အခန်း (၁၃၉): ညလယ်ခေါင်အချိန်
Words Count: 4809
UNICODE
"အရှင့်သားနဲ့တွေ့ ဆုံရတာကျွန်တော်ပျော်အားလွန်ကြီးမိသွားလို့အခုလိုမျက်နှာထားမျိုးကျွန်တော်လုပ်မိသွားတာထင်ပါတယ်"
Cale သည်ထိုသို့ပြန်ဖြေရင်းရုပ်သံဆက်သွယ်ရေးစက်ရှေ့ရှိဆိုဖာပေါ် ၌ထိုင်လိုက်သည်။
• "အဲ့လိုပေါက်ကရလေးဆယ်တွေပြောနိုင်သေးပုံထောက်တော့ မင်းအဆင်ပြေတယ်လို့ငါထင်တာပဲ"
Cale သည်အဆင်မချောလှသော Alberu ၏စကားလုံးရွေးချယ်မှုတို့အားဂရုမစိုက်ခဲ့ပေ။ အဲ့အစားသူသည် Alberu ၏မျက်နှာအသားအရည်ပေါ် သို့သာအာရုံစိုက်မိသည်။
Alberu ကိုကြည့်ရသည်မှာဖြူဖတ်ဖြူရော်ရှိလှသည်။ သူ၏ရွှေရောင်ဆံပင်နှင့် မျက်လုံးပြာတို့မှာအရင်တိုင်းတောက်လွင်နေသော်လည်း သူ့ကိုကြည့်ရသည်မှာပင်ပန်းနေပုံပေါ် ပါသည်။
"အရှင့်သားကိုကြည့်ရတာပင်ပန်းနေသလိုပဲ"
• "မင်းငါ့ကိုကူပေးချင်လား?"
"လိုအပ်တဲ့ဆေးဝါးတစ်ချို့ကိုကျွန်တော်လှမ်းပို့ပေးလိုက်ပါ့မယ်"
Cale ၏ပြန်အဖြေ၌ Alberu ကနှာမူတ်ကာလှောင်ရယ်သည်။ လက်ကိုပင့်မြှောက်ကာ Alberu သည်သူ့နဖူးသူကိုင်ထိမိသည်။
လွန်ခဲ့သည့်တစ်နှစ်ကျော်လောက်ကစလို့ Roan တိုင်းပြည်အတွင်းရှိအာဏာမျှခြေမှာဆက်တိုက်ဆိုသလိုပြောင်းလဲလာခဲ့သည်။
အခုဆိုအနောက်မြောက်ပိုင်း Stan နယ်မြေမှာတတိယမင်းသားအစား Alberu နောက်ကိုလိုက်ခဲ့ကာအရှေ့မြောက်ပိုင်းနယ်မြေအများစုတို့သည်လည်း Alberu နောက်သို့လိုက်နေကြပြီဖြစ်သည်။
ထပ်ဆောင်းဆိုရသော် Alberu ၏ကိုယ်ပိုင်ပရောဂျက်တစ်ခုဖြစ်သည့်အခုထိဆောက်လုပ်နေဆဲအနောက်မြောက်ပိုင်းရေတပ်စခန်းစတင်တည်ဆောက်လာတည်းက အင်အားစုအမြောက်အများမှာ Alberu ဘက်သို့တိမ်းညွတ်လာခဲ့ခြင်းဖြစ်သည်။
YOU ARE READING
❝မြို့စားကြီးမိသားစုရဲ့ ဆန်ကုန်မြေလေး❝ || 𝗩𝗼𝗹𝘂𝗺𝗲 𝟮 (𝗠𝗠 𝗧𝗿𝗮𝗻𝘀)
Fantasy🔅 𝗭𝗮𝘄𝗴𝘆𝗶 & 𝗨𝗻𝗶𝗰𝗼𝗱𝗲 𝗔𝘃𝗮𝗶𝗹𝗮𝗯𝗹𝗲 𝗦𝘁𝗮𝘁𝘂𝘀📍 - 𝗖𝗼𝗺𝗽𝗹𝗲𝘁𝗲𝗱 𝗩𝗼𝗹𝘂𝗺𝗲 𝟮 ✅🟢 ᴍʏᴀɴᴍᴀʀ ᴛʀᴀɴꜱʟᴀᴛɪᴏɴ ᴏꜰ - "𝐓𝐫𝐚𝐬𝐡 𝐎𝐟 𝐓𝐡𝐞 𝐂𝐨𝐮𝐧𝐭'𝐬 𝐅𝐚𝐦𝐢𝐥𝐲" [သူရဲကောင်းတစ်ယောက်မွေးဖွားလာခြင်း] ဆိုတဲ့ ဝတ္ထုထဲက ဇာတ်လိုက်က...