အခန်း (၁၂၆): တကယ်စိတ်သဘောထားကောင်းတဲ့သူ
Words Count: 5640
UNICODE
မည်သူမဆိုသူတို့အားသက်တော်စောင့်တစ်ယောက်၊ အစေခံတို့နှင့်အတူတူခရီးထွက်လာသောသာမန်မျိုးရိုးမြင့်သခင်လေးတို့အဖွဲ့ဟုသာထင်မှတ်ကြမှာပင်။
'မဟုတ်ရင်တောင်ဒီအဖွဲ့ ကနဂိုတည်းကအဲ့လိုပုံစံပဲဟာ'
သူမေ့လျော့သွားခဲ့ရသောယင်းအချက်အကြောင်းအား Cale သည်ပြန်စဥ်းစားမိရင်းရွှေအိုရောင်ဆံပင်တို့ရှိအမျိုးသားငယ်အားပြုံးပြခဲ့သည်။
သို့သော်လည်းကိစ္စများမှာသူထင်ထားသလိုဖြစ်မလာခဲ့ပါပေ။
'ဘာလား?'
ထိုအမျိုးသားမှာ Cale အားပိုလို့ပင်သတိတကြီးဖြစ်လာ၏။
Ron အားစိုက်ကြည့်နေသည့်သူ၏မျက်လုံးအိမ်တို့မှာအနည်းငယ်တုန်ယင်နေ၏။ ပြောရလျှင်ယင်းအမျိုးသားငယ်မှာ Ron ၏ဘယ်ဖက်လက်မောင်းအားစိုက်ကြည့်နေတာဖြစ်ပေသည်။
Ron ၏ဘယ်ဖက်လက်မောင်းဆိုသည်မှာအသက်သွင်းသူ Mary ဖန်တီးပြုလုပ်ပေးထားသည့်လက်တစ်ဖက်ဖြစ်၏။
ပုံမှန်အတိုင်း Ron မှာရှပ်အကျီလက်ရှည်နှင့် လက်အိတ်အမည်းတို့ကိုဝတ်ဆင်ထားတာကြောင့်သိပ်မမြင်ရသော်လည်း ရွှေအိုရောင်ဆံပင်တို့ရှိအမျိုးသားမှာယင်းဖုံးကာထားသောဘယ်ဖက်လက်မောင်းအားစိုက်ကိုကြည့်နေခဲ့လေသည်။
သူ၏မျက်နှာမှာမရေမရာမှု၊ သတိတကြီးဖြစ်မှု နှင့် စိုးထိတ်နေမှုတို့အကုန်ရောယှက်နေသောအမူအရာရှိနေသည်။
မသိလျှင်သူမှာထိုလက်မောင်းမှာအတုအယောင်ဖြစ်ပြီးအမှောင်ထုနှီးနွှယ်မှုမှပြုလုပ်ထားကြောင်းကိုသိနေသည့်အတိုင်းပင်။
တစ်ချက်ကြည့်လိုက်ရုံဖြင့်ထိုအမျိုးသားမှာ ယင်းအားအမှောင်ထုဖြင့်ဆက်စပ်နေသောအရာဖြစ်ကြောင်းအတည်ပြုနိုင်ခဲ့သလိုလို။
YOU ARE READING
❝မြို့စားကြီးမိသားစုရဲ့ ဆန်ကုန်မြေလေး❝ || 𝗩𝗼𝗹𝘂𝗺𝗲 𝟮 (𝗠𝗠 𝗧𝗿𝗮𝗻𝘀)
Fantasy🔅 𝗭𝗮𝘄𝗴𝘆𝗶 & 𝗨𝗻𝗶𝗰𝗼𝗱𝗲 𝗔𝘃𝗮𝗶𝗹𝗮𝗯𝗹𝗲 𝗦𝘁𝗮𝘁𝘂𝘀📍 - 𝗖𝗼𝗺𝗽𝗹𝗲𝘁𝗲𝗱 𝗩𝗼𝗹𝘂𝗺𝗲 𝟮 ✅🟢 ᴍʏᴀɴᴍᴀʀ ᴛʀᴀɴꜱʟᴀᴛɪᴏɴ ᴏꜰ - "𝐓𝐫𝐚𝐬𝐡 𝐎𝐟 𝐓𝐡𝐞 𝐂𝐨𝐮𝐧𝐭'𝐬 𝐅𝐚𝐦𝐢𝐥𝐲" [သူရဲကောင်းတစ်ယောက်မွေးဖွားလာခြင်း] ဆိုတဲ့ ဝတ္ထုထဲက ဇာတ်လိုက်က...