အခန်း (၁၁၄): ကြီးကျယ်ပြီးမြင့်မြတ်သော (၂)
Words Count: 5437
UNICODE
အသိပြန်လည်လာသည့်အချိန်၌ ရွံ့နွံကြီးတစ်ခုမှသူရုန်းထွက်လာရသကဲ့သို့ Cale ခံစားခဲ့ရသည်။ ဘာတွေဖြစ်ပျက်ခဲ့လဲဆိုသည်အားသူပြန်စဥ်းစားမိ၏။
'ငါသတိလစ်သွားတာပဲ'
သူသည်အင်အားပြတ်လတ်ကာသတိလစ်သွားခဲ့သည်။ အခုချိန်မှာသူမျက်လုံးဖွင့်ရမည့်အချိန်မှန်း Cale သတိပြုမိပါ၏။ အကြောင်းမူသူသည်အသံတစ်သံအားခေါင်းထဲ၌ကြားနေရလို့ဖြစ်လေသည်။
• "သုံး နှစ် တစ်...တစ်ရဲ့တစ်ဝက် အဲ့တစ်ဝက်ရဲ့တစ်ဝက်...ဟူးမန်း ငါတစ်ရာကနေပြန်ရေဦးမယ်...ငါသုညမရောက်သေးခင်နိုးရင်နိုးနော် မဟုတ်လို့ကတော့ ဒီဒေသကြီးတစ်ခုလုံးကိုငါဖျက်စီးပစ်မယ်...တစ်ရာ ကိုးဆယ့်ကိုး ကိုးဆယ့်ရှစ်..."
Cale သည် Raon ၏အသံကိုကြားရခဲ့ကာ ချက်ချင်းပင်သူ၏မျက်လုံးတို့ကိုကောက်ခနဲဖွင့်ခဲ့လိုက်တော့သည်။ ထို့နောက် သူမြင်လိုက်ရသောမြင်ကွင်းကြောင့်သူ့မှာထိတ်လန့်သွားခဲ့သည်။
"ပန်းဥယျာဥ်?"
လေထဲတွင်တလွင့်လွင့်လွင့်မျောနေသောပန်းပွင့်ဖက်များနှင့်ပန်းဥယျာဥ်ကြီး။ Raon ၏အသံအား Cale သည်နားနှင့်ကြားလိုက်ရသည်။
"ကို-ကိုးဆယ့်ငါး!"
တီးတိုးရေရွတ်သံတစ်ခုကဲ့သို့တိုးတိတ်လှသောအသံလေးတစ်ခုမှာထိတ်လန့်သွားသည်။
Cale သည်ခေါင်းကိုငုံ့ကြည့်၏။ ယင်းအသံလေးမှာသူ၏ဝမ်းဗိုက်အပေါ် ကနေထွက်လာတာဖြစ်သည်။ သူသည်လက်ကိုပင့်မြှောက်၍စမ်းကြည့်တော့ သူ၏ဗိုက်ပေါ် ၌မမြင်ရသောအရာတစ်ခုရှိနေချေသည်။ ထိုသည်မှာ Raon ပင်ဖြစ်၏။
'သူဒီပေါ် မှာတစ်ချိန်လုံးရှိနေတာလား?'
တစ်ချိန်လုံးတစ်ကနေတစ်ရာအထိရေနေသောအနှီနဂါးနက်လေးအကြောင်းစဥ်းစားမိရင်း Cale မှာထိတ်လန့်မိသွား၏။ သူသည် Raon ၏ကျောလေးကိုပွတ်သပ်ပေးရင်းဖြင့်တွားသွားသတ္တဝါတို့၏သဘာဝအတိုင်းအေးစက်သောအရေပြားအားခံစားခဲ့ရလေသည်။ တခြားသူများကတော့ သူမှာလေကိုသာပွတ်သပ်ပေးနေသည်ဟုထင်မှတ်ကြမှာပင်။
YOU ARE READING
❝မြို့စားကြီးမိသားစုရဲ့ ဆန်ကုန်မြေလေး❝ || 𝗩𝗼𝗹𝘂𝗺𝗲 𝟮 (𝗠𝗠 𝗧𝗿𝗮𝗻𝘀)
Fantasy🔅 𝗭𝗮𝘄𝗴𝘆𝗶 & 𝗨𝗻𝗶𝗰𝗼𝗱𝗲 𝗔𝘃𝗮𝗶𝗹𝗮𝗯𝗹𝗲 𝗦𝘁𝗮𝘁𝘂𝘀📍 - 𝗖𝗼𝗺𝗽𝗹𝗲𝘁𝗲𝗱 𝗩𝗼𝗹𝘂𝗺𝗲 𝟮 ✅🟢 ᴍʏᴀɴᴍᴀʀ ᴛʀᴀɴꜱʟᴀᴛɪᴏɴ ᴏꜰ - "𝐓𝐫𝐚𝐬𝐡 𝐎𝐟 𝐓𝐡𝐞 𝐂𝐨𝐮𝐧𝐭'𝐬 𝐅𝐚𝐦𝐢𝐥𝐲" [သူရဲကောင်းတစ်ယောက်မွေးဖွားလာခြင်း] ဆိုတဲ့ ဝတ္ထုထဲက ဇာတ်လိုက်က...