
'ကျားတွေနဲ့ပါငါပတ်သတ်ရရင်တော့တော်တော်ကိုဗြောင်းသတ်တော့မှာပဲ'
နောက်ဆုံးတော့ Witira စတင်စကားပြောလာချိန်တွင် Cale မှာသူ၏အနာဂတ်ကြီးဘယ်လောက်တောင်ဆိုးရွားကုန်မလဲဆိုသည်အား တွေးနေခဲ့သည်။
"တကယ်တော့သခင်လေးဖက်ကကျွန်မတို့ကိုဘာသတင်းအချက်အလက်မှပေးစရာမလိုပါဘူး...ကျွန်မတို့ဖက်ကပဲသခင်လေးဆီပေးသွားမှာပါ"
YOU ARE READING
❝မြို့စားကြီးမိသားစုရဲ့ ဆန်ကုန်မြေလေး❝ || 𝗩𝗼𝗹𝘂𝗺𝗲 𝟮 (𝗠𝗠 𝗧𝗿𝗮𝗻𝘀)
Fantasy🔅 𝗭𝗮𝘄𝗴𝘆𝗶 & 𝗨𝗻𝗶𝗰𝗼𝗱𝗲 𝗔𝘃𝗮𝗶𝗹𝗮𝗯𝗹𝗲 𝗦𝘁𝗮𝘁𝘂𝘀📍 - 𝗖𝗼𝗺𝗽𝗹𝗲𝘁𝗲𝗱 𝗩𝗼𝗹𝘂𝗺𝗲 𝟮 ✅🟢 ᴍʏᴀɴᴍᴀʀ ᴛʀᴀɴꜱʟᴀᴛɪᴏɴ ᴏꜰ - "𝐓𝐫𝐚𝐬𝐡 𝐎𝐟 𝐓𝐡𝐞 𝐂𝐨𝐮𝐧𝐭'𝐬 𝐅𝐚𝐦𝐢𝐥𝐲" [သူရဲကောင်းတစ်ယောက်မွေးဖွားလာခြင်း] ဆိုတဲ့ ဝတ္ထုထဲက ဇာတ်လိုက်က...