အခန်း (၁၈၁): ငါကောက်တော့ကောက်လိုက်တာပဲ...ဒါပေမဲ့ (၃)
Words Count: 5043
UNICODE
ထို့ကြောင့်ပဲ Cale မှာစိတ်ကသိကအောက်ဖြစ်နေရတာဖြစ်သည်။
Raon လေးသည်သူ၏လက်တစ်ဖက်အား Cale ပခုံးပေါ် ၌တင်သည်။
"ဟူးမန်း ဒီဟာကသောင်းနဲ့ချီ-မဟုတ်သေးဘူး-သိန်းနဲ့ချီတဲ့ပန်းသီးပိုင်မုန့်တွေကိုဝယ်လို့ရတယ်! သူ့ပေါ် ကကျောက်တွေကိုကြည့်ဦး!"
သူ၏တိုတိုတုတ်တုတ်နောက်လက်တစ်ဖက်သည်သရဖူပေါ် ကကျောက်တွေအားလက်ညိုးထိုးပြလိုက်သော်လည်း Cale သည်မျက်မှောင်ကြုတ်ထားဆဲ။ Raon သည်နားမလည်နိုင်ရသဖြင့်ခေါင်းအားဘယ် ညာစောင်းရင်းစကားအားဆက်ပြောသည်။
"မင်းရဲ့အရောင်အဝါကဒီသရဖူထဲကနေပြီးထွက်နေတာ! ဒါကမင်းအတွက်အကျိုးရှိလိမ့်မယ်ဆိုတာငါသေချာတယ်! အားနည်းတဲ့မင်းကအားကြီးလာအောင်လုပ်ဖို့လိုတယ်လေ!"
'ဘာလို့ငါကအားကြီးချင်ရမှာ?'
Raon ၏စကားကိုကြားလိုက်ရတော့ Cale သည်မျက်မှောင်ကြုတ်လျက်မကျေမနပ်ပြောသည်။
"ငါဒါကိုမလိုအပ်ဘူး...ဘယ်လိုဖြစ်ဖြစ် မင်းကငါ့ဘေးမှာပဲရှိနေမှာမဟုတ်လား?"
'ပြီးတော့ Choi Han On နဲ့ Hong ကောပဲ...အင်အားနဲ့ပတ်သတ်လာရင်ငါအသုံးချလို့ရတဲ့လူတွေအများကြီးရှိနေတဲ့ဟာကို ဘာကြောင့်ငါကဒီ့ထပ်ပိုအားကောင်းလာပြီး သွေးထွက်ရမှာလဲ?'
ဘာမှပြန်ပြောသံမကြားရတော့ Cale သည် Raon ဘက်သို့လှည့်ကြည့်လိုက်သည်။
အနက်ရောင်နဂါးလေးသည် Cale ၏အကြည့်ကြောင့်တစ်ချက်တုန်တက်သွားခဲ့ကာစတင်အော်ပြောလေသည်။
"ဒါပေါ့ ငါမင်းဘေးမှာရှိမှာပေါ့! ငါမပါဘဲမင်းလျှောက်သွားရင် ငါမင်းကိုခွင့်မလွှတ်ဘူး!"
'ဒင်းလေးက လေးနှစ်သားပဲဖြစ်ဖြစ် ခြောက်နှစ်သားပဲဖြစ်ဖြစ် မပြောင်းလဲပါလား'
YOU ARE READING
❝မြို့စားကြီးမိသားစုရဲ့ ဆန်ကုန်မြေလေး❝ || 𝗩𝗼𝗹𝘂𝗺𝗲 𝟮 (𝗠𝗠 𝗧𝗿𝗮𝗻𝘀)
Fantasy🔅 𝗭𝗮𝘄𝗴𝘆𝗶 & 𝗨𝗻𝗶𝗰𝗼𝗱𝗲 𝗔𝘃𝗮𝗶𝗹𝗮𝗯𝗹𝗲 𝗦𝘁𝗮𝘁𝘂𝘀📍 - 𝗖𝗼𝗺𝗽𝗹𝗲𝘁𝗲𝗱 𝗩𝗼𝗹𝘂𝗺𝗲 𝟮 ✅🟢 ᴍʏᴀɴᴍᴀʀ ᴛʀᴀɴꜱʟᴀᴛɪᴏɴ ᴏꜰ - "𝐓𝐫𝐚𝐬𝐡 𝐎𝐟 𝐓𝐡𝐞 𝐂𝐨𝐮𝐧𝐭'𝐬 𝐅𝐚𝐦𝐢𝐥𝐲" [သူရဲကောင်းတစ်ယောက်မွေးဖွားလာခြင်း] ဆိုတဲ့ ဝတ္ထုထဲက ဇာတ်လိုက်က...